id: MTIwOTE5MDEwMDAzMjAgMjYx

reference: 12091901000320

documentId: 12091901000320

connectionPointId: 261

Stillingstittel: Klinikkoverlege ved Kvinneklinikken

Stillingsbeskrivelse:

Vi søkjer ein framtidsretta klinikkoverlege som er opptatt av leiarskap og som ønskjer å bidra til vidare utvikling av ei sentral eining i føretaket.

Kvinneklinikken har som mål at vi til ei kvar tid tilbyr pasientane våre den aller beste behandling og oppfølging. For å lykkast med dette satsar vi på vidare utvikling av pasienten si helseteneste, kvalitetsarbeid, pasientsikkerheit, forsking og systematisk fagleg utvikling. Vi legg stor vekt på samarbeid med kommunane for å tilby gode, koordinerte tenester.

Vi jobbar etter visjonen om at Kvinneklinikken skal vere eit fyrtårn for kvinnehelse i Noreg. Vi har som mål å gje eit fagleg høgverdig tilbod innan fødselshjelp og kvinnesjukdommar til kvinner i vårt nedslagsfelt.

Legane ved Kvinneklinikken er fordelt i fem seksjonar; fødeseksjon, seksjon for fostermedisin og ultralyd, seksjon for generell gynekologi, seksjon for assistert befruktning og seksjon for gynekologisk kreft. Kvinneklinikken har til saman ca. 420 tilsette, av desse er det 27 overlegar og 13 stillingar for lege i spesialisering. Som klinikkoverlege vil du ha leiaransvar for alle overlegane ved klinikken, herunder ivareta deira kompetanseutvikling. Ein av dine nære samarbeidspartar vil bli utdanningskoordinerande klinikkoverlege, som har leiaransvar for legane i spesialisering.

Det er stor vitskapleg aktivitet ved Kvinneklinkken og det er sju legar som er tilsett ved Universitetet i Bergen, ei i hovudstilling. Alle legane hos oss deltar i den kliniske undervisinga av både medisinstudentar, andre studentar og LIS. Klinikken har ca. 4700 fødslar pr år og det er stor aktivitet på alle seksjonar. Vaktsystemet er pt. firesjikta.

Om 4 år flyttar Kvinneklinikken for første gong sidan 1926
Kvinneklinikken både er og blir i endring fram til vi flyttar inn i nye bygg. Vi har eit omfattande samarbeid med mange avdelingar ved Haukeland universitetssjukehus og er med i planlegginga av det nye Barne- og ungdomssjukehuset (BUS). Nye bygg gjer det mogeleg å tenkje nytt også om innhaldet i huset, slik at vi vidareutviklar pasienten si helseteneste. Vi søkjer ein klinikkoverlege som med sin væremåte bidrar til eit positivt og godt miljø for utvikling og teamarbeid. Du er ein engasjert, ansvarleg og løysingsorientert leiar som ønskjer å bidra til at Kvinneklinikken sine ressursar blir forvalta til det beste for alle pasientane våre, og for heile regionsjukehuset.

Klinikkoverlegen rapporterer til og er del av leiargruppa til klinikkdirektør ved Kvinneklinikken.
Arbeidsoppgåver

• Medansvar for klinikken sine overordna mål og resultat, sikre god drift gjennom å utvikle rutinar og prosessar i fellesskap med dei andre i leiargruppa
• Medansvar for god samhandling på tvers av fagområde i og utanfor klinikken
• Personalansvar med oppfølging og rettleiing av overlegar
• Delta i klinisk arbeid avhengig av eigen kompetanse og interessefelt
• Ansvar for å leggje til rette for forsking, fagutvikling og kontinuerleg forbetringsarbeid
• Vere ein god rollemodell i forhold til sjukehuset sin visjon, mål og verdiar
• Medisinsk fagleg rådgivar for klinikkdirektør

Kvalifikasjonar

• Medisinsk embetseksamen, spesialist i fødselshjelp og kvinnesjukdommar
• Gjerne leiarerfaring og/eller -utdanning
• Erfaring og/eller interesse innan undervising/opplæring
• Erfaring i kvalitet- og forbetringsarbeid
• Forskingskompetanse som PhD og erfaring frå samarbeid med universitet og høgskular er ønskjeleg
• Kunnskap om spesialisthelsetenesta
• Den som blir tilsett må meistre norsk skriftleg og munnleg
• Norsk autorisasjon

Utdanningsretning

• Medisin
  

Utdanningsnivå

• Profesjonsstudium

Personlege Eigenskapar

• Fagleg sterk, engasjert og fleksibel
• Er analytisk og strategisk med god organisasjonsforståing
• Opptatt av å bidra til gode løysingar med eit overordna perspektiv
• Er fleksibel i forhold til oppgåver og strukturert i forhold til innhald
• Har fokus på å skape og å bidra til eit godt og lærande arbeidsmiljø
• Evne å ta avgjersler og gjennomføre dei
• Opptatt av å gjere medarbeidarane gode
• God på samarbeid, og på tvers av faggrenser
• God i formidling
• Har ein involverande arbeidsform
• Er resultatorientert og tar avgjersler til det beste for heile avdelinga

Språk

• Norsk

Vi tilbyr

• Ei unik mogelegheit for å vere med på å utvikle og følgje opp morgondagens helseteneste i eit variert og breitt fagmiljø.

KontaktinformasjonSusanne Albrechtsen, Klinikkdirektør, 55974204
Arbeidsstad
 Bergen
Nøkkelinformasjon: Annonsør:Helse Bergen

Ref. nr.:4009572638
Stillingsbrøk: 100%
Fast heltid
Tal på stillingar: 1
Søknadsfrist: 31.01.2019


https://www.webcruiter.no/wcmain/advertviewpublic.aspx?oppdragsnr=4009572638&company_id=53013&culture_id=NN-NO
For elektronisk søknadsskjema:[Klikk her]


numberOfPosts: 1

jobCategoriesCodes_0: http://data.europa.eu/esco/isco/C2212

abstractJV_contact_0: See jobabstractJV_description

Arbeidsgiver Navn: Helse Bergen

source: NAV