id: NTcwMjE5MDQwMDAyMTUgMjYx

reference: 57021904000215

documentId: 57021904000215

connectionPointId: 261

Stillingstittel: Forskar - økologi og biologisk mangfald

Stillingsbeskrivelse:

Jobbnorge ID: 168604

Nøkkelinformasjon

Stillinga skal vere med på å styrke NIBIO sin kompetanse innan biologisk mangfald og økosystembasert forsking. Stillinga vil ha spesielt fokus på interaksjonar mellom ulike artar og organismegrupper, og korleis slike interaksjonar blir påverka av miljøendringar. Stillinga er ved Avdeling for kulturlandskap og biomangfald med arbeidsstad Trondheim.

Avdelinga for kulturlandskap og biomangfald har ei sentral rolle i utvikling av kunnskap innan økologi, biologisk mangfald og naturforvalting. Forskingsaktiviteten i avdelinga fokuserer spesielt på effektar av landskapsendring og -fragmentering på økosystem og biologiske mangfald, metodar for overvaking av natur, og skjøtsels- og forvaltingsspørsmål relatert til landskap og biologisk mangfald.

Aktuelle oppgåver

• Utvikle og gjennomføre forskingsoppgåver der målsetjinga er å kvantifisere samanhengar mellom landskaps- og miljøendringar og biologisk mangfald
• Bidra til å utvikle avdelinga si kompetanse og forskingsaktivitet innan økosystembasert forsking, studiar av interaksjonar mellom ulike artar og effektar av miljøendringar på slike interaksjonar. Eksempel her kan vere plante-pollinatorinteraksjonar.
• Oppgåver i forskingsprosjektet BE(E)DIVERSE knytt til studiar av samspel mellom vegetasjon og pollinerande insekt i urbane miljø
• Forskingsoppgåver knytt til beiting i utmark og fjell, og effektar av beiting på vegetasjon, økosystem og landskap
• Statistisk modellering og dataanalyse som ein del av prosjektarbeidet
• Vitskapeleg publisering basert på forskingsaktiviteten
• Arbeid med prosjektutvikling og prosjektsøknadar
• Formidlingsaktivitet retta mot eit allment publikum, aktørar i landbruket, forvalting og forskingsmiljø

Kvalifikasjonskrav

• Doktorgrad i økologi/biologi, eller naturgeografi med vekt på økologi
• Kompetanse innan statistisk modellering av økologiske problemstillingar
• Kompetanse innan landskaps-, vegetasjons- eller pollineringsøkologi
• God erfaring med skriving og publisering av vitskapelege artiklar
• Artskunnskap innan ei eller fleire artsgrupper som er relevante for avdelinga sin aktivitet
• Gode munnlege og skriftlege språkkunnskapar i engelsk
• Det er krav om at tilfredstillande norskkunnskapar må tilegnast innan to år ifall ikkje skandinavisk talande (norsk, svensk eller dansk)
• Førarkort for personbil

Det er i tillegg ønskeleg med

• Erfaring med landskapsøkologi og studiar av biomangfald og økologiske interaksjonar
• Erfaring frå arbeid med biologisk mangfald i jordbrukets kulturlandskap eller i urbane miljø
• Erfaring i bruk av GIS og arbeid med romlige data
• Kunnskap om norsk natur og landbruk

Personlege eigenskapar

• Evne til å arbeide strukturert, systematisk, nøyaktig og sjølvstendig
• Kreativ
• Løysingsorientert
• Evne til samarbeid, arbeid i team og nettverksbygging

Vi tilbyr

Stillinga er plassert i det statlege lønsregulativ som forskar kode 1109 eller kode 1183, lønssteg 59-72 (kr 515.200 - 658.300). Løna vert vurdert etter utdanning og erfaring.

Medlemskap i Statens Pensjonskasse, noko som inneber ei god tenestepensjonsordning, yrkesskade- og gruppelivsforsikring, og tilbod om bustadlån til ei gunstig rente.

Treng du meir informasjon?

Kontakt divisjonsdirektør Mogens Lund, tlf +47 941 43 615, eller fung. avdelingsleder Knut Anders Hovstad, tlf +47 971 21 414.

Korleis søkja på stillinga

Søknad med CV sendar du elektronisk via lenkje på denne sida, "søk stillinga".
Vitnemål og attestar skal takast med ved eit eventuelt intervju, eller leggjast ved elektronisk.

Generelle opplysingar

Vi legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonsevne, nasjonal eller etnisk bakgrunn.

NIBIO er ei IA-verksemd (inkluderande arbeidsliv).

Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2113

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: NIBIO TRONDHEIM

source: NAV