Barne-, ungdoms- og familieetatens fem regionar har som hovudoppgåve å drifte og drive etaten sine institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og familiane deira skal få riktig hjelp til rett tid uansett kvar dei bur i Noreg. Bufetat sine fem regionar og Bufetat Senter for administrasjon og utvikling rapporterer til Barne-, ungdoms- og familiedirektoratet som er underlagd Barne-, likestillings- og inkluderingsdepartementet.

Bufetat, region vest femnar om fylka Sogn og Fjordane, Hordaland og Rogaland. Regionkontoret ligg i Bergen.

Eining for inntak region vest skal etter tilvising fra kommunal barnevernteneste gje tilbod om plass i institusjon eller fosterheim. Eininga skal og formidle statlege hjelpetiltak. Eininga skal gje tilbod i tett samarbeid og dialog med barneverntenesta. Eininga har ansvar for å følgje opp statlege plasseringar i institusjon og familieheim.

Liker du å leie endrings- og utviklingsarbeid innanfor området barn og unge?

Ved Eining for inntak Bufetat, region vest er det ledig ei fast 100 % stilling som avdelingsleiar. Arbeidsstad vil vere avdeling Bergen, som held til i Åsegården.Arbeidsoppgåver/ansvarsområde

• Personal- og fagansvar.
• Ansvar for økonomi og internkontroll i avdelinga.
• I samarbeid med einingsleiar utvikle eininga i tråd med nasjonale og regionale føringar, faglege standarder, anerkjend kunnskap og brukarane sine behov.
• Organisere og utføre inntaksarbeid i tråd med relevante lover, reglar og retningsliner innanfor barnevernområdet.
• Avdelingsleiar skal i samarbeid med einngsleiar samhandle med kommunane og andre relevante samarbeidspartar i inntaksarbeidet.
• Aktivt medverke i felles forum både i eininga og regionen, og initiere gode samarbeidsforhold til kommunane og andre samarbeidspartnarar.

Kvalifikasjonar

• Det vert kravd minimum tre-årig utdanning frå universitet/høgskule på bachelornivå i sosialfag eller anna tilgrensande utdanning.
• Det er ønskjeleg med leiarerfaring og vidareutdanning i administrasjon og leiing. Lang erfaring frå forvaltningsoppgåver og faglege utviklingsoppgåver i barnevernfeltet kan kompensera for manglande leiarerfaring.
• God kunnskap om barnevernsektoren og lovgrunnlaget innanfor både kommunalt og statleg barnevern, herunder god oppgåve- og rolleforståing.
• God munnleg og skriftleg framstillingsevne.

Det er og ønskjeleg med

• Erfaring frå resultat og økonomistyring.
• Kunnskap om tilgrensa tenester, særskilt innafor psykisk helse.
• Kunnskap om tiltak for dei ulike målgruppene i barnevernet.
• Erfaring frå bruk av prognoseverktøy og logistikk.
• Vurdering av informasjon og risiko i samansatte saker.

Personlege eigenskapar

• God til å arbeide sjølvstendig, nøyaktig og strukturert.
• God til å finne løysingar, vere serviceorientert og ha gode evne til samarbeid med mange ulike aktørar.
• God til å leie utviklingsarbeid, samt evne til å skape eit trygt og godt arbeidsmiljø som fremjer arbeidstakarane sine styrkar og ressursar.
• Tåler høgt arbeidstempo og kan handtere mange ulike oppgåver samstundes.
• Er endringsdyktig og har ei postiv innstilling.
• Personleg eignaheit vert tillagt stor vekt.

Vi tilbyr