Stillingstittel:
Stipendiatstilling innan profesjonsutøving i barnevern, sosialt arbeid og vernepleie

Stillingsbeskrivelse:

Høgskulen i Sogn og Fjordane inviterer søkarar med interesse og kunnskap om profesjonsutøving til å søke PhD-stilling innan forsking om profesjonsutøving i barnevern, sosialt arbeid og vernepleie. Stillinga er organisatorisk knytt til avdeling for samfunnsfag, institutt for barnevern, sosialt arbeid og vernepleie.

  

Høgskulen i Sogn og Fjordane med sine 3800 studentar og 330 tilsette kan tilby eit spennande fagmiljø innanfor utdanning og forsking. Høgskulen har studietilbod i Sogndal og Førde, og tilbyr utdanningar innan helse- og sosialfag, idrett, økonomisk-administrative fag, ingeniør- og naturfag, lærarutdanning og samfunnsfag.

 

Avdeling for samfunnsfag består av tre institutt: Institutt for samfunnsvitskap, Institutt for økonomi og administrasjon og Institutt for barnevern, sosialt arbeid og vernepleie. Avdelinga har om lag 1200 studentar, i overkant av 70 fagtilsette og fem administrative stillingar.

Jobbnorge ID: 124421

Fagområde

Formålet med PhD-prosjektet er å utforske profesjonell bruk av kunnskap innan barnevern, sosialt arbeid og vernepleie. Ved bruk av kvalitative metodar, inkludert den video-baserte metoden, «Interpersonal Process Recall» (IPR) vil kva profesjonsutøvarar seier og gjer i profesjonelle samtaler, og grunnlaget deira for å handle slik dei gjer bli utforska. Det grunnleggjande forskingsspørsmålet i prosjektet er kva kunnskap profesjonsutøvar refererer til, og korleis denne kunnskapen vert omsett i spørsmål, kommentarar, vurderingar og avgjersler.

 

Eit anna formål ved PhD- prosjektet er å kunne gje tilbakemelding til respektive program for utdanning om nytten av ulike former for kunnskap.  

 

Det er utarbeidd ein prosjektplan som skal liggje til grunn for arbeidet. Søkar kan få denne tilsendt ved å kontakte hovudrettleiar.

 

Kvalifikasjonar

Søkar må ha mastergrad eller tilsvarande innan helsefag eller relevante samfunnsvitskaplege fag. Erfaring som profesjonsutøvar er ønskeleg.

 

Vi ser etter motiverte kandidatar med forskingspotensiale som evnar å arbeide sjølvstendig, er målretta og har fagleg engasjement. Stillinga krev gode samarbeidsevner, og god munnleg og skriftleg kommunikasjon på norsk og engelsk. Det er ein fordel med undervisnings- eller formidlingserfaring. Søkjarar skal i søknaden gjere greie for relevansen av eigen fagleg bakgrunn, eigen motivasjon og kvalifikasjonar for å gå inn i stipendiatstillinga.

 

Ved vurdering av søkjarane vert følgjande vektlagt: Faglege kvalifikasjonar og potensiale for forsking. Kvalitet på masteroppgåve og anna forskings- og utviklingsarbeide. Anna relevant fagleg verksemd og erfaring vert også teke med i vurderinga. Søknaden kan bli vurdert av eit sakkunnig utval. Aktuelle søkjarar vert innkalla til intervju.

 

Opptak til doktorgradsprogram er eit vilkår for å ta til i stilling som stipendiat. Gjennom hovudrettleiars samarbeid med Universitetet i Bergen vert det tatt sikte på opptak i doktorgradsprogrammet ved Medisinsk - Odontologisk Fakultet, Universitetet i Bergen. Plan for forskarutdanning skal være godkjent og avtalefesta seinast tre månader etter oppstarting i stillinga.

 

Den som vert tilsett skal ha arbeidsplass ved Avdeling for samfunnsfag i Sogndal.

 

Stipendiaten vil delta i Gruppe for fenomenologisk helsefagleg forsking ved Institutt for global helse og samfunnsmedisin, der hovudrettleiar er ekstern medlem og der bi-rettleiar ogs&

Minstelønn: 0

Maksimal lønn: 0

Arbeidsgiver Navn: Høgskulen i Sogn og Fjordane

Arbeidsgiver adresse: Postboks 133 6851 SOGNDAL

Job kort beskrivelse: University and higher education teachers

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år