Ved Molekylærbiologisk institutt er det ledig eit vikariat som førsteamanuensis (100 % stilling) for 4 år.

Molekylærbiologisk institutt har som overordna mål å drive forsking og gi undervising innan fagområda molekylærbiologi, biokjemi og bioteknologi på eit internasjonalt høgt nivå. Forskinga er fokusert på protein struktur-funksjon relasjonar, signalisering og regulering i biologiske system og bioinformatikk/computational biology. Instituttet utdannar kandidatar på bachelor-, master- og doktorgradsnivå. Det vert undervist i 18 emne. Fire av emna har omfattande laboratoriekurs. Instituttet administrerer i tillegg ein forskarskule. Det er i dag om lag 60 tilsette ved instituttet.

Arbeidsoppgåver/forskingsområde

Førsteamanuensen skal undervise i emne i molekylærbiologi, hovudsakeleg på bachelornivå, og ta del i forskinga til eit av instituttet sine forskingsprogram/forskingsgrupper. Den som vert tilsett, skal i tillegg inngå i studieplanutviklingsarbeid.

Kvalifikasjonar og eigenskapar

• Søkjarar må ha doktorgrad innan molekylærbiologi eller tilsvarande

• Den som vert tilsett, må ha erfaring frå forsking innan eitt av tema til instituttet sine forskingsprogram/grupper og erfaring frå arbeid med nukleinsyrer og genregulering

• Pedagogisk kompetanse, erfaring med emneansvar eller ansvar for laboratorieundervising vil verte lagt vekt på

• Røynsle frå populærvitskapleg formidling er ynskjeleg

• Det er ein føremon med røynsle frå prosjektleiing og overordna planlegging

• Gode kunnskapar i norsk og engelsk. Undervisingsspråket er i hovudsak norsk. Det er eit krav at den som blir tilsett, kan undervise på norsk og på engelsk.

I tillegg til faglege og relevante kvalifikasjonar innan pedagogikk, molekylærbiologisk undervising og forsking, vil personlege eigenskapar, engasjement, gode kommunikasjons- og samarbeidsevner og erfaring med utviklingsoppgåver verte lagt vekt på. I tillegg må søkjaren vere resultatorientert, kunne arbeide sjølvstendig og ha god skriftleg framstillingsevne.

Du kan finne utfyllande informasjon med nærare presisering av fagkrins og ansvarsområde, særlege plikter og andre tilhøve som det vert lagt vekt på ved tilsetjinga, lengre nede på denne sida.

Vi kan tilby

• eit godt og fagleg utfordrande arbeidsmiljø

• ein dyktig og dedikert studieseksjon

• eit godt utrusta laboratorium for moderne molekylærbiologi og tilgang til kjernefasilitetar innan mellom anna proteomikk, genomikk, billedanalyse og bioinformatikk

• løn etter lønssteg 60-68 (kode 1011 lønsramme 24.4) i lønsregulativet til staten ved tilsetjing. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.

• medlemskap i Statens pensjonskasse

• stilling i ei inkluderande arbeidslivsverksemd (IA-verksemd)

• gode velferdsordningar

Søknaden skal innehalde 

• CV med vitnemål og attestar

• ei kort utgreiing (maksimalt ei side) om søkjaren si interesse og motivasjonen for å søkje denne stillinga

• ei fullstendig liste over undervisingserfaring, inklude<
  
  Minstelønn: 0
  
  Maksimal lønn: 0
  
  Arbeidsgiver Navn: Universitetet i Bergen
  
  Arbeidsgiver adresse: Christiesgt. 18 5020 BERGEN
  
  Job kort beskrivelse: University and higher education teachers
  
  Land: Norge
  
  Region: Hordaland
  
  Kilde til jobbtilbud: NAV, Offentlige arbeidsformidlinger, Norge
  
  Lønn valuta: NOK
  
  Lønn periode: Pr. år
  
  

  GJELDER