id: MTIwOTE5MDIwMDA1MDggMjYx

reference: 12091902000508

documentId: 12091902000508

connectionPointId: 261

Stillingstittel: Professor II i medisin (anestesiologi)

Stillingsbeskrivelse:
Jobbnorge ID: 165440

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=JRdMR-PhbBQ&t=4s

Professor II (20 % bistilling) i medisin (anestesiologi)

Ved Det medisinske fakultet, Klinisk institutt 1, er det ledig ei åremålsstilling som professor II (20 %, bistilling) i medisin (anestesiologi) i fire (4) år frå 1. august 2019. Bistillinga er knytt til fast hovudstilling som lege ved Seksjon for intensivmedisin ved Kirurgisk Seviceklinikk, Haukeland universitetssjukehus, med særlig ansvar for undervisning og forsking innan intensivmedisin generelt og traumatologi/-brannskader spesielt. Arbeidsstad er ved dette sjukehuset.

Om instituttet

Klinisk institutt 1 har om lag 240 tilsette, fordelt på tolv fagseksjonar. Den som vert tilsett i denne stillinga, må ha sitt forskingsområde innan anestesiologi /intensivmedisin og gje undervisning i same fagområde.

Klinisk institutt 1: https://www.uib.no/k1

Arbeidsoppgåver/forskingsområde:

Hovudoppgåva for denne stillinga er forsking, undervisning og formidling innan anestesi og intensivmedisin.

Den som vert tilsett bør inngå i ei av dei eksisterande forskingsgruppene ved instituttet. Ein forskingsplan for dei komande 5 åra skal leggjast ved søknaden.

Den som blir tilsett skal delta i undervisninga i anestesi og intensivmedisin og rettleie mastergradstudentar og doktorgradskandidatar. Den som blir tilsett vil òg bli pålagt å delta i instituttet si generelle undervising på lågare grad, og i arbeid på instituttet elles.

Kvalifikasjonar og eigenskapar:

• Søkjarar må vere spesialist i anestesiologi, og må ha norsk doktorgrad i relevant fagområde eller tilsvarande kompetanse
• Den som vert tilsett skal undervise i anestesi og intensivmedisin.
• Den som skal tilsetjast skal arbeide med forsking innan intensivmedisin generelt og traumatologi/brannskader spesielt, og må dokumentere eiga forsking som er relevant for dette fagområdet.
• Det vert lagt vekt på evne til å skape forskingsmiljø innan fagfeltet (intensivmedisin) gjennom eigen nettverksbygging nasjonalt og internasjonalt.
• Det vil verte lagt vekt på erfaring innan leiing av forskingsprosjekt, koordinering av forskingsaktivitet, samt frå forskingsstrategisk arbeid og evne til å få fram eigne forskingsmidlar. Det vil vidare verte lagt vekt på dokumentert vilje og evne til samarbeid.

Søkjarar må dokumentera undervisnings- og administrativ erfaring, samt erfaring med populærvitskapleg formidling.

Undervisingsspråket er til vanleg norsk.

Vi tilbyr:

• eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt
• faglege utfordringar med gode høve for personleg utvikling og kompetanseutvikling
• professor vert lønt etter lønssteg 77-79 (kode 1013) i lønsregulativet til staten, for tida 731 400 - 778 700  kr brutto pr. år for ei fulltidsstilling. Løn er brutto pr. år for ei fulltidsstilling, og vidare opprykk skjer etter tenesteansiennitet i stillinga. For særleg kvalifisert søkjar kan det verte aktuelt å vurdere høgare løn.
• medlemskap i Statens pensjonskasse
• gode velferdsordningar

Søknaden skal innehalde:

• CV, vitnemål og attestar
• fullstendig publikasjonsliste
• liste med vedlegg som dokumenterer dine pedagogiske kvalifikasjonar
• liste over vitskapelege arbeid du vil det skal takast omsyn til ved vurderinga, med opplysning om kvar dei er offentleggjorde
• vitskapelege arbeid du vil det skal takast omsyn til ved vurderinga (maks 15) i pdf format
• to referansar (namn og kontaktinformasjon)

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf).

I tillegg ber vi søkjar legge ved ein forskingsplan for dei komande 5 åra.

Generell informasjon:

Utfyllande opplysingar om stillinga kan ein få ved å venda seg til instituttleiar professor Kjell-Morten Myhr, Klinisk institutt 1, tlf.: 41 44 78 68 eller e-post: Kjell-Morten.Myhr (at) uib.no

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

Arbeidsgiver Navn: Universitetet i Bergen

source: NAV