id: MTUyMDE5MDUwMDAwMDkgMjYx

reference: 15201905000009

documentId: 15201905000009

connectionPointId: 261

Stillingstittel:
Førsteamanuensis/førstelektor/høgskulelektor i drama og teater - st. nr. 25/2019

Stillingsbeskrivelse:

Jobbnorge ID: 169804

Om stillinga

Ved Høgskulen i Volda, Avdeling for kulturfag, er det ledig eit vikariat i inntil 100 % stilling i drama og teater for perioden 1.8.2019 - 31.7.2020. Dersom søkjarar berre dekkjer deler av kompetanseområda, kan det verte aktuelt å tilsetje fleire i delstillingar.

Kvalifikasjonar

Den som vert tilsett må fylle kriteria for tilsetjing som førsteamanuensis/førstelektor/høgskulelektor. Dei går fram av <>.

Undervisningserfaring frå høgskule eller universitet vert vektlagt. Det same gjeld anna relevant yrkeserfaring som undervising i skule, barnehage, kulturskule eller frivillig kulturliv. Den som vert tilsett må ta del i fagleg administrasjon, praksisoppfølging og den daglege drifta av studieprogramma.

Vi ønskjer søkjarar med personlege eigenskapar som:
. Gode samarbeids- og kommunikasjonsevner.
. God formidlingsevne og evne til å leie studentprosjekt.
. Vilje og evne til å ta initiativ og å arbeide sjølvstendig.

Søkjaren må ha gode norsk- og engelsk-kunnskapar både skriftleg og munnleg. Undervisings- og administrasjonsspråket ved høgskulen er norsk, men nokre emne vert underviste på engelsk.

Søkjarane må ha hovudfag eller master i drama og/eller teater. Søkjarane må ha dokumentert relevant praktisk-pedagogisk kompetanse på grunnlag av utdanning eller undervisning og rettleiing.

Ved rangering av søkjarane vert det lagt vekt på kompetanse og spesialisering i forhold til behova i fagseksjonen.

Arbeidsfelt

Arbeidsoppgåvene er knytt til praktisk og teoretisk undervisning og rettleiing hovudsakleg på bachelorprogrammet i drama/teater. Fagområda er m.a. skodespelarteknikk knytt til teater for born, regi og samtidsteater, manusutvikling, anvendt teater og dramapedagogikk.

Ein må også rekne med arbeidsoppgåver i emne ved ulike lærarutdanningar og etter- eller vidareutdanning. Den som vert tilsett får ta del i vidare arbeid med fagprofil og utvikling av nye studietilbod og etter nærare avtale bruke arbeidstid på relevant forskings- og utviklingsarbeid.

Erfaring frå utøvande verksemd vil verte vektlagt.

Arbeidsoppgåvene kan bli endra ved skifte i fag-/studietilbod eller i personalsamansetning.

Vi tilbyr

Eit spanande arbeidsmiljø med høve til fagleg og personleg utvikling og gode pensjonsordningar.

Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodene ved Høgskulen i Volda: Førsteamanuensis 1011/førstelektor 1198 frå kr 565 500 - 713 400/høgskulelektor 1008 frå kr 480 600 - 619 300.

Generell informasjon

Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn. Høgskulen praktiserer moderat kjønnskvotering. Vi gjer søkjarar som oppgir at dei har nedsett funksjonsevne eller hol i CV merksam på at denne opplysinga kan verte brukt til registreringsføremål knytt til regjeringa sin inkluderingsdugnad.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Søkjarar kan verte kalla inn til intervju og ei prøveforelesing/workshop. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

I samsvar med Offentleglovas § 25 kan søkjar be om å ikkje bli oppført på offentleg søkjarliste. Søkjarar som ønskjer å reservere seg, må under <<søknad>> hake av for <<Er det grunnlag for å bli unntatt offentligheit, jfr. Offentlighetsloven>> samt grunngi søknaden. Høgskulen kan likevel avgjere at namnet på søkjaren skal offentleggjerast. Søkjaren blir varsla dersom ønsket om unntak ikkje blir tatt til følge.

Om søknaden

Søknad og all dokumentasjon skal sendast elektronisk igjennom rekrutteringssystemet Jobbnorge der du registrerer søknaden, vedlegg og informasjon om utdanning og arbeidserfaring. Vi ber også om at du oppgir referansar med kontaktinformasjon. Søknaden skal gi eit fullstendig oversyn over utdanning og tidlegare praksis. Søknader eller vedlegg kan ikkje sendast på e-post eller i vanleg postgang til høgskulen.

Det er søkjar sitt ansvar å sørge for at alle dokument/filer er lasta opp innan søknadsfristen. Søknaden vert vurdert med den informasjonen som ligg føre elektronisk i Jobbnorge. Vedlegg skal lastast opp som separate filer i eit format som kan leggjast ved elektronisk; PDF, PMG, JPEG, ODF, DOC. Dersom vedlegga samla overstig 30 MB, må dei komprimerast før dei vert lasta opp. Vedlegga skal ha namn som samsvarar med innhaldet i fila.

Følgjande dokument/filer skal leggjast ved den elektroniske søknaden:

• vitnemål og attestar, samla i ei fil
• CV
• master-/hovudfagsoppgåve og eventuell doktorgradsavhandling
• inntil 15 aktuelle vitskapelege arbeid

Søknadsfrist: 20. mai 2019.

Kontakt

Nærare opplysningar om stillinga kan ein få ved å vende seg til dekan Aud Folkestad, tlf. 70 07 53 10 (aud.folkestad (at) hivolda.no) eller til seksjonsleiar for drama og teater, Hege Holmqvist Synnes, tlf. 70 07 54 48 (hhs (at) hivolda.no)

Om seksjon for drama og teater

Seksjonen tilbyr for tida undervisning på følgjande studium:

• Bachelorstudium i teater og drama (180stp.)
• Årsstudium i teater og drama (60stp.)
• Vidareutdanning i forteljing og teaterproduksjon (30stp.)
• Vidareutdanning i manusutvikling og stemmeskodespel (30stp)
• Barnehagelærarutdanninga (heiltid, deltidsutdanninga og arbeidsplassbasert)
• Kunnskapsområdet Kunst, kultur og kreativitet (8stp)
• Fordjuping i småbarnspedagogikk (10stp)
• Praktisk-pedagogisk utdanning, PPU (30stp)

I tillegg tilbyr seksjonen dramakurs i grunnskulelærarutdanninga (1-7 og 5-10) samt i barnevern og sosionomutdanningane. Vi tilbyr også ekstern kursverksemd i m.a. forteljing, museumsformidling, regi og anvendt drama.

Om avdelinga

Avdeling for kulturfag tilbyr for tida m.a. bachelorutdanningar i Musikk, Formgiving, kunst og handverk, Idrett og kroppsøving, Friluftsliv og naturguide, Drama og teater, samt vidareutdanningstilbod innan undervisningsretta fag i skuleverket. Avdelinga har om lag 450 heiltidsstudentar.

Det beste med Volda

Studentar og bygdefolk fortel kva dei synest er det beste med Volda. Produksjon: Chris-Håvard Berge

Video: https://www.youtube.com/watch?v=61Me2JOrMgQ&feature=youtu.be

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: HØGSKULEN I VOLDA

source: NAV