id: MTUyMDE5MDIwMDAwMDMgMjYx

reference: 15201902000003

documentId: 15201902000003

connectionPointId: 261

Stillingstittel: Ledige lærarstillingar ved Velle skule

Stillingsbeskrivelse:

I Ørsta kommune er det no ledig to 100 % vikarstillingar som lærar fram til 31.7.19. Stillinga er i seksjon skule, med f.t. Velle skule som tenestestad. Det kan verte aktuelt med forlenging av vikariata.

Sak nr. 2019/225
ID nr. 1251

Arbeidet vårt byggjer på kommunen sine verdiar

• Tillit -- gjennom gjensidig respekt, forståing og likeverd
• Energi -- gjennom entusiasme, inkludering og humor og glede
• Løysingsvilje -- gjennom lagånd, tydelege mål og meiningsfylte oppgåver
• Utvikling -- gjennom medverknad, tilbakemelding og verdsetjing av kunnskap

Er du klar for utfordring og utvikling?
Vi søkjer lærarar som vil vere med å vidareutvikle Ørstaskulen.

Våre overordna mål er:
Ein kollektivt orientert skule med vekt på trivsel, medskaping, inkludering og lokal identitet.
Ein skule som arbeider systematisk for å betre eleven si læring og utvikling.

I Ørstaskulen har vi langsiktig, heilskapleg satsing på å betre undervisninga, m.a. gjennom vurdering for læring og særleg fokus på lesing og læringsstrategiar. Vi arbeider med å ta i vare og vidareutvikle gode læringsmiljø og elevane si fysiske og psykiske helse, og vektlegg såleis relasjonskompetanse og evne til å sjå heile eleven sterkt. Alle lærarar deltek i nettverksarbeid på eigen skule, mellom skulane i kommunen og i lag med lærarane i Hareid kommune.

Vi søkjer etter ein engasjert lærar som er tydeleg i leiarrolla. Den som vert tilsett må kunne ta på seg kontaktlæraransvar. Stabilitet og personlege eigenskapar vert vektlagde, saman med utdanning og praksis. I Ørsta kommune ser vi elles kompetanse som dei samla kunnskapane, ferdigheitene, evnene og haldningane som gjer oss i stand til å utføre aktuelle oppgåver i tråd med definerte krav og mål.

Vi søkjer primært etter ein grunnskulelærar, men også lærarar med godkjent pedagogisk utdanning (PPU) og rett undervisningskompetanse kan verte vurderte. Vi ber om at søkjarar oppgir kva fag dei har fordjuping i.

Stillinga er plassert i kap. 4. Lønsplassering og stillingskode vert fastsett ved tilsetting.

Nærare informasjon om stillinga får du ved å vende deg til rektor Vidar Nupen tlf. 700 47760, e-post: vidar.nupen (at) orsta.kommune.no.

Referansar vert nytta og aktuelle søkjarar kan verte kalla inn til intervju. Ved intervju og ved tilsetjing skal det leggjast fram rettkjend dokumentasjon av vitnemål og attestar. Vitnemål og attestar dannar grunnlag for fastsetjing av ansiennitet og rett løn.

Tilsetjing skjer elles på dei vilkår og med dei rettar som går fram av gjeldande tariffavtalar og kommunale reglement.

Kommunen har gode pensjons- og forsikringsordningar i ++SPK++ for dei tilsette.

Vi ber deg nytte det elektroniske søknadsskjemaet, som du finn lenkje til på heimesida.

Kontakt servicekontoret dersom du ønskjer å få tilsendt søknadsskjema på papir.
Gjer vel å føre opp saksnummer og ID-nummer dersom du nyttar papirskjema.

Framlegging av vitnemål og attestar saman med søknaden er ein føresetnad for best mogleg sakshandsaming. Kopiar av vitnemål og attestar skal sendast som e-post i ei pdf-fil til postmottak (at) orsta.kommune.no eller til Ørsta kommune,
Dalevegen 6, 6153 Ørsta.

Søknaden med vedlegg vert ikkje returnert. Desse vert makulert etter tilsetjing.

Om offentleg søkjarliste
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om det. Den som ønskjer at namnet skal vere unnateke offentleg søkjarliste, må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve til prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.

PAM

numberOfPosts: 2

jobCategoriesCodes_0: http://data.europa.eu/esco/isco/C2351

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Velle skule

source: NAV