Universitetet i Stavanger (UiS) har omlag 10.100 studentar og 1.530 tilsette. Universitetet ligg i Noregs tredje største byregion, med ein dynamisk arbeidsmarknad og spennande kultur- og fritidsaktivitetar. Vi er einaste norske medlem av European Consortium of Innovative Universities (ECIU). Universitetet skal vere ei drivkraft i regionen si kunnskapsutvikling og eit internasjonalt forskingsuniversitet med vekt på nyskaping og innovasjon.Saman med dei tilsette og studentane våre vil vi utfordre det velkjente og utforske det ukjente.

Lesesenteret er del av Det humanistiske fakultet, og har oppgåver innanfor universitetet knytt til utdanning og forsking hovudsakleg på to område: spesialpedagogikk/utdanningsvitskap (lese- og skrivevanskar/dysleksi) og lesevitenskap/literacy studies (leseutvikling og -opplæring, tekstkultur). I tillegg har vi som eitt av ti nasjonale senter ansvar for leseopplæring og leseutvikling på landsbasis. Hovudmålsgruppene for aktiviteten til senteret er pedagogar i barnehage, lærarar i grunnskule og vidaregåande opplæring, PP-teneste, skuleleiarar, skuleeigarar og tilsette i lærarutdanninga. Senteret har f.t. rundt 60 tilsette, inkludert faste og mellombels stillingar. Vi samarbeider med dei andre nasjonale sentera og med senter innan Statped. Som del av universitetet samarbeider òg Lesesenteret med andre fagmiljø om forsking, forskarutdanning, undervising og rettleiing. Lesesenteret har dessutan eit omfattande internasjonalt samarbeid.

Universitetet i Stavanger har ledig 2- årig åremålsstilling som postdoktor i lesevitskap/utdanningsvitskap ved Lesesenteret. Stillinga er ledig frå 15.08.2016.

Fagområdet for stillinga er lesevitskap/spesialpedagogikk/utdanningsvitskap eller tilsvarande. Postdoktorstillinga er knytt til forskingsprosjektet PÅ SPORET. Prosjektet er forankra i programområdet Literacy og Læring, og finansiert av NFR. Den som vert tilsett skal utforske læringsforløp hos elevar som står i fare for å utvikle dysleksi, og vil arbeide med allereie innsamla data. Materialet består av elevar sine speleloggar frå den norske versjonen av det finske lesespelet Graphogame. Kompetanse i kvalitative metodar og meir avanserte statistiske tilnærmingar for analyse av data frå skolar og klasserom vil vere eit krav til stillinga. Erfaring med multivariate metoder som tar omsyn til klyngebaserte utvalg er ønskeleg.

Føremålet med stillinga er å realisere ambisiøse mål for forsking og publisering innen ramma av På sporet-prosjektet, og gjennom det også gje ein forskar med doktorgrad innafor det aktuelle fagområdet høve til vidare kvalifisering med sikte på fagleg toppstilling.

Søkaren må leggje fram omtale og plan for gjennomføring av eit forskingsprosjekt (5 sider). Det må gå eksplisitt fram av søknaden korleis prosjektet vil kunne bidra til søkarens kompetanseoppbygging.

Søknadene vil bli vurdert i høve til relevans, kvalitet og gjennomførbarheit. I tillegg til ei vurdering av innsendt prosjektplan og vitskaplege arbeid, vil aktuelle kandidatar bli kalla inn til intervju.

Kvalifikasjonar innanfor nyskaping, innovasjon og kommersialisering av forsking vert vektlagt ved tilsetting i vitskapeleg stilling ved universitetet.

Forskingsarbeidet skal gjennomførast ved Universitetet i Stavanger. Ein føresetnad er at den som blir tilsett, arbeider på full tid med forskingsprosjektet, og at vedkomande utgjer ein del av det faglege miljøet ved fakultetet og universitetet.

Stillinga blir lønna etter statens lønnsregulativ, l.pl 17

Minstelønn: 0

Maksimal lønn: 0

Arbeidsgiver Navn: Universitetet i Stavanger

Arbeidsgiver adresse: 4036 STAVANGER

Job kort beskrivelse: Special needs teachers

Land: Norge

Region: Rogaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år