id: MTE2NTE5MDIwMDAwMzcgMjYx

reference: 11651902000037

documentId: 11651902000037

connectionPointId: 261

Stillingstittel:
Førsteamanunensis/universitetslektor i norsk/norskdidaktikk

Stillingsbeskrivelse:
Jobbnorge ID: 164720

Om stillingane

Universitetet i Stavanger søkjer etter førsteamanuensis/universitetslektor i norsk/norskdidaktikk. Det lyses ut ein fast stilling, og eit vikariat for studieåret 2019/2020. Stillingane er ledig frå 01.08.19.

Fagområde for stillinga er språk- og tekstvitskaplege emne. Særleg aktuelle emne er språk- og tekststrukturar (grammatikk og tekstlingvistikk) og skriving/skriveutvikling. Andre norskfaglege og norskdidaktiske emne kan også vere aktuelle. Den som blir tilsett, må dokumentere faglege kvalifikasjonar som er relevante på ulike nivå i lærarutdanningane. Arbeidsoppgåvene er knytt til heile løpet i grunnskulelærarutdanningane - frå grunnutdanning til masterutdanning (og doktorgradsutdanning for førsteamanuensis).

Som førsteamanuensis vil du hovudsakeleg undervise og rettleie studentar på bachelor-, master- og doktorgradsnivå innanfor norsk/norskdidaktikk i grunnskulelærarutdanningane, forska og formidla forskningsresultat innanfor relevante forskningsområde ved instituttet, samt bidra til utvikling av samarbeid med arbeidslivet.

Som universitetslektor vil arbeidsoppgåvene vere undervisning, rettleiing og eksamensarbeid innanfor norsk/norskdidaktikk i grunnskulelærarutdanningane, samt administrative oppgåver.

Utvikling av varierte og digitale læringsmåtar i undervisninga, innovasjon og verdiskapning basert på resultat frå forskning og fagleg utviklingsarbeid, inngår i stillinga.

Den generelle stillingsomtala for undervisnings- og forskar personale ved UiS gir ei beskriving av aktuelle oppgåver for førsteamanuensis og universitetslektor.

Fagmiljø

Stillinga er organisatorisk knytt til Fakultet for utdanningsvitskap og humaniora, Institutt for grunnskulelærarutdanning, idrett og spesialpedagogikk. Informasjon om eininga kan ein finne på nettsidane våre.

Kvalifikasjonskrav

Vi søkjer etter førsteamanuensis med doktorgrad eller tilsvarande kompetanse innanfor fagområdet.

Søkjarar med spesialisering innanfor språk- og tekstvitskaplege emne eller skriving/skriveutvikling vert føretrekte, men søkjarar med spesialisering innanfor nærliggjande områder kan også vera aktuelle kandidatar.

For tilsetjing som universitetslektor må ein ha høgare grads eksamen innanfor språk- og tekstvitskaplege emne eller skriving/skriveutvikling og relevante forskingskvalifikasjonar utover mastergrads- eller hovudfagsnivå og/eller relevant yrkespraksis.

Du må kunna dokumentera pedagogisk og didaktisk kompetanse knytt til høgare utdanning, eller gjennomføra universitetspedagogisk kurs innan ein periode på to år frå tiltreding. Universitetet vil tilby kurset. 

Arbeids- og undervisningsspråket er norsk. Du må meistre både bokmål og nynorsk.

 Vidare vert det lagt vekt på at du har:

• ei reflektert og bevisst haldning til eige undervisnings- og rettleiingsarbeid
• evne til å involvera og engasjera studentane i undervisning kor utdanninga sine mål, innhald og vurderingssituasjonar heng nøye saman
• erfaring med og/eller interesse for utvikling og bruk av varierte læringsmåtar og digitale reiskaper i undervisninga
• formidla forskningsresultat i anerkjende norske og internasjonale publiseringskanalar, og at du kan visa til progresjon i forskning og publisering
• evne til å initiera, skaffa ekstern finansiering til, leia og gjennomføra større forsknings- og utviklingsprosjekt
• erfaring frå samarbeid med arbeidslivet
• evne til å byggja og ivareta nettverk - regionalt, nasjonalt og internasjonalt
• erfaring med nyskaping, innovasjon og kommersialisering av forsking
• høg arbeidskapasitet, er nysgjerrig og motivert for å utvikla ny kunnskap saman med andre
• gode samarbeids- og kommunikasjonsevner, og evne til å bidra til eit konstruktivt arbeidsmiljø

