id: MDMxMzE5MDIwMDA1MzQgMjYx

reference: 03131902000534

documentId: 03131902000534

connectionPointId: 261

lastModificationDate: 1550257200647

Stillingstittel: Er du jurist med interesse for opphavsrett?

Stillingsbeskrivelse:
Jobbnorge ID: 165202

Kulturdepartementet søkjer to juristar til seksjonen for film og opphavsrett. Den eine stillinga er fast, den andre er ei mellombels tilsetting på to år.

 

Seksjonen har ansvar for åndsverklova og for utvikling av politikk og verkemiddel på filmområdet. Generelle forvaltningsrettslege spørsmål i departementet høyrer også inn under seksjonen. Opphavsretts- og filmfeltet er prega av store endringar i teknologi, marknad og brukaråtferd. Reguleringa av områda blir i stor grad påverka av internasjonalt regel- og avtaleverk.

 

Arbeidsoppgåver

Hovudoppgåvene for dei to stillingane er å utarbeide grunnlag for avgjerder og gje faglege råd til den politiske leiinga særleg om opphavsrettslege spørsmål. Dette omfattar både lov- og forskriftsarbeid, mellom anna for å følgje opp internasjonale forpliktingar, og arbeid med enkeltsaker. Den mellombelse stillinga skal avhjelpe den auka arbeidsmengda i seksjonen som skuldast arbeidet med å førebu og følgje opp den vedtekne åndsverklova. 

 

Kvalifikasjonar

Du må ha juridisk embetseksamen eller mastergrad i rettsvitskap. Det er ein fordel med relevant yrkeserfaring, men nyutdanna kan også søkje. I tillegg er det ein fordel med erfaring med utvikling av regelverk, gjerne frå eit departement, og med opphavsrettslege og EØS-rettslege spørsmål.

 

Du må kunne utrykkje deg godt både munnleg og skriftleg på norsk. Gode engelskkunnskapar bør du også ha.  

 

Vi vil også leggje vekt på evne og vilje til kommunikasjon og samarbeid, evne til å rettleie andre og til å planleggje og koordinere større arbeid. Du må vere analytisk, fleksibel og effektiv i arbeidet, og vi vil leggje vekt på at du personleg høver til stillinga.

 

Du vil arbeide på fagfelt som er prega av endring, og vi er ute etter søkjarar som er samfunnsorienterte, og som har interesse for fagfelta våre, gjerne også for teknologisk utvikling. I arbeidet vil du måtte halde deg oppdatert om rettsutviklinga, i Noreg og i EØS-retten. Stillingane vil innebere deltaking i internasjonalt samarbeid om fagområda.

 

For kandidatar som kan få stilling som seniorrådgjevar, er det særlege krav om sjølvstende og evne til å planleggje og sikre framdrift i arbeidsprosessar.

 

Du må vere budd på å stille kompetansen din til disposisjon for andre seksjonar og avdelingar i departementet.

 

Klausul om mogleg karantene og saksforbod ved overgang til ny stilling utanfor staten inngår i arbeidsavtalen.

 

Vi tilbyr

Kulturdepartementet har eit kunnskapsrikt og stimulerande arbeidsmiljø med engasjerte, kompetente og resultatorienterte medarbeidarar. Kvardagen i medieavdelinga er prega av høgt arbeidstempo, varierte og utfordrande arbeidsoppgåver og eit hyggjeleg og uformelt arbeidsmiljø. Det er eit godt juridisk fagmiljø i avdelinga og i seksjonen.

 

Tittel for stillingane er 1436 rådgjevar eller 1438 seniorrådgjevar. For å bli vurdert som seniorrådgjevar må du mellom anna ha minimum fem års erfaring som er direkte relevant for stillinga.

 

Rådgjevar frå kr 456 900 til kr 555 100 brutto per år

Seniorrådgjevar frå kr 524 200 til kr 695 500 brutto per år

 

For spesielt kvalifiserte søkjarar kan høgare løn vere aktuelt.

 

Vi held til i hyggjelege lokale midt i Oslo sentrum. Som tilsett hos oss har du fleksibel arbeidstid, høve til trening i arbeidstida, pensjonsordning og rett til å søkje bustadlån gjennom Statens pensjonskasse.

 

Søknadsfrist: 10. mars 2019

 

Inkluderande arbeidsliv og mangfald

Den statlege arbeidsstyrken skal i størst mogleg grad spegle mangfaldet i samfunnet. Det er derfor eit personalpolitisk mål å få til ei balansert samansetjing på tvers av alder og kjøn, og å rekruttere personar med innvandrarbakgrunn, nedsett funksjonsevne og dei som har stått utanfor arbeid og utdanning i ein lengre periode. Opplysningar om dette kan bli brukt til registerformål. Vi vil leggje til rette for personar med nedsett funksjonsevne.

 

Offentleggjering

Dei som søkjer, må vere merksame på at opplysningar om dei kan bli offentleggjorde, sjølv om søkjarane ber om ikkje å bli oppførte på den offentlege søkjarlista. Departementet vil svare på krav om unntak frå den offentlege søkjarlista før ho blir offentleggjord.

 

Kontakt

Vil du vite meir om stillingane, kan du ta kontakt med avdelingsdirektør Torbjørn Backer Hjorthaug, telefon 22 24 79 12 / 995 71 527 eller seniorrådgjevar Tore Magnus Bruaset, telefon 22 24 80 40 / 934 34 401.

Se annonsen og søk på stillingen www.jobbnorge.no

numberOfPosts: 2

jobCategoriesCodes_0: http://data.europa.eu/esco/isco/C2611

abstractJV_contact_0: See jobabstractJV_description

Arbeidsgiver Navn: Kulturdepartementet

source: NAV