Stillingstittel: Jurist til rettsseksjonen

Stillingsbeskrivelse:
Oppgåva til Toll- og avgiftsetaten er å verne samfunnet mot ulovleg inn- og utførsel av varer gjennom effektiv kontroll og å sikre inntekter til staten gjennom innkrevjing av toll og avgifter. Vi tilbyr spennande arbeidsoppgåver i ein organisasjon med viktig samfunnsansvar. Vi er organiserte i eit sentralt direktorat med seks underliggjande tollregionar og rapporterer til Finansdepartementet.TolldirektoratetJurist til rettsseksjonenHar du lyst til å jobbe med interessante samfunnsoppgåver i eit spennande og utviklande juridisk miljø med høg fagleg kompetanse? I Tolldirektoratet er det ledig ei fast rådgivar-/seniorrådgivarstilling (jurist) ved rettsseksjonen i toll- og vareførselsavdelinga. Seksjonen er ein juridisk seksjon i Tolldirektoratet og har hovudansvar/redaktøransvar for tollova, tollforskrifta og innførselsreglane i meirverdiavgiftslova og ansvar for samordning, einskapleg bruk og forståing av regelverket for forvaltinga (forvaltingslova og offentleglova). EU/EØS-rett er òg ein viktig del av arbeidet vårt. Saman med dei andre medarbeidarane i seksjonen vil du delta i lov- og forskriftsarbeid, utgreiingsarbeid, klagesaksbehandling og juridisk rådgiving mot heile tolletaten. Du vil òg kunne få arbeidsoppgåver som er knytte til rettleiing og informasjon om regelverket ut mot publikum og næringslivet og til undervisning i grunn- og vidareutdanninga til etaten. Kvalifikasjonar: Du må ha juridisk embetseksamen / master i rettsvitskap og minimum to års relevant arbeidserfaring. Det er ein føresetnad at du har god juridisk vurderingsevne og god skriftleg og munnleg framstillingsevne på norsk og engelsk. Det er ønskjeleg med erfaring frå utgreiingsarbeid, lov- og/eller forskriftsarbeid, erfaring med EU/EØS-rett og kjennskap til offentleg forvalting. Interesse for prosjekt- og utviklingsarbeid er òg ein fordel. Vi ønskjer ein medarbeidar som tek initiativ og jobbar sjølvstendig er strukturert og effektiv og kan vise til god gjennomføringsevne har evne til effektiv kommunikasjon og konstruktivt samarbeid er fleksibel og trivst i ein til tider hektisk kvardag I tillegg blir du motivert av samfunnsoppdraget til etaten, og du identifiserer deg med dei personalpolitiske verdiane våre ved å ha integritet og vere mål-, resultat- og utviklingsorientert og inkluderande. Vi tilbyr interessante, utfordrande og varierte arbeidsoppgåver eit godt og ope fagmiljø med stor breidd og dyktige medarbeidarar eit tverrfagleg arbeidsmiljø ei fleksibel arbeidstidsordning treningsfasilitetar gode pensjons-, forsikrings- og låneordningar i Statens pensjonskasse lønn som rådgivar/seniorrådgivar i lønnstrinn 55 - 72 (kr 467 700 - 640 700), avhengig av kvalifikasjonar. For spesielt kvalifiserte søkjarar kan høgare lønn vurderast. Eit godt arbeidsmiljø er prega av mangfald. Vi oppfordrar kvalifiserte kandidatar til å søkje, uavhengig av kjønn, funksjonsevne og kulturell bakgrunn. Arbeidsplassen vil bli lagd til rette ved behov. Tolldirektoratet er organisert i fire fagavdelingar med om lag 260 tilsette og held til i Oslo sentrum. Tolletaten er inne i ein større endringsprosess, og omstillinga kan føre til organisatoriske endringar. Dersom du ønskjer nærmare opplysningar, kan du kontakte fungerande seksjonssjef Sonja Finne på telefon 22 86 09 66 eller 467 73 139. CV og vitnemål/attestar må leggjast ved søknaden. Søknadsfristen er 28 februar 2016. Merk søknaden 16/2016.Sted: Oslo Tiltredelse: etter avtaleKontakter:Seksjonssjef Sonja Finne, tlf: 22 86 09 66For elektronisk søknadsskjema:

GJELDER