OBS - Utvidet søknadsfrist!Ved Institutt for pedagogikk, Det psykologiske fakultet, er det ledig ei til to faste stillingar som førsteamanuensis i pedagogikk. Talet på stillingar vil vere avhengig av studieplassar. Institutt for pedagogikk vart etablert som eige institutt i 2010 og inkluderer lærarutdanning, utdanningsvitskap og universitetspedagogikk. Det er om lag 35 tilsette ved instituttet. 

Det psykologiske fakultet tilbyr profesjonsutdanning for psykologar, har ansvar for universitetspedagogisk utdanning av UiB sin eigen stab, bidreg med pedagogikkdelen av lærarutdanninga, og tilbyr grader innan eit vidt felt: barnevern, helsefremjande arbeid, pedagogikk, spesialpedagogikk, psykologi, arbeids- og organisasjonspsykologi og logopedi. Fakultetet sine hovudsatsingsområde innan forsking er knytt til helse, utdanning, utviklingsrelatert forsking og basalforsking i vid forstand.

Arbeidsoppgåver/forskingsområdeDen som vert tilsett vil ha sin arbeidsplass ved Institutt for pedagogikk og arbeidsoppgåver vil primært verte knytt til undervising og rettleiing av studentar på eittårig Praktisk Pedagogisk Utdanning (PPU), deltid. Dette studiet er nyoppretta og vil starte opp hausten 2016. Det vil vere eit fleksibelt, samlingsbasert studieopplegg kombinert med nettbasert undervising og rettleiing mellom samlingane. Det er difor ein fordel at den som blir tilsett har røynsle med fleksibel og IKT-støtta studieprogram. Det vil leggjast vekt på forskingsbasert undervising og aktiv deltaking i forskingsrelatert verksemd.

Kvalifikasjonar og eigenskapar

• søkjarar må ha disputert før søknadsfristen, i pedagogikk eller anna område med tema av relevans for pedagogikk i lærarutdanning
• den som vert tilsett i stillinga vil primært bidra til vidare utvikling av pedagogikkdelen i lærarutdanninga
• det er ønskjeleg at søkjarane har røynsle frå skulen og/eller lærarutdanning
• den som vert tilsett bør òg ha røynsle frå forsking som er relevant for pedagogikk som profesjonsfag i lærarutdanninga og vil bidra i lærarutdanningsrelatert forsking ved instituttet
• det er vidare ønskjeleg at søkjaren har erfaring med digitale - og studentaktive læringsformer
• pedagogisk basisutdanning er eit krav for stillinga. Den som vert tilsett vil få tilbod om opplæring dersom kravet ikkje er oppfylt før tilsetjing
• Det blir kravd at den som vert tilsett kan undervise på norsk

Alle søkjarane som innehar dei nødvendige kvalifikasjonane vert innkalla til intervju. Det kan og verte aktuelt med prøveforelesing i tilsettingsprosessen. Den som vert tilsett må rette seg etter dei retningslinene som til kvar tid gjeld for stillinga, og vert venta å gå inn i ei av forskingsgruppene ved fakultetet.

Vi kan tilby

• eit godt og fagleg utfordrande arbeidsmiljø
• løn etter lønssteg 60 - 68 (kode 1011/LR 24-4) i lønsregulativet til staten ved tilsetjing. Dette utgjer ei årsløn på kr. 510.100-591.400 brutto. Vidare opprykk skjer etter tenesteansiennitet i stillinga (lønssteg 60/68). For særleg kvalifiserte søkjarar kan det verte aktuelt å vurdere høgare løn.
• medlemsskap i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

Søknaden skal innehalde

. CV

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christes gate 13 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år