id: MTUxNTE5MDgwMDAwMDEgMjYx

reference: 15151908000001

documentId: 15151908000001

connectionPointId: 261

lastModificationDate: 1564678800787

Stillingstittel: Prosjektleiar bygg

Stillingsbeskrivelse:

Har du erfaring frå planlegging og gjennomføring av byggeprosjekt og formell utdanning som byggingeniør eller tilsvarande? Då er kanskje du den rette personen til stillinga som prosjektleiar bygg i Eigedomsavdelinga.

Eigedomsavdelinga er eigedomsforvaltar for Herøy kommune og ansvarleg for forvaltning, drift, vedlikehald og vidare utvikling av omlag 54 000 m2 BTA bygningsmasse, fordelt på omlag 44 000 m2 formålsbygg og 10 000 m2 utleigebustadar.

Prosjektgruppa består av 3 prosjektleiarar, som er ansvarlege for planlegging og gjennomføring av investeringstiltak i kommunale bygg. Dette omfattar nybygg, tilbygg og totalrehabilitering samt mindre investeringstiltak.

Du vil vere med frå eit prosjekt vert planlagt og prosjektert til det er gjennomført og evaluert. Du vil arbeide tett saman med brukarane, ansvarleg prosjekterande og ansvarleg utførande og har hovudansvaret for at prosjektet vert gjennomført i samsvar med dei mål og krav som gjeld for prosjektet.

Arbeidsoppgåver

Arbeidsoppgåvene omfattar mellom anna:

• Utarbeiding av byggeprogram, konkurransegrunnlag og kravspesifikasjon.
• Tilstandsvurdering og kostnadsberekning av ulike utbyggingsalternativ.
• Anbodsinnhenting og kontrahering av ansvarleg prosjekterande og utførande.
• Oppfølging av ansvarleg prosjekterande og utførande gjennom heile byggefasen.
• Sakshandsaming i samband med politisk handsaming.

Prosjektgruppa er underlagt eigedomsleiar og rapporterer direkte til denne.

Kvalifikasjonar

Vi leitar etter ein person som har erfaring frå prosjektarbeid innanfor byggebransjen,og formell utdanning som byggingeniør. Teknisk fagskule eller anna formell utdanning og erfaring innanfor fagområdet kan vere relevant.

Du har gode norskkunnskapar, skriftleg og munnleg.

Du har førerkort klasse B.

Du er trygg i bruken av data i det daglege arbeid, herunder god forståing av arbeid knytt til AutoCad eller tilsvarande og kjennskap til bruken av BIM i byggeprosjekt.

Personlege eigenskapar

Herøy kommune har visjon om å vere -ei båtlengde føre- og har -respekt-, -tillit- og -samhandling- som kjerneverdiar. Vi leiter difor etter ein person som er serviceinstilt og har godt humør, er engasjert i jobben sin, tydeleg i si leiing og har evne til å jobbe strukturert i ein hektisk kvardag. Du har god innsikt i og forståing for dei krav og prosessar eit prosjekt utløyser og har evne til å sameine ulike behov i eitt felles prosjekt.

Vi tilbyr

Vi kan tilby utfordrande arbeidsoppgåver og stor grad av sjølvstendig arbeid i eit relativt ungt og triveleg arbeidsmiljø. Gjennom jobben får du moglegheit til både fagleg og personleg vidareutvikling.

Løn etter avtale, lov og reglement. Pensjonsordning og frivillig fritidsforsikring. Godtgjersle for bruk av eigen bil i tenesta i tillegg til kilometergodtgjersle etter statlege satsar.

Herøy kommune er IA-bedrift.

Kommunen har nynorsk som administrasjonsmål.

Søkjar skal nytte det elektroniske søknadsskjemaet som ligg på Herøy kommune si heimeside www.heroy.kommune.no. Treng du hjelp til dette, ta kontakt med Servicetorget på tlf.: 70 08 13 11.

Attestar og vitnemål skal levarast på førespurnad.

Søkarlista kan verte offentleggjort. Dersom søkjar vil unnlate seg offentlegjering av sin søknad må ein opplyse om det i søknadskjemaet.

Kontaktinformasjon

Robert Myklebust, Avdelingsleiar, 99095251, robert.myklebust (at) heroy.kommune.no

Arbeidsstad

Igesundvegen 24-26
6090 Fosnavåg

Søk på stillinga:Klikk her

Nøkkelinformasjon:

Arbeidsgivar:Herøy kommune

Referansenr.:4112761824
Stillingsprosent: 100%
Startdato: 01.10.2019
Søknadsfrist: 03.09.2019

PAM

numberOfPosts: 1

jobCategoriesCodes_0: http://data.europa.eu/esco/isco/C2142

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Herøy kommune

source: NAV