Stillingstittel: Scenekunstkonsulent

Stillingsbeskrivelse:

Kulturrådet forvaltar Norsk kulturfond og andre statlege støtteordningar på kulturområdet, er pådrivar for nye kunst- og kulturprosjekt, driv utviklingsarbeid og er rådgjevar for staten i kulturspørsmål. Fagadministrasjonen, som også omfattar sekretariatsfunksjonar for Statens kunstnarstipend, Fond for lyd og bilete og Den kulturelle skolesekken, har ca. 130 tilsatte. Kulturrådet har som mål å stimulere til et nyskapande og mangfaldig kunst- og kulturliv, vere ein synleg og open aktør i samfunnsdebatten og bidra til samhandling.

Jobbnorge ID: 126375

Kulturrådet søkjer etter ny scenekunstkonsulent.

 

Kulturrådets scenekunstkonsulent har fått tilbod om ein stilling på KHiO og har etter åtte månader i stillinga, valt å seie opp. Stillinga blir difor lyst ut på nytt

Stillinga er ei åremålsstilling på fire år.

 

Stillinga inngår i Kulturrådets Seksjon for scenekunst som forvaltar ulike tilskotsordningar for det frie scenekunstfeltet.

 

Den som blir tilsett i stillinga vil vere med å prege utviklinga av det frie scenekunstfeltet og skal stimulere og leggje til rette for at Kulturrådet når målsetjingane innanfor scenekunstfeltet. Arbeidsplassen er i Kulturrådets administrasjon, men scenekunstkonsulenten skal i stor grad drive oppsøkjande arbeid.

 

Arbeidsoppgåver

Scenekunstkonsulenten har det faglege ansvaret for Kulturrådets produksjonsstøtteordningar for fri scenekunst og Basisfinansieringa av frie scenekunstgrupper. Samla sett er avsetjinga til desse ordningane om lag 100 millionar kroner i 2016.

 

Scenekunstkonsulenten skal

- gi fagleg skriftleg vurdering og innstille søknader om midlar til dei faglege utvala for teater og for dans

- rettleie søkjarar og gi informasjon til scenekunstnarar og -grupper over heile landet

- halde seg orientert om kva som skjer på scenekunstområdet gjennom framsyningar og medverknad på viktige arenaer for scenekunst.

 

Kulturrådet er i stadig utvikling. Utviklinga kan få konsekvenser for arbeidsoppgåvene til konsulenten.

 

Kvalifikasjonar

Kulturrådet søkjer deg som har god kjennskap til scenekunstfeltet i Noreg og brei kunnskap om ulike kunstpraksisar og retningar på scenekunstområdet. Det er ein fordel om du har kjennskap til kunstutrykk på tvers av sjangrar og kunstformer. Den som får stillinga, må ha

 

- høgare relevant utdanning innanfor scenekunstområdet

- relevant arbeidserfaring frå scenekunstområdet og kjennskap til kunstfaglege prosessar

- brei kontaktflate i scenekunstmiljøet i Noreg og kjennskap til internasjonale forhold

- gode evner til skriftleg og munnleg framstilling, gode samarbeidsevner og stor arbeidskapasitet

- god erfaring med elektroniske arbeidsverktøy

  

Eigenskapar

Stillinga er krevjande og set store krav til arbeidskapasitet, scenekunstfagleg refleksjon og analyse, sjølvstende og evne til samarbeid.

 

 

Stillinga fører med seg reising og kveldsarbeid.

 

Minstelønn: 0

Maksimal lønn: 0

Arbeidsgiver Navn: Kulturrådet

Arbeidsgiver adresse: Postboks 8052 Dep 0031 OSLO

Land: Norge

Region: Oslo

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år