id: MTIwOTE5MDIwMDA1MDcgMjYx

reference: 12091902000507

documentId: 12091902000507

connectionPointId: 261

Stillingstittel: Forskar

Stillingsbeskrivelse:
Jobbnorge ID: 165435

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Forskar 

Ved Det medisinske fakultet, Klinisk institutt 2, er det ledig ei stilling som forskar (100 %). Stillinga er finansiert av ekstern finansieringskjelde og knytt til prosjekt «DEVELOPMENT OF NOVEL COMBINED CSF1R/FLT3-TARGETED THERAPY IN ACUTE LEUKAEMIA». Dette prosjektet har finansiering for 3 år og er finansiert av Kreftforeninga.

Om prosjektet/arbeidsoppgåver:

Prosjektet tar for seg tumor-stroma og immunologiske mekanismar ved målretta behandling av akutt myelogen leukemi (AML). AML rammar flest eldre menneske, med median alder 70 år og med ein årleg førekomst på omtrent 17/100 000 i denne aldersgruppa. Eldre pasientar vil ofte ikkje tåle den mest effektive behandlinga som er tilgjengeleg. Omtrent 30% av pasientane har mutasjon i FLT3, genet for ein receptor tyrosin kinase. Betydinga av støtteceller (stroma) og immunsystem ved AML er i stor grad ukjent, men den mest effektive og kurerande behandlinga er allogen stamcelletransplantasjon. Derfor vil vi utvikle behandling retta mot immunceller og støtteceller.

Prosjektet er ein del av Centre for Cancer Biomarkers CCBIO, et Senter for fremragende forskning støtta av Forskningsrådet og lagt til Det medisinske fakultet, Universitetet i Bergen.

Du kan lese meir om prosjektet her

 

Hovudoppgåver:

Arbeidsoppgåver lagt til stillinga:

• belyse biologi til receptor tyrosin kinasene CSF1R og FLT3 ved AML
• utvikle målretta behandling for akutt leukemi
• utvikle biomarkørar for tidleg å identifisere non-respondere til slik behandling

Kvalifikasjonar og eigenskapar:

• Søkjar må ha relevant ph.d.-grad eller tilsvarande doktorgrad
• Det er ønskjeleg at forskaren har vitskaplege kvalifikasjonar innan analyse og tolking av genekspresjon, PCR, sekvensering, samt nye sekvenserings-teknikkar som til dømes Nanopore. Grunnleggande kunnskap i celledyrking og cellesortering, samt kunnskap om geneditering med CRISPR or retroviral transduksjon. Søkjar må ha gyldig kurs i dyreforsøk.
• Erfaring frå forsking innan immunologi og leukemi vil og bli tillagt stor vekt, likeeins kunnskap om tumor suppressor-biologi.
• Søkjaren må meistre teori bak massecytometri og vere villig til å lære desse teknikkane for analyse av enkeltceller og vevssnitt.
• Det er ønskjeleg at vedkomande har erfaring med rettleiing, undervisning og utarbeiding av prosjektsøknadar.
• Evne til sjølvstendig initiativ og evne til samarbeid vert vektlagt i vurdering av søkjarane.
• Kandidaten må ha høg arbeidskapasitet og entusiasme for forsking.
• Søkjar må vere særs god i munnleg og skriftleg engelsk.
• Det er ein føremon om kandidaten har erfaring frå internasjonalt samarbeid.

Vi kan tilby:

• eit godt og utfordrande arbeidsmiljø i forskingsfronten innan kreftforsking og forsking på tumor-vert-mekanismar
• løn etter lønssteg 59 - 62 (kode 1109/lønsramme 24.3 - 24.6) i lønsregulativet til staten ved tilsetjing, for tida 508 800 - 537 700 kr brutto pr. år for ei fulltidsstilling, vidare opprykk skjer etter tenesteansiennitet i stillinga.
• medlemsskap i Statens pensjonskasse
• gode velferdsordningar

 

Følgjande premissar er lagt til grunn for stillinga som forskar

• Forskaren skal vere medlem i forskingsgruppa som fagfeltet høyrer inn under
• Lønsutgift skal så langt som mogleg vere 100 % eksternt finansiert
• Forskaren skal aktivt bidra med å innhente eksterne prosjektmidlar til fagmiljøet, til både seg sjølv og andre, frå NFR, EU og andre kjelder
• Det er forventa at forskaren har sin forskingsaktivitet finansiert av prosjekta forskaren og forskingsgruppa rundt forskaren arbeider med
• Instituttleiar kan pålegge forskaren arbeid inn mot bestemte forskingsprosjekt
• Forskaren kan inneha verv, delta i komitear, utval m.m. innan UiB
• Forskaren har ikkje undervisningsplikt, men forventas å rettleie master- og ph.d.-studentar i den grad dette inngår som ein naturleg del av forskingsaktiviteten i forskingsgruppa
• Forskaren kan søkje kompetanseopprykk etter reglementet for opprykk
• Grunnlaget for stillinga opphøyrer dersom prosjektfinansieringa opphøyrer, og ny lov om statens ansatte mv. om oppseiing og fortrinnsrett vil gjelde

Søknaden skal innehalde:

• eit søknadsbrev der du skriv om din motivasjon, kvifor du søkjer stillinga og kvifor du passer til denne
• ei oversikt over utdanning og arbeidserfaring (CV)
• attesterte kopiar av vitnemål og relevante attestar (Søkjarar med utanlandsk utdanning må leggje ved både vitnemål på original språket og autoriserte omsetjingar)
• publikasjonar, vitskaplege/faglege arbeid du ønskjer at det skal takast omsyn til ved vurderinga (maks 10) og ei liste over desse
• doktorgradsavhandlinga
• to referansar (namn og kontaktinformasjon)

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Nærare opplysningar om stillinga kan ein få ved å vende seg til professor Bjørn Tore Gjertsen, e-post: bjorn.gjertsen (at) uib.no, tlf.: +47 415 66 248

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2149

abstractJV_contact_0: See jobabstractJV_description

Arbeidsgiver Navn: Universitetet i Bergen

source: NAV