Ved Geofysisk institutt Universitetet i Bergen er det ledig ei stilling som postdoktor i fysisk oseanografi.

Stillinga er for ein periode på 3 år og knytt til prosjektet «Vatnmassetransformasjon og kverveldynamikk i Lofotenbassenget» (ProVoLo), finansiert av FRIPRO-programmet til Noregs Forskingsråd.

Om prosjektet/arbeidsoppgåver

ProVoLo er eit samarbeidsprosjekt som skal støtte opp om det omfattande arbeidet med å observere, forstå og talfeste dei fundamentale prosessane som dannar den oseanografiske strukturen i Lofotenbassenget. Bassenget er særleg energirikt og inneheld den største og djupaste hopen av varmt atlantisk vatn i området. Det overordna målet med ProVoLo er å skildre og talfeste prosessane og banene som energioverføring og blanding har i Lofotenbassenget, og studere kva rollar desse prosessane spelar for omdanning av vatnmassar. Den viktigaste framgangsmåten vert ein kombinasjon av teori, numerisk modellering og eit spesielt tileigna felteksperiment som kjem til å ta i bruk både avanserte observasjonsteknikkar (undervassglidarar, drivlekamar både på og under overflata, og profilerande målarar av mikrostruktur) og meir konvensjonelle metodar (instrumentering på rigg og skipsobservasjonar frå tokt tileigna prosjektet), og som kjem til å dekkje skalaer frå 1 cm for turbulens opp til 50 km for mesoskala kvervlar. Prosjektgruppa er sett saman av forskarar frå Bergen, Oslo og Bodø, i tillegg til eit sterkt internasjonalt nettverk. Den som vert tilsett skal også samarbeide med ein stipendiat som vert tilsett samstundes.

Forskinga vil fokusere på (1) kvantifisering og beskriving av den energetiske, semi-permanente

antisyklonen i det djupe Lofotenbassenget med tilhøyrande stabilitet, (2) utveksling mellom eggakanten og bassenget og (3) utveksling i frontområdet over Mohnryggen. Den som vert tilsett vil studere prosessar frå storskala kvervlar til småskala turbulens og blanding. Grunnlaget for forskinga vil vere målingar som er skipsbaserte, frå undervassglidarar, akustisk spora undervassdriftarar og forankra instrumentering. Kandidaten vil delta på forskingstokt og leie oseanografiske måleprogram. I tillegg til vanleg moderne skipsmontert og forankra oseanografisk instrumentering, vil mikrostuktur-målesystem som glidar utstyrt med mikrostuktur sensorar og skipsbasert instrument for vertikal profilering, samt «Seaglider» og undervassdriftarar bli nytta. Forskargruppa har den nødvendige ekspertisen for å leie slike måleprogram. Ein ventar at søkjarar kan dokumentere erfaring i bruk av nokre (men ikkje nødvendigvis alle) målesystem og datahandsaming som vert nytta.

Kvalifikasjonar og eigenskapar

• Søkjarar må ha oppnådd ph.d. - grad eller tilsvarande utdanning innanfor i fysisk oseanografi, fluiddynamikk, fysikk, anvend matematikk eller relaterte fagområde, eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje.

• Vitskaplege krav til stillinga er god forståing av prosessar i havet anten på stor- og mellomskala eller småskala blanding eller vekselverknad mellom desse, relevante publikasjonar, erfaring med innsamling og handsaming av data frå minst eitt av instrumentsystema som vil bli nytta, erfaring i å utforme, planleggje og organisere feltundersøkingar. Kandidaten vil delta på to trevekers-t
  
  Minstelønn: 0
  
  Maksimal lønn: 0
  
  Arbeidsgiver Navn: Universitetet i Bergen
  
  Arbeidsgiver adresse: Christiesgt. 18 5020 BERGEN
  
  Job kort beskrivelse: Geologists and geophysicists
  
  Land: Norge
  
  Region: Hordaland
  
  Kilde til jobbtilbud: NAV, Offentlige arbeidsformidlinger, Norge
  
  Lønn valuta: NOK
  
  Lønn periode: Pr. år
  
  

  GJELDER