id: MTQzOTE5MDMwMDAwMDggMjYx

reference: 14391903000008

documentId: 14391903000008

connectionPointId: 261

Stillingstittel: Rektor ved Bryggja skule

Stillingsbeskrivelse:

Vil du leie og utvikle Bryggja skule vidare?

Bryggja skule AS er ein friskule som starta opp på Bryggja i Nordfjord i august 2018. Skulen dekkjer 1. til 7. trinn, og tilbyr ein pedagogikk mykje lik den ein finn i den offentlege grunnskulen, men har ein kristen føremålsparagraf. Skulen skal medverke til å forme samfunnsbeviste elevar med eit sunt og godt sjølvbilete i eit trygt og engasjert lokalsamfunn.

Bryggja skule AS vart stifta og er eigd av organisasjonar og privatpersonar i bygda. Skulebygget er av god standard med eit stort uteområde og var fram til juni 2018 i bruk som kommunal skule, då denne vart lagt ned og elevane skulle flyttast til kommunale skular i andre bygder. Bryggja skule AS har no 9 tilsette og omlag 35 elevar, med eit potensial til å rekruttere fleire elevar frå nærliggande bygder. Hovudmålet til skulen er nynorsk.

Frå og med skuleåret 2019/2020 skal skulen leiast av sin første rektor. Vi søkjer difor ein engasjert pedagog og leiar som evnar å vidareutvikle og forme skulen sin profil.

Ynskja kvalifikasjonar:
- Relevant pedagogisk utdanning frå høgskule eller universitet
- Gode leiareigenskapar med evne til å setje tydelege mål
- God økonomiforståing
- IKT- kompetanse
- Formell rektorutdanning er ei føremon, men ikkje avgjerande

Vi ynskjer å tilsetje ein rektor som:
- Har erfaring frå privat eller offentleg grunnskule
- Trivast med å vere ein synleg, tydeleg og målretta leiar
- Er omgjengeleg og god på kommunikasjon og samarbeid internt og eksternt
- Har evne til å rekruttere, byggje og vidareutvikle ein god stab
- Er løysingsorientert, initiativrik og med stor gjennomføringsevne

Rektor vert administrativt og fagleg ansvarleg for skulen si drift og utvikling og rapporterer til styret ved styreleiar. Vidare vert rektor ansvarleg for samarbeidet med vertskommunen, samt kommunikasjon og rapportering til relevante fagstyresmakter. Merkantile oppgåver som rekneskap, betaling av løn, økonomirapportering internt og eksternt, samt fakturering og revisjon er satt ut til profesjonelle lokale bedrifter med moderne system.

Bryggja ligg sentralt til i Nordfjord, har kort avstand til fleire tettstader og til mange og varierte tilbod. Bygda har i underkant av 600 innbyggarar, og er for tida prega av til- og tilbakeflytting av yngre familiar. Her er mellom anna ein stor nybygd butikk med post, eit handverks-bakeri med kafé, eit eldresenter, eit kristent ungdomssenter, ei kyrkje og fleire fritidsaktivtetar for born, unge og vaksne. Skulen er sjølvsagt ein svært viktig pillar i bygda.

Ring gjerne styreleiar Betty Hessevik, tlf. 917 19 669 eller nestleiar Hogne Bleie, tlf. 909 58 026 for meir informasjon.

Skriftleg søknad med CV og referansar kan sendast til betty.hessevik (at) hotmail.com

Før tilsetting må det leggast fram politiattest i tråd med opplæringslova § 9-1.

Vi kan tilby svært gode vilkår for den rette kandidaten.

Søknadsfrist 01.04.2019.

Se annonse

PAM

numberOfPosts: 1

jobCategoriesCodes_0: http://data.europa.eu/esco/isco/C1345

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: BRYGGJA SKULE AS

source: NAV