Stillingstittel: Førstekonsulent - studie (vikariat)

Stillingsbeskrivelse:

 

Jobbnorge ID: 125745

Ved Institutt for fysikk og teknologi er det ledig eit vikariat som førstekonsulent fram til 31.3.2017 med moglegheit for forlenging. Stillinga er knytt til studieadministrasjon og informasjonsarbeid.

Institutt for fysikk og teknologi er eitt av åtte institutt under Det matematisk-naturvitskaplige fakultet, og har ein stab på omlag 125 tilsette. Omlag 75 doktorgradsstudentar og 400 bachelor- og masterstudentar er registrerte her. Instituttet er vertskap for eit Senter for framifrå forsking, Birkeland Center for Space Science (BCSS).

 

Administrasjonen ved Institutt for fysikk og teknologi har 10 tilsette med ansvarsområde innan økonomi- og prosjektadministrasjon, studieadministrasjon, personal- og generell administrasjon. Studieadministrasjonen består av 3 tilsette. Administrasjonen si rolle er å leggje best mogeleg til rette for at det kan drivast forsking, formidling og utdanning av høg kvalitet ved instituttet.

 

Arbeidsoppgåver

Stillinga vil innebera varierte oppgåver hovudsakeleg innan studieadministrasjon. Døme på oppgåver er:

• Hovudansvar for administrasjon av bachelorprogram i fysikk

• Eksamensadministrasjon og timeplanlegging

• Internasjonalisering i samband med studieprogramma ved instituttet

• Studierettleiing

• Innpassing av ekstern utdanning

• Informasjons- og rekrutteringsarbeid

• Vedlikehald av instituttet sine websider

• Generell sakshandsaming innan studieadministrative saksfelt

• Som tilsett i administrasjonen må du ved behov, ta del i generelle administrative oppgåver innanfor seksjonen sitt arbeids- og ansvarsområde.

Arbeidsoppgåvene vil bli fordelte i studieadministrasjonen avhengig av kvalifikasjonar til den som vert tilsett.

 

Kvalifikasjonar

• Det vert kravd høgare utdanning på masternivå, helst i realfag. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning.

• Relevant fagkrets vil vera ein fordel.

• Det blir lagt vekt på erfaring frå studieadministrativt arbeid.

• Relevant administrativ IT-kompetanse vert også vektlagt, særleg erfaring med systema FS og ePhorte.

• God kunnskap i relevant lov- og avtaleverk.

• Dokumentert erfaring i sakshandsaming.

• Erfaring frå offentleg forvalting og universitets- og høgskulesektoren.

Personlege eigenskapar

Ved vurdering av søkjarane vil me leggje stor vekt på dei personlege kvalifikasjonane som er naudsynte for stillinga.

• Gode kommunikasjons- og samarbeidsevner.

• Evne til å arbeide sjølvstendig og ta ansvar innan eige arbeidsområde. Evne til å ta initiativ og arbeide løysnings- og resultatorientert.

• Effektiv og strukturert.

• Fleksibel og serviceinnstilt.

• Gode analytiske eigenskapar og nødvendig presisjon i arbeidet.

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Allègaten 55 5007 BERGEN

Job kort beskrivelse: Education methods specialists

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år