id: MTIwOTE5MDUwMDAwMzYgMjYx

reference: 12091905000036

documentId: 12091905000036

connectionPointId: 261

Stillingstittel: Førsteamanuensis i medisin (20 % bistilling)

Stillingsbeskrivelse:

Jobbnorge ID: 169472

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Førsteamanuensis i medisin (genetisk rettleiing)

Ved Det medisinske fakultet, Klinisk institutt 2 (K2), er det ledig ei mellombels stilling som førsteamanuensis (20 %) i medisin (genetisk rettleiing ) i to år, frå 15. august 2019. Stillinga er oppretta i samband med etableringa av mastergrad i genetisk rettleiing med klinisk fordjuping, masterprogram i Helse og Samfunn. Dette masterprogrammet er forankra ved Institutt for global helse og samfunnsmedisin (IGS). Arbeidet vil i hovudsak skje ved Avdeling for medisinsk genetikk (MGM), Haukeland universitetssjukehus (HUS), i nær samhandling med tilsette ved K2 og IGS. Den som vert tilsett skal være knytt til forskingsgruppa Medisinsk genetikk ved K2.Om stillinga...

Arbeidsoppgåver/forskingsområde:

• Planlegge og delta i undervisinga i dei obligatoriske fordjupingsfaga som er knytt til temaet genetisk rettleiing, masterprogram i Helse og Samfunn.
• Planlegge det faglege innhaldet og delta i gjennomføringa av den obligatoriske kliniske praksisen i genetisk rettleiing ved ei medisinsk-genetisk sjukehusavdeling, til dømes ved MGM. Dette arbeidet vil krevje eit godt samarbeid med dei andre medisinsk-genetiske avdelingane i Noreg. Ein må rekne med ein del reiseverksemd.
• Etablere og drive eiga forsking innanfor kliniske-, psykososiale-, etiske- eller juridiske aspektar ved genetisk rettleiing.
• Stimulere til tverrfagleg forsking på fagfeltet, gjerne i samarbeid med tilsette ved IGS og MGM.

Kvalifikasjonar og eigenskapar:

• Søkjar må ha relevant medisinsk- eller helsefagleg utdanning på høgskule- eller universitetsnivå, eller tilsvarande utdanning.
• Søkjar må ha norsk doktorgrad eller tilsvarande forskingskompetanse i genetisk rettleiing. Dersom det ikkje melder seg søkjarar med slik bakgrunn, kan det bli aktuelt å vurdere kandidatar med annan relevant forskingskompetanse.
• Den som vert tilsett må ha god teoretisk kunnskap, brei erfaring med undervising og relevant klinisk erfaring i genetisk rettleiing. Det er ein føremon om søkjar har god kjennskap til forvaltninga av og rammevilkåra for medisinsk genetikk i Noreg.
• Det vil bli lagt stor vekt på evne til samarbeid og til å skape eit godt forskingsmiljø gjennom søknad om midlar, rekruttering og eigen nettverksbygging. Det er ein føremon om søkjar har erfaring med leiing av forskingsprosjekt og koordinering av forskingsaktivitetar.
• Det er ønskeleg at søkjar har tilknyting til Avdeling for medisinsk genetikk, HUS.
• Pedagogisk basisutdanning er eit krav for stillinga. Den som blir tilsett vil få tilbod om opplæring dersom kravet ikkje er oppfylt før tilsetjing.
• Undervisingsspråket er til vanleg norsk. Det vert kravd at den som vert tilsett, kan undervise på norsk eller eit anna skandinavisk språk innan to år etter tilsetjinga. Kurs vert tilbode.

Vi tilbyr:

• eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt
• faglege utfordringar med gode høve for personleg utvikling og kompetanseutvikling
• løn etter lønssteg 66 (kode 1011/lønsramme 24.10), for tida kr 586 500, eller lønssteg 68 (spesialistutdanning) for tida kr 607 700. Løn er brutto pr. år for ei fulltidsstilling i lønsregulativet til staten ved tilsetjing, og vidare opprykk skjer etter tenesteansiennitet i stillinga. For særleg kvalifisert søkjar kan det verte aktuelt å vurdere høgare løn
• god pensjonsordning i Statens pensjonskasse
• gode velferdsordningar

Søknaden skal innehalde:

• CV

• Vitnemål og attestar

• Fullstendig publikasjonsliste

• Liste med vedlegg som dokumenterer dine pedagogiske kvalifikasjonar

• Liste over vitskapelege arbeid du vil det skal takast omsyn til ved vurderinga, med opplysningar om kvar dei er offentleggjorde

• Vitskapelege arbeid du vil det skal takast omsyn til ved vurderinga (maks 10) i passande format (pdf) skal følgje med søknaden som vedlegg.

  Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf).

Generell informasjon:

Utfyllande opplysningar om stillinga får ein ved å kontakte professor Vidar M. Steen ved K2 (tlf. 55975327, eller e-post vidar.martin.steen (at) helse-bergen.no).

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane om moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Universitetet i Bergen

source: NAV