id: NTcwMTE5MDYwMDAwMjUgMjYx

reference: 57011906000025

documentId: 57011906000025

connectionPointId: 261

Stillingstittel: Eittårig svangerskapsvikariat

Stillingsbeskrivelse:

Jobbnorge ID: 171388

Om rekneskapsavdelinga

Direktoratet for økonomistyring (DFØ) ligg i Trondheim og leverer rekneskapstenester til statlege verksemder. Ansvaret og arbeidsoppgåvene til seksjonen er å sikre god flyt av kundane sine fakturaer i det elektroniske fakturasystemet. I tillegg skal seksjonen sørgje for at fakturaene blir betalte og reskontro utlikna. Vi følgjer òg opp uteståande krav.

DFØ jobbar med løpande utvikling av rekneskap i staten ved hjelp av automatisering, digitalisering og robotteknologi.

Om stillinga

Til ei mellombels deltidsstilling (svangerskapsvikariat) søkjer vi etter ein ambisiøs og fleksibel person som har lyst til å utvikle rekneskapsforståinga si i eit sterkt fagmiljø. Stillinga er plassert i seksjon for fakturabehandling. Ansvaret og arbeidsoppgåvene til seksjonen er å levere tenester og system knytte til prosessen frå behov til betaling. Sentrale arbeidsoppgåver vil vere å sikre god flyt av fakturaene til kundane i det elektroniske fakturasystemet og sørgje for at fakturaene blir betalte og reskontro utlikna. Vi følgjer òg opp uteståande krav. Kandidaten må rekne med at det kan bli aktuelt å delta i oppgåver i andre seksjonar i rekneskapsavdelinga ved behov. Vi ser for oss ein stillingsprosent på mellom 70 og 80.

Kven er du?

Vi søkjer deg som liker faglege utfordringar og har ei positiv serviceinnstilling. Du er ansvarsbevisst, strukturert, analytisk og har svært gode kommunikasjons- og samarbeidsevner. Du liker å tileigne deg kunnskap innanfor økonomi og IT og ser utviklingspotensialet i begge områda, kvar for seg og i fellesskap. Vi legg vekt på gode personlege eigenskapar.

Kvalifikasjonskrav

Vi søkjer deg som

• har eller er under utdanning på økonomiområdet
• har god rekneskapsforståing
• har svært god systemforståing
• har god skriftleg og munnleg formuleringsevne på norsk
• kan arbeide sjølvstendig og i team
• kan begynne i jobben så snart som mogleg

DFØ nyttar Unit 4 Business World (UBW) som rekneskapssystem og fakturabehandlingssystema Contempus Invoice og Basware IP. Vi føretrekkjer erfaring frå rekneskaps- og fakturasystem.

Vi tilbyr

• eit arbeidsmiljø med ein uformell tone og stor vilje til å skape noko saman
• konkurransedyktig lønn
• fleksibel arbeidstid
• medlemskap i Statens pensjonskasse
• kontakt med relevante fagmiljø i og utanfor DFØ

Stillinga vil bli plassert som konsulent, med lønnsplassering mellom 420 700 og 496 100 kroner per år, avhengig av kompetanse og erfaring. For spesielt godt kvalifisert søkar kan høgare lønn vurderast. Frå lønna blir det trekt to prosent til Statens pensjonskasse.

Ved tilsetjing er det seks månaders prøvetid. Den som får tilbod om stillinga, må leggje fram ein utvida politiattest.

DFØ held til i Trondheim, Brattøra, der det jobbar 135 medarbeidarar. DFØ er ein organisasjon i utvikling. Vi oppnår svært gode resultat både i kundetilfredsheits- og medarbeidartilfredsheitsundersøkingar.

DFØ legg vekt på mangfald, og vi oppfordrar derfor alle til å søkje jobb, uavhengig av alder, kjønn, funksjonsevne, nasjonal eller etnisk bakgrunn. Du er velkommen til å søkje sjølv om du ikkje kan vise til ein samanhengande yrkeskarriere. Lokala våre er universelt utforma, og vi legg forholda til rette for personar med nedsett funksjonsevne.

Meir informasjon om DFØ finn du på heimesida vår, www.dfo.no.

Stillinga er knytt til seksjon for fakturabehandling. Dersom du har spørsmål om stillinga, kan du ta kontakt med seksjonssjef Tom Bjørshol på telefon 980 97 000, eller med Mona-Catharina Holt på telefon 466 34 876.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C4311

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Direktoratet for økonomistyring

source: NAV