id: MTIwOTE5MDMwMDA2NDUgMjYx

reference: 12091903000645

documentId: 12091903000645

connectionPointId: 261

Stillingstittel: Forskingsrådgjevar

Stillingsbeskrivelse:

Jobbnorge ID: 167873

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Forskingsrådgjevar

Ved Kjemisk institutt er det ledig ei fast stilling som forskingsrådgjevar. Stillinga vil fram til august 2020 vere delt mellom Institutt for fysikk og teknologi og Kjemisk institutt med høvesvis 60% og 40%. Etter dette er det forventa eit tett samarbeid mellom forskingsrådgjevarane ved dei to institutta.

Til stillinga som forskingsrådgjevar ligg ansvar for den forskingsadministrative verksemda ved institutta. Ekstern finansiering av forskinga er i aukande grad avgjerande for drifta vår, og forskingsrådgjevar skal bidra aktivt til at instituttet når målsetjinga om å lukkast betre i konkurransen om forskingsmiddel og å auke sin forskingsportefølje.

Arbeidsoppgåver:

Den som vert tilsett vil få oppgåver og ansvar knytt til alle sider og fasar av arbeidet med å søkje forskingsmiddel. Dette vil mellom anna innebere innhenting og formidling av informasjon, motivasjonstiltak, organisering av søknadsprosessar, rådgjeving til forskarar og forskargrupper, aktiv søknadsstøtte med vidare.

Til stillinga kan det også inngå arbeidsoppgåver knytt til gjennomføring av prosjekt som har oppnådd ekstern finansiering. Dette gjeld i hovudsak prosjektkoordinering knytt til etablering, endring, rapportering og avslutning av prosjekt.

Stillinga omfattar også leiarstøtte og utgreiings- og utviklingsarbeid på høgt nivå innan det forskingsadministrative saksfeltet.

Døme på arbeidsoppgåver:

• Forskingsrådgjeving innan nasjonale og internasjonale forskingsprogram med særleg vekt på posisjonering og utarbeiding av søknader til det norske Forskningsrådet og EU.
• Skaffe oversikt over og informere om relevante nasjonale og internasjonale finansieringskjelder og utlysingar, og motivere forskarar til å søkje eksterne prosjekt.
• Gje rettleiing og assistanse til forskarar i samband med førebuing av søknader og oppstart av prosjekt.
• Oppfølging av prosjekt i driftsfasen.
• Arbeide saman med instituttleiinga med å gjennomføre instituttet sin forskingsstrategi.
• Delta i utarbeiding av rapportar, høyringar og evalueringar relevante for stillinga.
• Ta del i dei relevante forskingsadministrative nettverka ved fakultet og UiB, samt byggje nettverk med eksterne samarbeidspartnarar og finansieringskjelder.
• Bidra med informasjon og forskingsrelevante saker til nettsider og interne nyheitsbrev.

Andre administrative oppgåver kan også vere aktuelle, og endringar i organisering må over tid påreknast. Stillingsinnhald kan vere fleksibelt basert på fagleg bakgrunn og kompetanse. Det er stor moglegheit til å ta nye initiativ, og å påverke sin eigen arbeidskvardag og omfang av arbeidsoppgåver.

Kvalifikasjonar og eigenskapar:

• Søkjarar må ha mastergrad innan realfag eller teknologiske fag. Doktorgrad er ein føremon.
• Røynsle frå forskingsmiljø og med eksternt finansierte prosjekt er eit krav.
• Røynsle frå søknadsskriving og prosjektgjennomføring og/eller prosjektadministrasjon er eit krav.
• Kjennskap til Forskningsrådet og EU sine forskingsprogram vil vere ein føremon.
• Søkjarar må ha svært gode kunnskapar i engelsk munnleg og skriftleg, samt norsk.
• God administrativ IT-kompetanse.

Personlege eigenskapar som blir vektlagt:

• Evne til å motivere, skape kontakt og utvikle nettverk og gode samarbeidsrelasjonar.
• Evne til å tenkje strategisk, sjå behov og ta initiativ.
• Evne til å arbeide sjølvstendig, strukturert og målretta.
• Stor arbeidskapasitet og god til å prioritere.
• Fleksibel og serviceinnstilt.

Vi kan tilby:

• eit godt og fagleg utfordrande arbeidsmiljø
• stilling som rådgjevar (kode 1434) i lønssteg 55 - 65 (for tida kr 480 600,- 576 100,-) i det statlege lønsregulativet. For særleg kvalifiserte søkjarar kan det verte aktuelt å vurdere høgare løn.
• medlemsskap i Statens pensjonskasse
• gode velferdsordningar

Generell informasjon:

Utfyllande opplysningar om stillinga kan ein få ved å vende seg til: instituttleiar Knut Børve, Kjemisk institutt, tlf. 55 58 33 65, e-post Knut.Borve (at) uib.no, eller instituttleiar Øyvind Frette, Institutt for fysikk og teknologi, tlf. 55 58 27 60 / 995 23 142, e-post Oyvind.Frette (at) uib.no.

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C1223

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Universitetet I Bergen

source: NAV