id: MTIyMTE5MDQwMDAwNDggMjYx

reference: 12211904000048

documentId: 12211904000048

connectionPointId: 261

Stillingstittel:
Fagseksjonsleder Bachelorutdanninga i sjukepleie, Stord

Stillingsbeskrivelse:

Jobbnorge ID: 169386

Høgskulen på Vestlandet, Fakultet for helse- og sosialvitskap har ledig stilling som fagseksjonleiar, fagseksjon bachelor sjukepleie ved campus Stord. Åremålsstilling for perioden 1.8.2019 - 31.7.2023

Fakultet for helse- og sosialvitskap har om lag 370 tilsette og om lag 4500 studentar. Vi har eit bredt utdanningstilbod innan helse- og sosialfaglege profesjonsutdanningar, etter- og videreutdanningar, fleire masterutdanningar og eit ph.d.-studie i Helse, funksjon og deltaking. Fakultetet har ein vitskapleg ambisjon om å styrke forskingsbasert undervisning, rettleiing og praksis innan områda helse, funksjon og deltaking.

Studentane våre får omfattande ferdigheitstrening i tillegg til praksis, mellom anna gjennom øvingar i kommunikasjon og utprøving ved eit avansert simuleringssenter, SimArena. Vi praktiserer fleksible læringsformer der studenten sjølv blir utfordra til å delta i forsking og utviklingsarbeid.

Ved institutt for helse og omsorgsvitskap er vi om lag 210 tilsette og kring 2400 studentar fordelte på studiestadane Førde, Bergen, Haugesund og Stord. Vi tilbyr bachelorutdanningar i sjukepleie og masterstudium i klinisk sjukepleie med sju ulike fordjupingsområde. I tillegg har vi masterstudium i jordmorfag, masterstudium i samhandling innan helse- og sosialtenester, masterstudium i helse- og omsorgsvitskap, samt ei rekkje vidareutdanningar. Forskinga vår er retta mot å styrke kunnskapsgrunnlaget innan klinisk sjukepleie, kvalitet og innovasjon i helse- og omsorgstenester, folkehelse og livsstil samt utdanningskvalitet.

Ansvars- og arbeidsoppgåver:

Fagseksjonsleiar, bachelor sjukepleie ved Campus Stord vil ha ansvar for utdanning og fagmiljø knytt til bachelorutdanning i sjukepleiefag

• Ansvar for fagleg kvalitet i utdanning og forsking innanfor fagseksjonen sine område

• Tilrettelegging for FoU-arbeid innanfor fagseksjonen sine område

• Ansvar for dagleg drift av studium og utvikling av eit godt læringsmiljø

• Ansvar for arbeidsplanar for tilsette i fagseksjonen

• Personal- og HMS-ansvar for fagseksjonen sine tilsette

• Sikre at studieplanane er i samsvar med fastsette krav og vidareutvikle kvalitet og relevans i studieprogramma

• Bidra til samarbeid på tvers av fagseksjonar og institutt

• Bidra til å utvikle forskingsbasert utdanning

• Arbeide for internasjonalisering av utdanning og forsking

• Systematisk kvalitetssikring og kvalitetsutvikling av utdanningane og fylgje opp studentevalueringar og andre tilbakemeldingar med sikte på at studentane lukkast i utdanningane

• Medverke til god rekruttering av studentar og tilsette

• Bidra til å vidareutvikle relasjonane til samarbeidspartnarar knytt til fagseksjonen sine utdanningar og fagområde

  Legg til rette for at tilsette deltek i forskingsgrupper på tvers av fagseksjonar og institutt

• Ansvar for at fagseksjonen sine økonomiske råmer vert haldne, og sikre god og formålstenleg bruk av fagseksjonen sine ressursar

• Arbeidsoppgåvene kan bli endra som følgje av strategiske vedtak i HVL eller fakultetet

Mynde

Mynde i stillinga er delegert frå instituttleiar, og fagseksjonsleiaren rapporterer til instituttleiar

Inngå i instituttet si leiargruppe og har medansvar for utvikling av instituttet i samsvar med fakultetet sin strategi og målsetjingar

Kvalifikasjonskrav:

Formell utdanning og kompetanse:

• Høgre grads utdanning fortrinnsvis førstekompetanse, med relevans for fagområdet. Vitskapleg kompetanse blir vektlagt
• Dokumentert kompetanse og erfaring innafor fagseksjonen sitt fagområde er ønskelig
• Leiarerfaring og dokumenterte resultat frå fagleg leiarstilling blir vektlagt

Generelle kompetansekrav

• God forståing for høgskulen sitt samfunnsoppdrag og for verdien av kontinuerleg arbeid med likestilling og mangfald i utdanningane og i rekrutteringa av studentar og tilsette
• God pedagogisk kompetanse, m.a. god forståing for kunnskapsformidling og læreprosessar
• Erfaring frå, og kunnskap om universitets- og høgskulesektoren
• God munnleg og skriftleg framstillingsevne i norsk og engelsk

Personlege eigenskapar

• Gode leiareigenskapar og ein motiverande og inkluderande leiarstil med vekt på samarbeid og medverknad
• Evne til strategisk heilskapleg perspektiv
• Gode evner til kommunikasjon, samhandling og til å bygge tillit og relasjonar internt og eksternt
• Gjennomføringsevne og resultatorientering
• Løysings - og utviklingsorientering
• Stort engasjement for å nå høgskulen sine ambisjonar

Korleis søke på stillinga?

Send søknad og CV ved å klikke på knappen merka "Søk stilling" på denne sida.

Vi gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjars ansvar å sørgje for at alle relevante vedlegg er lagt inn innan fristen, her attestar og vitnemål. Dersom vitnemåla, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsetjingar.

Aktuelle søkjarar vil verta kalla inn til intervju. Søknadar kan ikkje sendast på e-post til enkeltpersonar ved høgskulen.

Vi tilbyr:

• Gode pensjons-, forsikrings-, og låneordningar i Statens pensjonskasse

• Spennande fagmiljø med moglegheit for kompetanseheving - og utvikling

• Høve for trening i arbeidstida

Stillinga som fagseksjonsleiar er løna etter Statens lønsregulativ, i stillingskode 1473.

Frå løna vil det bli trekt 2 % innskot til Statens pensjonskasse.

Generell informasjon:

Vi gjer merksam på at jfr. ny offentlegheitslov kan opplysningar om søkjaren bli offentliggjort sjølv om søkjaren har bedt om ikkje å bli oppført på søkjarlista. Søkjaren vil bli varsla dersom ynskje ikkje vert teke til følgje.

Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.

Den statlige arbeidsstyrken skal i størst mulig grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning, rekruttere personer med minoritetsbakgrunn og personer med nedsett funksjonsevne. Høgskulen på Vestlandet er ei IA-verksemd.

Kontaktperson(ar) ved Høgskulen på Vestlandet er:

Instituttleiar

Institutt for helse- og omsorgsvitskap

Georg Førland tlr.: 5270 2636 / 948 65 911 georg.forland (at) hvl.no

Samspel, berekraft og nyskaping

Samspel, berekraft og nyskaping skal kjenneteikne alt vi gjer.

Vi skal bli eit universitet med ein tydeleg profesjons- og arbeidslivsretta profil.

Les meir på våre heimesider.

Video: https://www.youtube.com/watch?v=z-Py_In-Eyg&feature=youtu.be

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C1345

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Høgskolen På Vestlandet Stord

source: NAV