id: MTQ0MzE5MDQwMDAwMDkgMjYx

reference: 14431904000009

documentId: 14431904000009

connectionPointId: 261

Stillingstittel: Avlastar i eigen heim og støttekontakt

Stillingsbeskrivelse:

Eid kommune har ledig fast stilling som avlastar i eigen heim ei helg kvar månad. Som avlastar i eigen heim må du ha plass til å ha eit barn i helga, og du må kunne sjå føre deg at dette er eit oppdrag du kan ta på deg over tid.

Avlastning i eigen heim er tiltak for pårørande med langvarig omsorgsarbeid som av ulike årsaker er meir krevjande enn det normalt sett er. Siktemålet med avlastning er å gi eit pusterom i kvardagen for den/dei som til vanleg har omsorgsansvaret, og det er viktig at den som tek til i stillinga er ein trygg og stabil omsorgsperson for at avlastinga skal ha ønskja effekt.

Eventuelle søkjarar som har stilling i kommunen frå før kan i utgangspunktet vere tilsett som avlastar i eigen heim, men vi må sjå på den samla stillinga og gjennomsnittsberekne arbeidstida.

Vi ønskjer å kombinere stilling som avlastar i eigen heim med stilling som støttekontakt/assistent for same omsorgsmottakar.

Støttekontakt er eit tiltak for personar som av ulike årsaker treng støtte og bistand for å oppnå ein aktiv og meiningsfull kvardag. For barn kan det vere å følgje til faste fritidsaktivitetar, hjelp til å finne på og delta i nye aktivitetar og vere ei støtte i sosiale situasjonar med andre barn.

Om omsorgsmottakar:

Omsorgsmottakaren er ein gut i barneskulealder. Han er ein gløgg gut som har behov for tett oppfølging av ein trygg vaksen. Han likar å verte utfordra på nye aktivitetar, men er glad i å ha ein plan for dagen slik at den er føreseieleg. Guten har same omsorgsbehov som andre barn i same alder, men treng tettare oppfølging gjennom dagen og noko meir bistand i daglege aktivitetar.

Kvalifikasjonar:

• Det er ingen formelle krav til utdanning for stillinga, men det er ønskjeleg med erfaring med barn, enten med eigne eller gjennom arbeid
• Du må kunne snakke godt norsk
• Du må levere gyldig politiattest

Det leggast stor vekt på personleg dugleik sidan det er behov for tett samarbeid med føresette og omsorgsmottakar.

• Du må vere stødig, ansvarsfull, tålmodig og påliteleg
• Du må kunne stå i krevjande situasjonar og vere trygg nok til å sette grenser
• Du må vere kreativ og løysingsorientert
• Du må like aktivitet
• Du må ha evne til godt samarbeid med føresette og vere fleksibel

Vi kan tilby :

• Ein gjevande og utviklande jobb
• Løn og utgiftsdekning som avlastar i eigen heim følgjer særavtale for avlastarar SGS1030. Løn kan forhandlast
• Løn som assistent følgjer gjeldande lov- og avtaleverk
• Gode pensjons- og forsikringsvilkår
• Rettleiing og oppfølging etter behov

Eid kommune har 6 månadar prøvetid.

For meir informasjon om stillinga, ta gjerne kontakt med assisterande avdelingsleiar Siri Skjølberg Frimannslund på tlf. 479 76 324. Vi ber om at vitnemål, attestar og referansar vert lagt ved søknaden. Politiattest skal leggjast fram før start i stillinga. Du søkjer ved å bruke lenkje du finn i denne annonsen.

Vi gjer merksam på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.

Søknadsfristen er 28.04.2019.

Link til søknadsskjema: Send søknad For mer informasjon kontakt: , Siri Skjølberg Frimannslund, Mobil 47976324, Epost: siri.skjolberg (at) eid.kommune.no

PAM

numberOfPosts: 1

jobCategoriesCodes_0: http://data.europa.eu/esco/isco/C5311

abstractJV_contact_0: See jobabstractJV_description

Arbeidsgiver Navn: Pleie- og omsorgsetaten

source: NAV