id: MTQxMTE5MDQwMDAwMDEgMjYx

reference: 14111904000001

documentId: 14111904000001

connectionPointId: 261

Stillingstittel: Formidlar - Tusenårsstaden Gulatinget

Stillingsbeskrivelse:

Gulen kommune lyser med dette ut stilling som formidlar ved Tusenårsstaden Gulatinget.

Stillinga er mellombels 100% stilling frå snarast til 31.12.19, men kan verte forlenge eller gjort om til fast stilling.

Guiding skjer ute på Tusenårsstaden Gulatinget og i Eivindvik. Det er oppsett eit grindhus i Gulatingsparken - på Tusenårsstaden. Formidlaren vil vere vertskap for Tusenårsstaden med base på grindhuset. Kontorplass vil vere i Eivindvik. Trass i at dei fleste guidingsoppdraga er til faste tider, må arbeidstida tilpassast formidlingsoppdrag ved behov, og det kan derfor verte arbeid også på ettermiddag/kveld/helg etter behov.

Formidlar vil få opplæring når han startar i stillinga.

Arbeidsoppgåver
- Ta hand om dagleg guiding på Tusenårsstaden Gulatinget og i Eivindvik
- Utvikle en formidlingsstrategi i samarbeid med dagleg leiar
- Utvikle formidlingsopplegg og bidra til utvikling av parken for barn og unge, barnehagar og skule
- Utvikle formidlingskonseptet ved å bruke teater/drama i formidlinga
- Følge opp prosjekt knytt til digital formidling
- Initiere publikumsretta aktiviteter/arrangement
- Promotere tilbod i og utanfor sesong (innsalg, sosiale media osv)
- Delta i arbeide med seminar/konferansar i samarbeid med dagleg leiar
- Andre oppgåver som måtte kome til

Formidling
Formidling på Gulatinget er knytt til eit immaterielt kulturminne, og i mindre grad gjenstandsbasert. Målet med formidlinga er å gjere Gulatinget "levande" og aktualisere Gulatingslova. Vi ynskjer også å skape interesse og forståing for historia hos dei besøkande i ulike målgrupper. Formidlinga er knytt til perioden 900-1300. Ramma er vikingtida, med sin estetikk og livformar, med påverknad av norrøn tro og innføringa av kristendomen. Vi ynskjer gjennom formidlinga å knyte saman stadane i Gulen som knyter seg til Gulatinget; Eivindvik og Guløy.

Tema for formidlinga er betydninga av Gulatinget som domstol og rettsystem, og den politiske funksjonen tinget hadde. I tillegg vil vi legge vekt på Gulatingslova med dei verdiane og det samfunnet lova representerer og korleis det har prega utviklinga av Noreg som rettsnasjon og demokrati.

Undertema for formidlinga er innføringa av kristendomen, etableringa av det første norske Forsvaret og kontakten mot øyane i Vest. Vi vil også syne fram dei faste kulturminna i Eivindvik og krosstradisjonen på Vestlandet.

Kvalifikasjonar

• Det kan vere ein fordel om formidlar har kunnskap om fagfeltet og enten har fullført utdanning eller er student innan relevante fag, som til dømes rettshistorie, nordisk, arkeologi, historie, religion eller kulturvitskap, men relevant erfaring og personlege eigenskapar kan vege opp for manglande formell utdanning
• Det kan vere ein fordel om formidlar har relevant erfaring innan formidling, gjerne frå bruk av drama/teater i formidling
• Kompetanse på marknadsføring og sal av opplevingar kan vere ein fordel
• Formidlar må beherske formidling på norsk og engelsk
• Må ha førarkort kl B

Personlege eigenskapar

• Formidlar må vere utadvendt, like å formidle og vere kreativ, samstundes som han/ ho må vere fleksibel og strukturert
• Må kunne jobbe sjølvstendig men samstundes vere god til å samarbeide
• Interesse for formidling og vikingtid

Tilsetjing:

• Gode formidlingsevner og personlege eigenskapar elles vil verte vektlagt ved tilsetjing

Anna:

• Løn etter kompetanse - på fagarbeidarnivå eller bachelor-nivå
• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, PU, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering

Link til søknadsskjema: Send søknad For mer informasjon kontakt: , Børge Hnesna

PAM

numberOfPosts: 1

jobCategoriesCodes_0: http://data.europa.eu/esco/isco/C2359

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: GULEN KOMMUNE KULTUR

source: NAV