Stillingstittel: Politibetjent (ref.nr. 201601350)

Stillingsbeskrivelse:
Os lensmannsdistrikt betjener ca. 20.000 innbyggjarar og har 22 årsverk ved sitt kontor i trivelege lokale i Os sentrum. Os kommune grenser mot Bergen kommune i nord og Bjørnefjorden i sør. Flott natur og store friareal gjer gode moglegheiter for aktivitetar både på sjø og land. Os er ein kommune i vekst og har gode tilbod når det gjeld kultur- og fritidsaktivitetar.Politibetjent - Vest politidistrikt - Os lensmannsdistrikt

I Vest politidistrikt, for tida Os lensmannsdistrikt, er det ledig eit vikariat som politibetjent 3, SKO 1462 LR43. Ved mangel på kvalifiserte søkjarar som politibetjent 3, eller ved internt opprykk, vil det bli ledig stilling som politibetjent 2/1, SKO 1460/1458 LR42/41. Vest politidistrikt er for tida inne i ein omorganiseringsprosess. Det blir difor teke atterhald om organisatoriske endringar som kan involvere stillinga si plassering og innhald. For stillinga gjeld vanlege tilsetjingsvilkår i staten, mellom anna tilsetjing på prøve dei første 6 månadane. Søkjarane må kunne skrive både bokmål og nynorsk. Det er krav om plettfri vandel. Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å ha ei balansert alders- og kjønnssammansetjing og rekruttere personar med innvandrarbakgrunn. Kvinner og personar med innvandrarbakgrunn blir oppmoda til å søkje. Søkjarar må oppgje om dei har god helse og eventuelt legge fram helseattest på førespurnad. Aktuelle søkjarar vil bli kalla inn til intervju. Stadfesta attestar og vitnemål må takast med til intervjuet. Vi gjer merksam på at søkjarlista kan bli gjort offentleg sjølv om søkjar ber om å få vere anonym, jf. Offentleglova § 25. Vi ber om elektronisk søknad med referansar via lenka.

Arbeidsoppgåver

• kombinert etterforsking- og ordensteneste
• oppgåver som høyrer til den daglege tenesta ved lensmannskontoret
• turnusteneste etter dei til ei kvar tid gjeldande tenestelister
• andre oppgåver pålagt av overordna

Kvalifikasjonar

• bestått eksamen frå politiskulen/politihøgskulen
• tilfredsstille dei generelle kompetansekrava for politibetjent 3, ev politibetjent 2
• søkjar må vere IP4-godkjent, eller vere kvalifisert og villig til å bli IP4-godkjent
• god munnleg og skriftleg framføring
• relevant erfaring og anna utdanning/kompetanse blir vektlagt
• generelle datakunnskaper og kunnskap om politiet sine datasystem er ein fordel

Utdanningsretning

• Politi

Utdanningsnivå

• Politiskule/Politihøgskule

Personlege eigenskapar

• vere tett på, modig, vise respekt og tenke heilskapeleg
• gode samarbeidsevner og evne til å bidra til eit godt arbeidsmiljø
• evne til å arbeide sjølvstendig, systematisk og i team
• evne til å ta avgjerder i pressa situasjonar
• initiativrik, lojal og pliktoppfyllande
• mål- og resultatorientert med evne til kreativ problemløysing
• vere serviceinnstilt og fleksibel i forhold til arbeidsoppgåver

Arbeidssted:Hamnevegen 48, 5200 OsKontaktinfo:Oddbjørn Dyrdal, Lensmann, 56303902Spørsmål om søknad/CV, Seksjon for personal- og økonomiforvaltning, 55556300Nøkkelinformasjon:Annonsør: Politiet, Vest politidistriktRef. nr.: 201601350Vikar, HeiltidFor elektronisk søknadsskjema:

GJELDER