Vi tilbyr

• varierte arbeidsoppgåver i en stor, spennande og samfunnsviktig organisasjon
• eit ambisiøst arbeidsfelleskap og eit inkluderande arbeidsmiljø
• NyTi - et kollegabasert rettleiingsprogram det fyrste året du underviser ved UiS
• lønn etter Statens lønnsregulativ l.pl 17.510, kode 1011, kr 576.100 - 695.500 bto pr år for førstemanuensis og l.pl 17.510, kode 1009,    kr 534.100 - 631.700. I særskilde tilfelle kan høgare lønn verta vurdert.
• gunstige vilkår i Statens pensjonskasse
• meir om ansattgoder og fordelar på uis.no

Generell informasjon

Søknaden din vil verta vurdert av ein sakkunnig komité. Hovudvekta i den sakkunnige vurderinga vert lagd på bedømming av innsende vitskaplege arbeid/dokumentert kunstnarleg verksemd og dokumentert undervisningskompetanse. Erfaring frå popularisering/formidlingsverksemd, fagpolitisk og fagadministrativt arbeid og eventuelt andre dokumenterte kvalifikasjonar med relevans for stillinga vert også vurdert av dei sakkunnige.

Dersom du ikkje tilfredsstiller sentrale delar av kompetansekrava kan du få søknaden avslått før søknadane oversendes sakkunnig komité for vurdering.

På bakgrunn av omsegn frå sakkunnig komité vil aktuelle søkjarar verta innkalla til intervju og prøveundervisning før innstilling vert gitt.

Dersom det ikkje melder seg søkjarar med tilstrekkeleg vitskapeleg kompetanse, kan det verta aktuelt å tilsetja midlertidig for inntil tre år med sikte på kvalifisering og fast tilsetjing som førstemanuensis. Søkjar må ha føresetnad om å skaffa seg nødvendige kvalifikasjoner i løpet av tilsetjingsperioden.

Det er ein føresetnad at den som vert tilsett, buset seg slik at vedkommande kan vera til stades ved, og tilgjengeleg for, fagmiljøet på arbeidsplassen i ordinær arbeidstid.

Kontaktinformasjon

Nærmere opplysningar om stillinga får ein ved å venda seg til fagkoordinator Magne rogne, tlf: +47 51 83 34 06,                 e-post: magne.rogne (at) uis.no 

Opplysningar om tilsetjingsprosessen får ein ved å venda seg til HR-konsulent Kristine Jacobsen, tlf: +47 51 83 31 21, e-post: kristine.jacobsen (at) uis.no

Søknaden

Søk stillinga elektronisk via "Søk stillinga" på denne siden. Her vert søknad og CV med relevant utdanning og erfaring registrerte. 

Følgjande dokumentar vert lasta opp som vedlegg til søknaden, i separate filer:

• relevante vitnemål og attestar
• fullstendig liste over vitskapeleg arbeid 
• inntil 10 arbeid som dokumenterer undervisnings- og utdanningsfagleg kompetanse, se Retningslinjer for vurdering av undervisningskompetanse
• inntil 10 vitskapelege arbeid som er sentrale i din forskningsproduksjon, inklusiv doktorgradsavhandling
• dokumentasjon på annan aktivitet som vurderast relevant i forhold til kravet til stillinga

Dokumentasjonen må vera på eit skandinavisk språk eller engelsk. Dersom vedlegga overskrid 30 MB til saman, må dei komprimerast før dei vert lasta opp. Opplysningar og dokumentasjon som det skal tas omsyn til ved vurderinga, må vera registrerte innan utløpet av søknadsfristens utløp. Kontaktinformasjon til tre referansepersonar må ein finna i søknaden eller på førespurnad.

Vi gjer merksame på at opplysningar om søkjar kan verta offentleggjorde sjølv om søkjar har bedd å, ikkje å verta oppført på offentleg søkjarliste, jf offentleglova § 25. 

UiS vurderar bare søknader og vedlegg registrert i JobbNorge.

Se annonsen og søk på stillingen www.jobbnorge.no

numberOfPosts: 2

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

Arbeidsgiver Navn: Universitetet i Stavanger

source: NAV