Barne-, ungdoms- og familieetatens fem regionar har som hovudoppgåve å drifte og drive etaten sine institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og familiane deira skal få riktig hjelp til rett tid uansett kvar dei bur i Noreg. Bufetat sine fem regionar og Bufetat Senter for administrasjon og utvikling rapporterer til Barne-, ungdoms- og familiedirektoratet som er underlagd Barne-, likestillings- og inkluderingsdepartementet.

Bufetat, region vest femnar om fylka Sogn og Fjordane, Hordaland og Rogaland. Regionkontoret ligg i Bergen.

Kasa Ungdomssenter Bergen skal gi institusjonstilbod til barn/unge i alderen 13-15 (18) år som av ulike grunnar treng eit opphald i institusjon. Opphaldet skal som regel vera kortvarig, men i einskildtilfelle kan òg lengre opphald vera aktuelle. Målgruppa er definert som ungdom med alvorleg tilknytningsforstyrring frå tidleg barndom.

Bortsett frå akuttplasseringar, skal Kasa gi tilbod for alle andre plasseringsheimlar i barnevernlova. Kasa skal etablere profesjonelle omsorgsrammer som legg til rette for endring og utvikling. Kasa har 5 avdelingar, geografisk spreidde, og med 3 eller 4 plassar på kvar. Kasa samarbeidar med statlege fosterfamiliar for å gi eit heilskapleg tilbod med omsyn til stabilitet og kontinuitet for barnet/ungdommen.

Ved KASA Ungdomssenter - Bergen er det ledig ei fast 100 % stilling som avdelingsleiar.

Arbeidsoppgåver / ansvarsområde

I Bufetat vert det jobba etter eit kunnskapsbasert barnevern sett i høve til målgruppe og metodikk. I KASA legg vi særskilt vekt på mentaliseringsbasert tilnærming og behandling. Vi nyttar òg kunnskap/ teori om traumebasert omsorg.

• Avdelingsleiar har i samarbeid med resten av leiarteam og psykolog oppfølgings- og rettleiingsansvar for miljøterapeutane i KASA ungdomssenter. Personaladministrasjon er ein del av dette arbeidet.

• Avdelingsleiar skal følge opp plan- og rapporteringsarbeid på avdelingane og er ansvarleg for at dette vert gjort i tråd med eininga sine rutinar.

• Bidra til fagutvikling med vekt på mentaliseringsbasert tilnærming og behandling samt jobbe med vidare utvikling og implementering av traumebasert omsorg.

• Avdelingsleiar har ei viktig rolle i høve til samarbeid med inntak og oppfølging i Bufetat og skal følge opp inntaksarbeidet etter at avgjerd om inntak er teke.

• Dei eksterne samarbeidspartane vil vera foreldre, barnevernteneste, skular, ot/ppt og bup. Avdelingsleiar er ein sentral person i dette samarbeidet.

• Denne stillinga skal ha ei særskilt ansvar innan administrasjon og fagutvikling på tvers av alle avdelingane i Kasa Ungdomssenter

Kvalifikasjonar

• Godkjent høgskuleutdanning som barnevernpedagog, sosionom eller vernepleiar. Unntaksvis kan anna relevant utdanning godkjennast.

• Rettleiingskompetanse og/eller -røynsle.

• Røynsle og el. utdanning innan leiing samt offentleg administrasjon er ein føremonn.

Ønskjeleg med røynsle frå:

• Barnevernsarbeid - både 1. og 2. linje.

• Arbeid med barn/ungdom og familiar.

• Kjennskap til mentaliseringsbasert behandling. 

• Røynsle frå med tverrfagleg og tverretatleg samarbeid.

• Leiarrøynsle frå liknande arbeid kan vera ei
  
  Minstelønn: 0
  
  Maksimal lønn: 0
  
  Arbeidsgiver Navn: Barne-, ungdoms- og familieetaten
  
  Arbeidsgiver adresse: Fjøsangerveien 51 5824 BERGEN
  
  Job kort beskrivelse: Health services managers
  
  Land: Norge
  
  Region: Hordaland
  
  Kilde til jobbtilbud: NAV, Offentlige arbeidsformidlinger, Norge
  
  Lønn valuta: NOK
  
  Lønn periode: Pr. år
  
  

  GJELDER