Stillingstittel: Avdelingsingeniør (ref.nr. 04-16)

Stillingsbeskrivelse:

Noregs geologiske undersøking (NGU) er landets sentrale institusjon for kunnskap om berggrunn, mineralressursar, lausmassar og grunnvatn. Vi arbeider med geologisk, geofysisk og geokjemisk kartlegging, utvikling og drift av databasar, forsking, informasjon og rådgjeving til det offentlege og til industrien. Vår verksemdsidé er Geologi for samfunnet. NGU har 206 tilsette frå 29 nasjonar, av dei er om lag 65 % forskarar. NGU har også eit eige offentleg fagbibliotek.

Nærare informasjon om NGUs organisasjon og arbeidsoppgåver finn du på www.ngu.no

Avdelingsingeniør (vikariat) - Kvartærgeologi - Geokartlegging

VIKARIAT AVDELINGSINGENIØR (INNTIL 1 ÅR) – KVARTÆRGEOLOGI

Noregs geologiske undersøking (NGU) søker etter ein godt kvalifisert og motivert geolog til eit vikariat som avdelingsingeniør i kvartærgeologi. Stillinga er knytt til kvartærgeologilaget, og oppstart er i august 2016, eller så snart som mogleg etter den tid.

Søkarar må ved tilsetting ha fullført mastergrad i kvartærgeologi og må kunne dokumentere gode kunnskapar og erfaring innan eitt eller fleire av desse fagområda: Kvartærgeologisk kartlegging, kvartære avsetjingsprosessar/stratigrafi, glasialgeologi. Den som blir tilsett vil arbeide med tilrettelegging av data mellom lausmassegeologi og geomatikk, oppdatering av lausmassedatabasen og framstilling av kvartærgeologiske kart. Stillinga krev felterfaring med kvartærgeologisk kartlegging i kombinasjon med god kjennskap til bruk av Geografiske Informasjonssystem (GIS) til systematisering av geologiske data og framstilling av kvartærgeologiske kart.

Den som blir tilsett må vere målretta, ha evne og vilje til å arbeide sjølvstendig og ha gode evner til samarbeid. Stillinga krev gyldig førarkort klasse B. NGU ønsker fleire kvinner i faggruppa og oppmodar kvinner til å søke. Vi kan tilby eit godt, internasjonalt arbeidsmiljø med spanande faglege utfordringar og med gode tilhøve for fagleg utvikling og etterutdanning. NGU er IA-verksemd, og vi vil legge tilhøva til rette for søkarar med redusert funksjonsevne. Søkarlistene er offentlege, og berre i heilt spesielle høve kan opplysingar haldast unna offentleg innsyn.

Stillinga blir løna i samsvar med utdanning og erfaring etter Statens hovudtariffavtale som Avdelingsingeniør (stillingskode 1085) normalt løna mellom kr 412 600 - 489 300

Meir informasjon om stillinga kan ein få ved å kontakte lagleiar Astrid Lyså, (astrid.lysa (at) ngu.no) (+ 47 73 90 41 13), eller avdelingsdirektør Øystein Nordgulen, (oystein.nordgulen (at) ngu.no) (+ 47 73 90 42 45).

Søknad med CV og namn og epost-adresse for tre referansepersonar må sendast innan 31. juli 2016.

Søkerlister er offentlige. I henhold til offentlighetsloven § 25, andre ledd kan opplysninger om søkeren bli offentliggjort selv om søkeren har anmodet om ikke å bli oppført på søkerlisten. Kandidaten vil da bli varslet på forhånd.

.

Arbeidssted:Leiv Eirikssonsvei 39, 7040 TrondheimNøkkelinformasjon:Annonsør: NGURef. nr.: 04-16Vikar, HeltidAntall stillinger: 1For elektronisk søknadsskjema:

GJELDER