Ved Institutt for biologisk og medisinsk psykologi, Det psykologiske fakultet, er det ledig eit vikariat (100 %) som fyrsteamanuensis i logopedi frå 01.07.16 t.o.m. 31.06.17. Dersom det ikkje melder seg søkjarar som fyller vilkår for fyrsteamanuensisstilling kan det tilsettast i stilling som universitetslektor. 

Det psykologiske fakultet tilbyr profesjonsutdanning for psykologar, har ansvar for universitetspedagogisk utdanning av UiB sin eigen stab, bidreg med pedagogikkdelen av lærarutdanninga, og tilbyr grader innan eit vidt felt: barnevern, helsefremjande arbeid, pedagogikk, spesialpedagogikk, psykologi, arbeids- og organisasjonspsykologi og logopedi. Fakultetet sine hovudsatsingsområde innan forsking er knytt til helse, utdanning, utviklingsrelatert forsking og basalforsking i vid forstand.

Den faglege verksemda ved Institutt for biologisk og medisinsk psykologi (IBMP) er omfattande og held internasjonalt nivå. Den er knytt til forsking og undervising innan biologisk psykologi, kognitiv nevrovitskap, nevropsykologi og logopedi. Instituttet har ca. 55 tilsette inkludert personale i midlertidig stillingar. IBMP har fem forskingsgrupper (B.LOG, BCLG, C-CNS, fMRI, RECSS), ein forskarskule (IGSIN), og ein nevropsykologisk poliklinikk. Forskinga omfattar både basal og klinisk retta forsking. Ein vesentleg del av forskinga skjer i samarbeid med andre forskingsinstitusjonar og laboratorium i Noreg og i andre land. Instituttet rår over moderne laboratorium for elektrofysiologi, samt dyreforsking og har god tilgang til fMRI-fasilitetar.

Logopedutdanninga er tverrfagleg bygd opp og er eit samarbeid mellom medisinske, språkvitskaplege og psykologiske fagmiljø. Studiet er forankra i master i helsefag, men det sentrale fagmiljøet i logopedi er lagt til Institutt for biologisk og medisinsk psykologi, som vil vere fast arbeidsplass for den utlyste stillinga. Logopedutdanninga er eit intensivt masterprogram over to år som byggjer på bachelorgrad i helsefag/generell psykologi, utdanningsvitskap eller språkvitskap. Utdanninga er forskingsbasert, og har som mål å utvikle teoretisk kunnskap, praktiske ferdigheiter og profesjonelle haldningar hos kandidatane. Problembasert læring (PBL) utgjer i dag den sentrale pedagogiske tilnærminga i programmet, og alle tilsette må vere innstilt på å delta i PBL-undervisinga, og å delta aktivt i vidareutviklinga av denne delen av studieprogrammet. Tilsette i programmet deltar òg i utvikling av kompetansen til dei kliniske rettleiarane som er knytt til den praktisk/kliniske opplæringa i programmet. Undervisningsspråket i programmet er norsk.

Arbeidsoppgåver/forskingsområde:

Stillinga vil vere knytt til fagmiljøet i logopedi og til ei av forskingsgruppene ved instituttet. Undervisningsoppgåvene kan vere i form av førelesingar, emneansvar, seminarleiing og rettleiing for PBL-grupper (problembasert læring). Sensurabeid kan også inngå. Undervisinga vil i hovudsak liggje til logopedprogrammet, men andre oppgåver kan inngå innanfor den tilsette sin kompetanse

Kvalifikasjonar og eigenskapar:

For tilsetting i stilling vert det kravd kompetanse i logopedi. Erfaring frå undervisning vil bli vektlagt.

• Kvalifikasjonskrav for stilling som fyrsteamanuensis: norsk doktorgrad  innan relevant fagfelt eller tilsvarande kompetanse eller kompetanse på tilsvarande nivå
• Kvalifikasjonskrav for stilling som universitetslekto
  
  Minstelønn: 0
  
  Maksimal lønn: 0
  
  Arbeidsgiver Navn: Universitetet i Bergen
  
  Arbeidsgiver adresse: Christiesgt. 18 5020 BERGEN
  
  Job kort beskrivelse: University and higher education teachers
  
  Land: Norge
  
  Region: Hordaland
  
  Kilde til jobbtilbud: NAV, Offentlige arbeidsformidlinger, Norge
  
  Lønn valuta: NOK
  
  Lønn periode: Pr. år
  
  
  GJELDER