id: MTIwOTE5MDIwMDAzNjggMjYx

reference: 12091902000368

documentId: 12091902000368

connectionPointId: 261

Stillingstittel:
Førsteamanuensis/universitetslektor (15 %) i pianoakkompagnement

Stillingsbeskrivelse:
Jobbnorge ID: 165315

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Førsteamanuensis/universitetslektor (15 %) i pianoakkompagnement

Ved Griegakademiet - Institutt for musikk, er det ledig ei fast stilling som  førsteamanuensis/universitetslektor (15 %) i utøvande musikk, pianoakkompagnement knytt til talentutviklingsprogrammet Griegakademiets unge talentar (GUT). Tilsetjing er ønska frå 1. august 2019.

Arbeidsoppgåver/forskingsområde:

Vi søkjer ein pianist til arbeidsoppgåver som akkompagnatør for elevar i Griegakademiets talentutviklingsprogram (GUT). Arbeidet vil omfatte akkompagnementsoppgåver med ei rekke ulike instrumentalistar og songarar. Oppgåvene i akkompagnement ligg primært i det klassiske repertoaret og fordrar evner og dugleik i notelesing og utøving innan klassisk praksis. Den som vert tilsett vil ha sine primære arbeidsoppgåver knytt til talentprogrammet. Undervisningsoppgåver knytt til vårt BA program i Utøvande musikk eller komposisjon kan verte aktuelt.

GUT er ein del av eit nasjonalt talentutviklingsprogram og er eit tilbod til talentfulle ungdommar i alderen 13-19 år. Programmet er vanlegvis eit tillegg til undervisninga ved lokal kulturskule, vidaregåande skule eller i privatopplæring. Tilbodet starta i 2004 og er utvikla i samarbeid mellom dei statlege institusjonane som gir høgre utdanning i utøvande musikk. Tilbodet omfattar individuell undervising på instrument, gruppeundervising i musikkteori og gehør, samspel, meisterklasser og konserter. GUT organiserast i samlingar og konsertar, i hovudsak i helger.

Kvalifikasjonar og eigenskapar:

• For stilling som førsteamanuensis: Dokumentert kunstnarleg verksemd eller utviklingsarbeid som utøvar på høgt internasjonalt nivå.
• For stilling som universitetslektor: Dokumentert anerkjent kunstnarleg verksemd eller utviklingsarbeid som utøvar av eit visst omfang.

Den faglege kompetansen vil bli vurdert av ein sakkunnig komité. Dei best kvalifiserte søkarane vil bli kalla inn til intervju av ei intern intervjugruppe, og vil også kunne måtte halde prøveundervisning for instituttets stab og studentar.

I tillegg vil det bli lagt vekt på:

• Pedagogiske evner og engasjement
• Gode samarbeidsevner med vekt på dialog og inkluderande fagleg kommunikasjon
• Erfaring frå talentutviklingsarbeid
• Brei repertoarkunnskap

Undervisningsspråket er skandinavisk og engelsk.

Vi tilbyr:

• Spennande og utviklande arbeidsoppgåver i eit sterkt fagmiljø
• Stilling som førsteamanuensis (kode 1011) i lønssteg 64 - 72 (lønsramme 24:8, med løn kr. 565.500 - 658.300 brutto i året i fulltidsstilling) eller stilling som universitetslektor (kode 1009) i lønssteg 52 - 64 (lønsramme 25:6, med løn kr. 456.900 - 565.500). Det vert trekt 2 % pensjonsinnskot til Statens pensjonskasse. For særlig kvalifiserte søkjarar kan det bli aktuelt å vurdere høgare løn.
• Medlemskap i Statens pensjonskasse
• Gode velferdsordningar

Søknaden skal innehalde:

• CV
• Vitnemål og attestar
• Dokumentasjon av pedagogiske kvalifikasjonar
• Materiale som dokumenterer kunstnarleg utviklingsarbeid og kunstnarleg verksemd

Søkaren må gjere greie for sine kvalifikasjonar knytt til dei forhold stillinga krev og vektlegg.

Søkjarar som ikkje kan dokumentere pedagogisk basisutdanning før tilsetjing vil få tilbod om opplæring.

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.

Generell informasjon

Utfyllande opplysningar om stillinga kan ein få ved å vende seg til: Instituttleiar Randi Rolvsjord på tlf. + 47 - 55 58 69 79.

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

Arbeidsgiver Navn: Universitetet i Bergen

source: NAV