id: NTcwMTE5MDUwMDA3NTMgMjYx

reference: 57011905000753

documentId: 57011905000753

connectionPointId: 261

Stillingstittel: Kommunikasjonsmedarbeider (engasjement)

Stillingsbeskrivelse:

Jobbnorge ID: 170939

Om stillinga

Vi søkjer etter deg som har kompetanse innan forskingsjournalistikk og sosiale medium. Du vil jobbe med å lage engasjerande innhald til heimesida og dei ulike SoMe-plattformene våre, i tett samarbeid med prosjektleiarar og andre tilsette i Artsdatabanken.

Stillinga er eit fulltidsengasjement på seks månader, med eventuell moglegheit for forlenging.

I Artsdatabanken vil du bli ein del av kommunikasjonsteamet som blant anna jobbar med sosiale medium, nyheitsformidling, mediekontakt, visuell profilering, nettbaserte tenester og utvikling og oppdatering av heimeside.

Arbeidsoppgåver

Du vil få i oppgåve å skrive nyheitsartiklar, lage innlegg, videoar og underlag til media. I tillegg vil du publisere dine eigne saker på heimesida, og du kan bli bedd om å skrive og publisere nyheiter på intranettet vårt.

Det er viktig at du set deg inn i rolla vår som uavhengig kunnskapsformidlar, og at du forstår kva den inneber for kommunikasjonsarbeidet til Artsdatabanken.

Kvalifikasjonar

Kvalifikasjonskrava for stillinga er:

• relevant, høgare utdanning innan journalistikk eller kommunikasjonsfag, minimum på bachelornivå
• svært god skriftleg og munnleg formidlingsevne
• erfaring frå forskingsjournalistikk
• erfaring med videoproduksjon for sosiale medium
• gode IT-kunnskapar
• solid handlag med nynorsk

Det vil vere ein fordel om du tidlegare har jobba med saker innanfor fagområda våre, men dette er ikkje eit krav.

Personlege eigenskapar

Vi legg særleg vekt på personlege eigenskapar. Vi søkjer deg som:

• jobbar systematisk, effektivt og strukturert
• er løysings- og resultatorientert
• har gode samarbeidsevner
• er kreativ og interessert i naturmangfald

Anna om stillinga

Tiltreding

Engasjementet blir tiltredd 12. august 2019 eller etter avtale.

Kontaktperson

Kommunikasjonsleiar Åslaug Mostad kan kontaktast dersom du ønskjer meir informasjon, telefon: 419 19 902, e-post: aslaug.mostad (at) artsdatabanken.no

Søknadsfrist: 15.06.19

Du sender søknad og CV elektronisk og legg ved kopiar av aktuelle attestar og vitnemål på denne sida.

Vi tilbyr

Artsdatabanken kan tilby eit godt arbeidsmiljø på Pirsenteret i Trondheim, i lokale som nyleg har blitt pussa opp. Hos oss får du arbeide med utfordrande og interessante oppgåver innan kunnskapsformidling og naturmangfald. Vi har fleksitid og medlemskap i Statens pensjonskasse.

Avhengig av kvalifikasjonar vil stillinga lønnast som seniorkonsulent, stillingskode 1363, eller som rådgivar, stillingskode 1434. Normal lønn for seniorkonsulent vil vere frå 460 000 til 500 000 kroner per år. Normal lønn for rådgivar vil vere frå 500 000 til 560 000 kroner per år. Frå lønna blir 2 % trekt i lovfesta innskot til Statens pensjonskasse.

Generell informasjon

Tilsetjing skjer på dei vilkåra som til ein kvar tid gjeld for tilsette i staten, og den som blir tilsett må rekna med at det kan skje endringar av arbeids- og ansvarsområde.

Eit godt arbeidsmiljø er prega av mangfald. Vi oppmodar kvalifiserte kandidatar til å søkje uavhengig av kjønn, funksjonsevne eller kulturell bakgrunn.

Dersom du ønskjer å reservere deg frå oppføring på offentleg søkjeliste, må du opplyse om og grunngi dette i søknaden. Du får melding dersom ønsket om reservasjon ikkje blir teken til følgje.

Besøk heimesida vår: www.artsdatabanken.no

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2432

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: ARTSDATABANKEN

source: NAV