Stillingstittel:
Embete som sorenskrivar ved ny samanslått tingrett i Bergen

Stillingsbeskrivelse:

Gjennom den sjølvstendige stillinga og den høge faglege kvaliteten er domstolane samfunnet sin fremste konfliktløysar. Domstolane yter hjelp til vern av den einskilde sine rettar. Eit viktig mål for domstolane er å skape tillit blant folket ved forsvarleg, upartisk og effektiv dømande verksemd.

 

Dommararbeidet stiller strenge krav til fagleg dugleik, personlege eigenskapar og brei yrkes- og livserfaring.

 

Ved utnemninga vil det verte lagt vekt på å spegle mangfaldet i folket med omsyn til kjønn, alder, kulturell bakgrunn og røynsle. Kvinner vert oppmoda om å søkje.

 

Innstillingsrådet for dommarar avgjer innstilling om dommarutnemningar til Kongen i statsråd, der utnemning skjer.

Jobbnorge ID: 122094

Det er vedteke å slå saman noverande Bergen tingrett og Nordhordland tingrett. Den nye samanslåtte domstolen vil bli den største fullfaglege førsteinstansdomstolen i landet. Den som blir utnemnd skal leie arbeidet med gjennomføring av samanslåinga. Vi tek sikte på tiltreding i stillinga i rimeleg tid før samanslåinga, som er planlagd gjennomført 1. januar 2017.

Det er venta at den nye domstolen får i overkant av 40 dømmande årsverk medrekna domstolleiar, og ei samla bemanning på om lag 100 årsverk. Domstolen er lokalisert i Bergen tinghus.

Når ny sorenskrivar skal utnemnast vil det bli lagt vekt på at søkaren har høg fagleg standard, leiarerfaring og evne til å vere ein samlande leiar som arbeider systematisk med organisasjons- og kulturutvikling. Ein bør bygge på det beste ved begge domstolane, samstundes som samanslåings- prosessen blir nytta til å utvikle ein domstol som er rusta til å møte krav og forventingar i framtida. I slike prosessar er kommunikasjons- og samarbeidsevnene til leiaren viktige. Vi viser elles til Praksis/Policynotat, kap. 5, "Lederkriterier i norske domstoler".

Søkarar må ha juridisk embetseksamen/universitetsgraden cand.jur eller master i rettsvitskap. Søkarar må vere norske statsborgarar. Generell informasjon til søkarane er å finne på www.domstol.no/innstillingsradet. For kandidatar som blir innstilte, vil det bli kravd uttømmande politiattest. Arbeidstakaren må utan erstatning finne seg i dei avgjerdene om endring som blir gjorde i forretningskrinsen og organiseringa av domstolen. Det kan innebere samanslåing med andre domstolar og eventuelt bortfall av administrative oppgåver. Endring av tittel på grunn av det kan også skje. Omorganisering kan føre til eventuelle endringar som ny kontorstad.

Stillinga som domstolleiar (50-99,9/>100 årsverk) blir for tida lønt med kr. 1 348 000,-/ kr. 1 440 000,-. Frå dette blir det trekt vanleg pensjonsinnskot til Statens pensjonskasse, for tida 2 %. Lønna vil vere avhengig av den endelege bemanninga i den nye domstolen.

Når søknadsfristen er ute, vil offentleg søkarliste vere tilgjengeleg på www.domstol.no/innstillingsradet. Vi viser i denne samanheng til offentleglova § 25, andre ledd og til generell informasjon til søkarane, om høve til å bli unnateken frå søkarlista.

 

Fleire opplysingar om embetet får du ved å vende deg

Minstelønn: 0

Maksimal lønn: 0

Arbeidsgiver Navn: Domstoladministrasjonen - Dommerstilling

Arbeidsgiver adresse: Dronningensgate 2 7485 TRONDHEIM

Job kort beskrivelse: Judges

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år