Stillingstittel:
Avdelingsdirektør - Avdeling for forskning og formidling (ref.nr. 2016-04)

Stillingsbeskrivelse:

Nasjonalbiblioteket er eit multimedialt kunnskapssenter som har i oppgåve å ta vare på og gjere den norske kunnskaps- og kulturarven tilgjengeleg. Det vil seie publisert innhald på alle medieplattformer: bøker, tidsskrift, aviser, musikk, film, foto, kringkasting og nett. Basert på dette, og i rolla som statleg styresmakt, har Nasjonalbiblioteket også som oppdrag å utvikle og setje i verk ein nasjonal bibliotekpolitikk.

Med multimedialt innhald og digital formidling som særtrekk har Nasjonalbiblioteket som mål å vere eit av Europas mest spennande og moderne nasjonalbibliotek.

Nasjonalbiblioteket har 450 tilsette plassert i Oslo og Mo i Rana og eit budsjett på rundt 500 mill kr.

Som medarbeidar i Nasjonalbiblioteket får du vere med i prosessen med å forme ein sentral kulturinstitusjon i byrjinga av det 21. århundre.

Avdelingsdirektør - Avdeling for forskning og formidling

Nasjonalbiblioteket er inne i ei spennande utvikling der vi hentar den norske kultur- og kunnskapsarven inn i samtidas offentlege rom. Dette skjer gjennom eit veksande digitalt bibliotek, ei aktiv publiseringsverksemd og eit omfattande publikums- og utstillingsprogram i lokala våre på Solli plass i Oslo. Samstundes aukar Nasjonalbiblioteket innsatsen på forsking og den forskingsbaserte formidlinga. Til å leie Avdeling for forsking og formidling lyser vi no ut stilling som avdelingsdirektør. Avdelinga har omlag 120 medarbeidarar fordelt på seks seksjonar og eit breitt spekter samlings- og fagkompetanse. Vi søkjer ein person med dokumentert erfaring frå strategisk leiing i liknande institusjonar eller på liknande arbeidsfelt. Den som blir tilsett må ha god kjennskap til norsk kultur, litteratur, språk og den historiske utviklinga av ei norsk offentlegheit. Søkjaren må også ha kunnskap om fagområdet digital humaniora.

Arbeidsoppgaver

• Ansvar for Nasjonalbibliotekets fag- og forskingsarbeid og bibliotektenesta på Solli plass.
• Samlingsutvikling med den pliktavleverte samlinga som grunnstamme.
• Formidling av samlinga til forskarar, og andre brukarar, i samarbeid med andre avdelingar i Nasjonalbiblioteket.
• Ansvar for Nasjonalbibliotekets språkbanktenester.
• Budsjett- og personalansvar for avdelinga generelt, og for seksjonsleiarane i avdelinga spesielt.
• Delta i Nasjonalbibliotekets leiargruppe og fungere som rådgjevar for direktøren på relevante område.

Kvalifikasjoner

• Dokumentert relevant leiarerfaring.
• Relevant utdanning frå universitet eller høgskule på masternivå eller høgare.
• Erfaring frå arkiv- og biblioteksektoren er ein fordel.
• Kunnskap om, og interesse for, skjeringsfeltet mellom Nasjonalbibliotekets samlingar, forsking, formidling, teknologiutvikling og bibliotekfaget.
• Søkjaren må meistre norsk og engelsk godt, både skriftleg og munnleg.

Utdanningsnivå

• Høyskole / Universitet

Personlige egenskaper

• Vi søkjer ein person med høg arbeidskapasitet, gode sosiale eigenskapar og erfaring med leiing av medarbeidarar med sterk fagleg kompetanse og integritet. Den som blir tilsett må vere smidig og evne å samarbeide med dei andre avdelingane i Nasjonalbiblioteket.
• Av omsyn til kjønnsbalansen og breidda i Nasjonalbiblioteket si leiargruppe oppfordrar vi kvinner og personar med minoritetsbakgrunn til å søkje på stillingane

Språk

• Norsk
• Engelsk

Vi tilbyr

• Høve til å vere med på
  
  Minstelønn: 0
  
  Maksimal lønn: 0
  
  Arbeidsgiver Navn: Nasjonalbiblioteket
  
  Arbeidsgiver adresse: 0203 OSLO
  
  Job kort beskrivelse:
  Business services and administration managers not elsewhere classified
  
  Land: Norge
  
  Region: Oslo
  
  Kilde til jobbtilbud: NAV, Offentlige arbeidsformidlinger, Norge
  
  Lønn valuta: NOK
  
  Lønn periode: Pr. år
  
  
  GJELDER