id: MTEyMTE4MTIwMDAwMDkgMjYx

reference: 11211812000009

documentId: 11211812000009

connectionPointId: 261

Stillingstittel: Undervisningsinspektør Rosseland skule

Stillingsbeskrivelse:
Me søkjer

Ved Rossland skule er det ledig 100% stilling som undervisningsinspektør frå 01.02.2019. Du kan vera med å leia ein skule som er oppteken av framgang i læring for alle elevar. Dette skuleåret har me særleg fokus på å utvikla dei grunnleggjande ferdigheitene lesing og skriving. Me vil auka elevane sin motivasjon gjennom praktisk, relevant, utfordrande og variert undervisning. I dette vil me bruka ulike læringsrom der uteområdet og nærmiljøet skal vera aktivt i bruk.

Som skule er me kunnskapssøkande og opptekne av kvalitet. Me har inngått partnarskapsavtale for praksisopplæring av lærarstudentar ved UIS. På denne måten sikrar me at me er oppdatert på det som skjer i lærarutdanninga, og er også eit viktig tiltak for rekruttering av nye lærarar til skulen vår. Me har sidan 2013 samarbeidd tett med Lesesenteret ved UIS om begynnaropplæring i lesing, noko som har bidrege til utvikling av leseopplæringa på skulen.

Du vil bli del av vårt leiarteam som består av rektor, ass. rektor og to undervisningsinspektørar. Å vera leiar hjå oss betyr at du får ansvaret for å leia lærarane si læring og utvikling på 3.-5. trinn, eller 6.-7. trinn. Stillinga omfattar 60% til leiing, og 40% til undervisning alt etter kva kompetanse og kvalifikasjonar du har.

Om arbeidsplassen

Rosseland skule er ein barneskule som ligg sentralt plassert i Bryne med 570 elevar og 80 tilsette skuleåret 2018-19. I Time kommune brukar me digitale verktøy for å styrka læringa til elevane, og for å få til ei meir tilpassa opplæring. Alle elevane har eige lærebrett (iPad) som eit viktig læringsverktøy. Rosseland skule er ein del av "Jærskulen", som er eit forpliktande og tett skulesamarbeid mellom kommunane Gjesdal, Hå, Klepp og Time. Rosseland skule er i nettverk med Varhaug skule, Kleppe skule, Bore skule og Bryne skule.

Om arbeidsoppgåvene

• Ansvar for dagleg oppfølging og pedagogisk utviklingsarbeid
• Praktisera nærversleiing (leiarvandring)
• Timeplanar og ressursfordeling til trinna
• Ansvar for å skaffa og følgja opp vikarar
• Oppfølging av lærebrett; organisering og pedagogisk ansvar på dine trinn.
• Bestilla materiell og utstyr
• Oppfølgingsansvar i forhold til overgang frå barneskule til ungdomsskule (inspektør 6.-7.)

Kvalifikasjonar

• Pedagogisk utdanning, minst 3 års undervisningserfaring i skulen, og med vidareutdanning i skuleleiing (eller ønske om å ta dette)
• Eit inkluderande og positivt elevsyn
• Utdanning eller god realkompetanse innan IKT- området, med særleg vekt på pedagogisk bruk av lærebrett i undervisninga.
• Evne til å arbeida sjølvstendig og strukturert, og til å vera fleksibel og løysningsorientert
• Mot til å meina, er tydeleg, robust og engasjert
• God pedagogisk forståing, og blikket retta mot skulen i framtida
• Gode samarbeidsevner, og likar å arbeida på lag med andre
• Har gode norskkunnskapar både skriftleg og munnleg

Andre krav

Det blir kravd politiattest for stillinga

Me tilbyr

• Eit leiarteam som er opptatt av å spela på lag, og gjera kvarandre gode.
• Eit kollegium som er opptekne av å finna løysningar saman
• Eit kollegium med god trivsel og mykje humor
• Eit kollegium med mangfald når det gjeld alder og kjønn

Elektronisk søknadsprosess

Time kommune nyttar elektronisk søknadsprosess. Det er ikkje høve til å leggja ved attestar og vitnemål. Desse må du ta med til eit eventuelt intervju.

Viss du har spørsmål til søknadsprosessen, kan du kontakte personalavdelinga via servicetorget på tlf. 51 77 60 00.

Me gjer merksam på at opplysningar om søkjaren kan verta offentleggjorde, sjølv om ein har bede om å bli untatt offentlegheit. Søkjar vil bli varsla før offentleggjering.

Time kommune er opptatt av mangfald og me oppmodar derfor alle som er kvalifiserte til å søka hos oss; uansett alder, kjønn, etnisitet, religion, funksjonsevne, seksuell orientering og kjønnsidentitet.

Se annonse

numberOfPosts: 1

jobCategoriesCodes_0: http://data.europa.eu/esco/isco/C2341

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Rosseland skule

source: NAV