id: MTIwODE5MDQwMDAyNjUgMjYx

reference: 12081904000265

documentId: 12081904000265

connectionPointId: 261

Stillingstittel: Førsteamanuensis / førstelektor IKT i læring

Stillingsbeskrivelse:

Jobbnorge ID: 168910

Ved Høgskulen på Vestlandet (HVL) ved Fakultet for lærarutdanning, kultur og idrett er det ledig ein fast stilling som førsteamanuensis/ førstelektor i IKT i læring

Om stillingane:

Stillinga er knytt til Institutt for pedagogikk, religion og samfunnsfag med arbeidsstad ved ein av våre campus i Bergen eller Stord. Det må påreknast noko reising i stillinga.

Vi søkjer ein person som kan bidra med fagleg, kreativ og innovativ kompetanse innretta mot arbeid i skule og barnehage.

Ansvars- og arbeidsoppgåver:

Stillinga vil primært bli knytt til arbeid med etter- og vidareutdanningane ved instituttet, grunnskulelærarutdanningane og masterstudiet IKT i læring. Arbeidsoppgåvene vil vere undervisning, rettleiing, vurdering og anna oppfølging av studentar. Masterstudiet IKT i læring og ei rekkje vidareutdanningar er nettbaserte og/eller samlingsbaserte studium med faste samlingar, medan grunnskulelærarutdanningane har fast frammøte for studentane på kvar campus. Masterstudiet IKT i læring har faste samlingar på Stord.

Arbeid med etterutdanningsbasert kompetanseheving i skule og barnehage kan bli aktuelt. Dette arbeidet er i hovudsak lokalt basert i kommunane. Avhengig av søkjarane sin kompetanse og instituttet sitt behov vil oppgåver og ansvar bli avtala nærmare.

Stillinga inneber også forsking og utviklingsarbeid. Fakultetet har fem strategiske forskingsprogram (Kunst, kreativitet og kulturelle praksisar; Språk, kommunikasjon og læring; Praksisnær profesjons- og utdanningsforsking; Berekraft, medverknad og mangfald og Idrett, fysisk aktivitet og kosthald). Det blir forventa at dei tilsette bidreg med forsking innretta mot eitt eller fleire av programma.

Kvalifikasjonskrav:

• For tilsetting som førsteamanuensis må søkjar ha avlagt doktorgrad innanfor pedagogisk eller samfunnsvitskapeleg fagområde.
• For tilsetting som førstelektor må søkjaren ha førstelektorkompetanse innanfor pedagogisk eller samfunnsvitskapeleg fagområde.

Vidare må søkjarane:

• Ha høg digital realkompetanse og kompetanse som er relevant frå pedagogisk bruk av IKT i undervisning og læringssamanheng.
• Meistre norsk eller eit anna skandinavisk språk, samt kunne bruke engelsk skriftleg.
• Ha gode kommunikasjons- og samarbeidseigenskapar og kunne arbeide sjølvstendig.

Det vil bli vurdert om søkjar er personleg egna for stillinga.

Følgjande vil telje positivt i vurderinga:

• Erfaring frå forskings- og utviklingsprosjekt der bruk av digitale læringsverktøy har vore sentralt.
• Pedagogisk kompetanse og relevant undervisningserfaring frå grunnskule, vidaregåande opplæring eller høgare utdanning.
• Kunnskap om og erfaring frå fleksibel og nettbasert læring.

Søkjar må oppgi i søknaden ynskje om arbeidsstad.

Høgskulepedagogikk/ rettleiing:

Dersom den som blir tilsett ikkje har formell praktisk pedagogiske kompetanse, må søkjaren kvalifisere seg via kurs i høgskolepedagogikk innan to år frå tilsettingsdato.

Sakkyndig vurdering:

Søkjarar til vitskaplege stillingar blir vurdert av ein sakkyndig komité. Bedømminga skjer på bakgrunn av dokumentert kompetanse og inntil 5 vitskaplege arbeid. Tilsettingsorgan er tilsettingsutval ved Høgskulen på Vestlandet.

Kriteria for tilsetjing i stilling som førsteamanuensis/førstelektor/høgskulelektor går fram av forskrift om tilsetjing og opprykk i undervisnings- og forskarstillingar fastsett av Kunnskapsdepartementet: https://lovdata.no/dokument/SF/forskrift/2006-02-09-129

Korleis søke på stillinga?

Send søknad og CV ved å klikke på knappen merka "Søk stilling" på denne sida.

Vi gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjars ansvar å sørgje for at alle relevante vedlegg er lagt inn innan fristen, her dei vitskaplege arbeida ( inntil 5 stk.), fullstendig publikasjonsliste, attestar og vitnemål. Dersom vitnemåla, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsettjingar. Hvis vedlegga overstig 15 MB må dei komprimerast før opplasting eller leggjast ved som lenke.

Søknadane vert sendt elektronisk til det sakkyndige utvalet. På bakgrunn av komiteens innstilling vil aktuelle søkjarar verta innkalt til intervju og prøveforelesning. Søknadar kan ikkje sendast på e-post til enkeltpersonar ved høgskolen.

Vi tilbyr:

• Gode pensjons-, forsikrings-, og låneordningar i Statens pensjonskasse

• Spennande fagmiljø med moglegheit for kompetanseheving - og utvikling

• Moglegheiter for trening i arbeidstida

• Moglegheiter for dekning av flyttekostnader jfr. Særavtale om dekning av flyttekostnader

Stillinga som førsteamanuensis/ førstelektor er lønna etter Statens lønnsregulativ, i stillingskode 1011/ 1198

Frå løna vil det bli trekt 2 % innskot til Statens pensjonskasse.

Generell informasjon:

Vi gjer merksam på at jfr. offentlegheitslova kan opplysningar om søkjaren bli offentliggjort sjølv om søkjaren har bedt om ikkje å bli oppført på søkarlista. Søkjaren vil bli varsla dersom ynskje ikkje vert teke til følgje.

Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.

Den statlige arbeidsstyrken skal i størst mulig grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning, rekruttere personer med minoritetsbakgrunn og personer med nedsett funksjonsevne. Høgskulen på Vestlandet er ei IA-verksemd.

Heimeside

Kontaktpersonar på Høgskulen på Vestlandet:

Assisterande instituttleiar Erik Bulie, tlf. 53491415 eller ebu (at) hvl.no

Studiekoordinator Svein Ove Lysne, tlf. 53491377 eller SveinOve.Lysne (at) hvl.no

Samspel, berekraft og nyskaping

Samspel, berekraft og nyskaping skal kjenneteikne alt vi gjer.

Vi skal bli eit universitet med ein tydeleg profesjons- og arbeidslivsretta profil.

Les meir på våre heimesider.

Video: https://www.youtube.com/watch?v=z-Py_In-Eyg&feature=youtu.be

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: HØGSKULEN PÅ VESTLANDET

source: NAV