Ved Institutt for biologisk og medisinsk psykologi, Det psykologiske fakultet, er det ledig ei 100 % fast stilling som førsteamanuensis i biologisk psykologi.

Den faglege verksemda ved instituttet er omfattande og held internasjonalt nivå, knytt til forsking og undervising innan biologisk psykologi, kognitiv nevrovitskap, nevropsykologi og logopedi. Det er ca. 45 tilsette inkludert stipendiatar/postdoktorar og teknisk/administrativt personale. IBMP har fem forskingsgrupper (B.LOG, BCLG, C-CNS, fMRI, RECSS), ein forskarskule (IGSIN), og ein nevropsykologisk poliklinikk. Forskinga omfattar både basal og klinisk retta forsking. Ein vesentleg del av forskinga skjer i samarbeid med andre forskingsinstitusjonar og laboratorium i Noreg og i andre land. Instituttet rår over moderne laboratorium for elektrofysiologi, samt dyreforsking og har god tilgang til fMRI-fasilitetar.

Det psykologiske fakultet tilbyr profesjonsutdanning for psykologar, har ansvar for universitetspedagogisk utdanning ved UiB, bidreg med pedagogikkdelen av lærarutdanninga, og tilbyr grader innan eit vidt felt: barnevern, helsefremjande arbeid, pedagogikk, spesialpedagogikk, psykologi, arbeids- og organisasjonspsykologi og logopedi. Fakultetet sine hovudsatsingsområde innan forsking er knytt til helse, utdanning, utviklingsrelatert forsking og basalforsking i vid forstand.

Arbeidsoppgåver/forskingsområde:

Den som vert tilsett vil ha sin arbeidsplass ved Institutt for biologisk og medisinsk psykologi. Arbeidsoppgåver vil være knytt til undervisning og rettleiing av studentar på psykologstudiet og andre studieprogram. I stillinga vil det bli lagt vekt på forskingsbasert undervisning og forskingsverksemd relatert til biologisk psykologi.

Den som vert tilsett må rette seg etter dei retningslinene som til kvar tid gjeld for desse stillingane og det forventes at den som vert tilsett vert knytt til ei av forskingsgruppene ved instituttet. Undervisningsspråket er norsk og engelsk.

Kvalifikasjonar og eigenskapar:

• Søkjarar må ha disputert på søknadstidspunkt innan psykologi eller ei nærliggjande disiplin
• Det er krav om forskings- og undervisingserfaring i biologisk psykologi
• Arbeide sjølvstendig, strukturert og ha gode samarbeidsevner
• Pedagogisk basisutdanning er eit krav for stillinga. Den som blir tilsett vil få tilbod om opplæring dersom kravet ikkje er oppfylt før tilsetjing

Undervisningsspråket er i hovudsak norsk. Det blir kravd at den som blir tilsett, kan undervise på norsk eller eit anna skandinavisk språk innan to år etter tilsetjinga.

Det vil bli gjennomført intervju, prøveforelesing og referanseinnhenting i tilsettingsprosessen. Den som vert tilsett må rette seg etter dei retningslinene som til kvar tid gjeld for stillinga.

Vi kan tilby:

• Eit godt og fagleg utfordrande arbeidsmiljø
• Løn etter lønssteg 60 - 68 (kode 1011/lønsramme 24-4) i lønsregulativet til staten ved tilsetjing. Dette utgjer ei årsløn på kr 510.100 - 591.400 brutto. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn
• Medlemskap i Statens pensjonskasse
• Stilling i ei inkluderande arbeidslivsverksemd (IA-verksemd
  
  Minstelønn: 0
  
  Maksimal lønn: 0
  
  Arbeidsgiver Navn: Universitetet i Bergen
  
  Arbeidsgiver adresse: Christiesgt. 18 5020 BERGEN
  
  Job kort beskrivelse: University and higher education teachers
  
  Land: Norge
  
  Region: Hordaland
  
  Kilde til jobbtilbud: NAV, Offentlige arbeidsformidlinger, Norge
  
  Lønn valuta: NOK
  
  Lønn periode: Pr. år
  
  
  GJELDER