id: MTUyMDE5MDMwMDAwMzMgMjYx

reference: 15201903000033

documentId: 15201903000033

connectionPointId: 261

Stillingstittel:
Engasjement førsteamanuensis/førstelektor/høgskulelektor i matematikkdidaktikk/matematikk - st. nr. 18/2019

Stillingsbeskrivelse:

Jobbnorge ID: 167404

Om stillinga

Ved Høgskulen i Volda, Avdeling for humanistiske fag og lærarutdanning, institutt for realfag, er det ledig eit engasjement i 100 % stilling som førsteamanuensis/førstelektor/høgskulelektor i matematikkdidaktikk/matematikk i perioden frå 1.8.2019 til og med 31.7.2020.

Kvalifikasjonar

For tilsetting som førsteamanuensis må søkjaren ha doktorgrad i matematikkdidaktikk/matematikk. For tilsetning som førstelektor må søkjar ha dokumentert kompetanse på nivå med norsk doktorgrad, og med tilsvarande relevanskrav (matematikkdidaktikk/matematikk). For tilsetjing som høgskulelektor må søkjaren ha hovudfag/mastergrad i matematikkdidaktikk/matematikk. Søkjarar bør ha praktisk-pedagogisk kompetanse eller tilsvarande formell pedagogisk kvalifisering.

Personlege eigenskapar som samarbeidsevne, evne til å ta initiativ og arbeide sjølvstendig, god munnleg og skriftleg formidlingsevne og at ein er trygg framfor både store forsamlingar og mindre grupper vil bli vektlagde. Røynsle frå barnehage, skule eller frå høgare utdanning er ønskjeleg.

Søkjaren må ha gode norsk- og engelskkunnskapar, både skriftleg og munnleg. Undervisings- og administrasjonsspråket ved høgskulen er norsk. Språkferdigheiter vil verte vurdert på intervju, og det er forventa at søknaden er skriven på ei norsk målform. Ved vurdering av søkjarane vil det også verte lagt vekt på at den samla fagkompetansen på instituttet vert dekt.

Arbeidsfelt

Matematikk er eit av fleire masterfag i grunnskulelærarutdanninga, og delar av stillinga vil vere knytt opp mot matematikkfaget i denne utdanninga og masteren, på alle nivå (frå Matematikk 1 til rettleiing av masterstudentar). Det må i tillegg påreknast undervisingsoppgåver knytt til nettbaserte og samlingsbaserte etter- og vidareutdanning for lærarar i matematikk. Avhengig av behov vil det også kunne være aktuelt med andre arbeidsoppgåver.

Vi tilbyr

Eit spanande arbeidsmiljø med høve til fagleg og personleg utvikling og gode pensjonsordningar i Statens pensjonskasse.

Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodene ved Høgskulen i Volda: Førsteamanuensis 1011/førstelektor 1198 frå kr 565 500 - 713 400/høgskulelektor 1008 frå kr 480 600 - 619 300.

Generell informasjon

Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn. Høgskulen praktiserer moderat kjønnskvotering. Vi gjer søkjarar som oppgir at dei har nedsett funksjonsevne eller hol i CV merksam på at denne opplysinga kan verte brukt til registreringsføremål knytt til regjeringa sin inkluderingsdugnad.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Søkjarar kan verte kalla inn til intervju og/eller prøveundervisning. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

I samsvar med Offentleglovas § 25 kan søkjar be om å ikkje bli oppført på offentleg søkjarliste. Søkjarar som ønskjer å reservere seg, må under <<søknad>> hake av for <<Er det grunnlag for å bli unntatt offentligheit, jfr. Offentlighetsloven>> samt grunngi søknaden. Høgskulen kan likevel avgjere at namnet på søkjaren skal offentleggjerast. Søkjaren blir varsla dersom ønsket om unntak ikkje blir tatt til følge.

Om søknaden

Søknad og all dokumentasjon skal sendast elektronisk igjennom rekrutteringssystemet Jobbnorge der du registrerer søknaden, vedlegg og informasjon om utdanning og arbeidserfaring. Vi ber også om at du oppgir referansar med kontaktinformasjon. Søknaden skal gi eit fullstendig oversyn over utdanning og tidlegare praksis. Søknader eller vedlegg kan ikkje sendast på e-post eller i vanleg postgang til høgskulen.

Det er søkjar sitt ansvar å sørge for at alle dokument/filer er lasta opp innan søknadsfristen. Søknaden vert vurdert med den informasjonen som ligg føre elektronisk i Jobbnorge. Vedlegg skal lastast opp som separate filer i eit format som kan leggjast ved elektronisk; PDF, PMG, JPEG, ODF, DOC. Dersom vedlegga samla overstig 30 MB, må dei komprimerast før dei vert lasta opp. Vedlegga skal ha namn som samsvarar med innhaldet i fila.

Følgjande dokument/filer skal leggjast ved den elektroniske søknaden:

• vitnemål og attestar, samla i ei fil
• CV
• master-/hovudfagsoppgåve og eventuelle andre vitskapelege arbeid

Dersom det er tvil om søkjarane kvalifiserer til stilling som høgskulelektor, vert søkjarane sine kvalifikasjonar vurderte av eit sakkunnig utval. Alle innkomne søknader blir først vurderte av avdelinga og søknader frå klart ikkje-kvalifiserte søkjarar blir ikkje sende vidare til vurdering i sakkunnig utval.

Søknadsfrist: 8. april 2019

Kontakt

Nærare opplysningar om stillinga får ein ved å kontakte dekan Arne Myklebust, tlf. 70 07 50 95 / 951 66 367, e-post: arne.myklebust (at) hivolda.no eller instituttleiar Eirik Søvik, e-post: eirik.sovik (at) hivolda.no, tlf. 70 07 50 68 / 950 91 236.

Om instituttet

Den utlyste stillinga er knytt til Institutt for realfag, som for tida har 16 fast tilsette i heil- og deltidsstillingar og 5 i mellombels stillingar. Instituttet driftar primært utdanningar innan matematikk, naturfag og matkultur og helse med eit fokus på lærarutdanningane. Den utlyste stillinga er knytt til fagmiljøet i naturfag.

Om avdelinga

Avdeling for humanistiske fag og lærarutdanning tilbyr grunnskulelærarutdanning, barnehagelærarutdanning, praktisk pedagogisk utdanning, ulike fagutdanningar og mastergradstudium med spesialiseringar i matematikk, norsk eller spesialpedagogikk, samt eit omfattande vidareutdanningstilbod.

Det beste med Volda

Studentar og bygdefolk fortel kva dei synest er det beste med Volda. Produksjon: Chris-Håvard Berge

Video: https://www.youtube.com/watch?v=61Me2JOrMgQ&feature=youtu.be

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: HØGSKULEN I VOLDA

source: NAV