id: MTQyMDE5MDMwMDAwMzYgMjYx

reference: 14201903000036

documentId: 14201903000036

connectionPointId: 261

Stillingstittel:
Tenesteleiar tildelings- og bustadkontoret - Nye Sogndal kommune

Stillingsbeskrivelse:

Tildelings- og bustad kontoret har ansvar for sakshandsaming og tildeling av pleie- og omsorgstenester, samt kommunale bustader i nye Sogndal kommune. Tildelingskontoret har tildelingsansvar for heimebaserte tenester, tilrettelagde bustader, plasser i institusjon og dagsenter - og vil vere eit kompetansemiljø for tenestetildeling og tenesteutvikling.

I dag er sakshandsaminga ulikt organisert i Balestrand, Leikanger og Sogndal, men frå 2020 skal dette organiserast i eit samla kontor for den nye kommunen.
Tenesteleiar er tillagt det overordna faglege, økonomiske og administrative ansvaret for eininga og skal bidra til kvalitetssikring av tenester i ein kommune på nær 12 000 innbyggjarar.

Etter ein førebels stipulering vil eininga ha rundt 10 årsverk.

Organisatorisk plassering:

Tildelings- og bustadkontoret er organisert under kommunalsjefområdet; Helse og omsorg. Leiar for kontoret rapporterer til kommunalsjef for helse og omsorg som er næraste overordna. Leiar inngår i kommunalsjefen si leiargruppe.

Arbeidsoppgåver

• Gjennomføre omstillingsprosess ved endring i eksisterande organisasjonseining.
• Ansvar for god kvalitet i sakshandsaminga i enkeltsaker.
• Fagleg ansvar for vedtak knytt til pleie- og omsorgstenestene i samsvar med delegert fullmakt.
  Ansvar for koordinerande eining.
• Ansvar for at kontoret held seg til aktuelle lover, kommunale retningsliner og prosedyrar.
• Ansvarleg for at drifta av kontoret vert gjennomført etter gjeldande lovar, kvalitetskrav, etisk standard, politiske føringar og sektoren sine visjonar og mål.
• Fagleg-, økonomisk- og administrativt ansvar for drifta av eininga.
• Sikre at oppdragsnotat vert gjort kjend og følgd opp.
• Utarbeida og følgje opp handlingsplan.
• Sikra eit godt samarbeid internt i sektoren og med andre samarbeidspartnarar.
• Sørge for å utføre systematisk HMS-arbeid på alle plan i eininga i samarbeid med arbeidstakarane og deira verneombod og tillitsvalde.

Bustadkontoret fungerer som kommunen sitt Husbankkontor med ansvar for:

• Startlån
• Bustadtilskot til etablering og tilpasning
• Bustøtte
• Forvaltning, og utleie, av kommunale omsorgs-/og utleieboliger

Kvalifikasjonar:

• Relevant helse- og/eller sosialfagleg utdanning på høgskule- og/eller universitetsnivå.
• Tilleggsutdanning i leiing.
• Relevant leiarerfaring.
• Lang erfaring som leiar kan kompensere for kravet om formell leiarutdanning.
• Søkjar må ha god kunnskap om relevant lovverk, med erfaring frå sakshandsaming.
• I tillegg er det ønskjeleg at søkjar har erfaring frå det å leie i omstillingsprosessar.

Utdanningsnivå:

• Høgskule med bachelor-, og gjerne mastergrad.

Personlege eigenskapar:

• Ha evne til å jobbe målretta og vere resultatorientert.
• Vere tydeleg og ha gode kommunikasjonsevner.
• Ha gjennomføringsevne og stor arbeidskapasitet.
• Ha høg grad av sjølvstende.
• Ha evne til å arbeide systematisk.
• Ha evne til å motivere andre.
• Ha evne til å leie ein kompetanseorganisasjon.
• Ha gode samarbeidsevner.
• Vere endringsorientert.
• Inneha personleg eigenskapar for oppgåva.
• God økonomiforståing.

Vi tilbyr:

• 100% fast stilling.
• Interessante og utfordrande arbeidsoppgåver innanfor viktige samfunnsoppdrag.
• Gode utviklingsmoglegheiter.
• Gunstig pensjonsordning og ulykkes - og gruppelivsforsikring
• Ein arbeidsplass som er ein inkluderande arbeidsliv(IA)-bedrift.
• Løn etter avtale.

Andre opplysningar

Noko reiseaktivitet må påreknast.

Arbeidsstad

Nye Sogndal kommune

For søknad

Bruk søknadsskjema som ligg til stillingsannonsen på vår heimeside: www.sogndal.kommune.no - ledige stillingar.
For spørsmål kontakt Tenestetorget på tlf. 57 62 96 00.

Dersom du skal søkje på fleire stillingar må du sende ein søknad pr. stilling.
Det er ikkje naudsynt å sende kopi av vitnemål, attestar kursbevis m.m. Desse skal takast med ved eventuelt intervju eller sendast ved førespurnad.

Alle søkjarar vil få kvittering på at søknaden er motteken dersom de har fylt ut rett e-post adresse i søknaden og det er merka av for at ein ønskjer å motta informasjon om søknaden på e-post.

I skjemaet er det mogeleg å krysse av for at søknaden ikkje skal bli offentleggjort, men gjer merksam på at CV vert brukt i utvida søkjarliste. Dersom du ynskjer at søknaden ikkje skal bli offentleggjort må du grunngje dette. Vi gjer merksam på at opplysningar om søkjarane likevel kan bli offentleggjorde, jamfør Offentleglova §25. Du vil då bli varsla om dette på førehand slik at du har høve til å trekkje søknaden din.

Se annonse

PAM

numberOfPosts: 1

jobCategoriesCodes_0: http://data.europa.eu/esco/isco/C1349

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Sogndal kommune

source: NAV