Stillingstittel:
Førstekonsulent/rådgivar/seniorrådgivar Administrasjonsavdelinga, team for budsjett, styring og analyse - NFD 15/16

Stillingsbeskrivelse:

Nærings- og fiskeridepartementet har ansvaret for å forme ein framtidsretta nærings- og sjømatpolitikk. Arbeidsområda femner om forvaltning og tilrettelegging for norsk næringsverksemd. Det gjeld mellom anna fiskeri- og havbruksnæringa, forskings- og innovasjonspolitikk, næringsutvikling, handelspolitikk, fremme av  eksporten, forenkling av reglar og skipsfartspolitikken. Departementet forvaltar også staten sine eigarandelar i ei rekkje selskap.

Jobbnorge ID: 126191

Nærings- og fiskeridepartementet har to statsrådar, ca. 350 tilsette og fleire etatar og tilknytte verksemder.

 

Administrasjonsavdelinga er inndelt i team. Vi søker ein medarbeidar til arbeid med statsbudsjett, internbudsjett, internkontroll, rutinar for styring og rapportering i departementet, støtte til etatsansvarlege fagavdelingar og økonomiske analysar.

 

Den som vert tilsett vil og delta i eit prosjekt som skal vidareutvikle departementet sine interne rutinar for styring og rapportering og departementet si styring av etatar og tilknytte verksemder, i godt samspel med etatsansvarlege fagavdelingar. Formålet er meir effektiv bruk av samfunnet sine ressursar.

 

Den enkelte fagavdeling har ansvaret for den daglege etatsstyringa overfor den enkelte verksemd, mens Administrasjonsavdelinga har ei viktig rolle i å legge til rette for gode system, bidra til god erfaringsutveksling på tvers og drive fram forbetringar og forenkling i mål- og resultatstyringa i departementet. Prosjektet er forventa, i samspel med fagavdelingane, å utvikle og gjennomføre prosessar som gir auka samfunnsnytte gjennom betre resultat for samfunnet og/eller reduserte kostnader.

Søkarar må ha utdanning på masternivå med noe økonomi i fagkretsen. Det er ein fordel med utdanning i samfunnsøkonomi, bedriftsøkonomi og/eller regnskapsanalyse. Relevant erfaring frå styring i offentleg eller privat sektor kan delvis kompensere for økonomifagleg utdanning.

Vi søker ein positiv, initiativrik og løysningsorientert person med gode samarbeidsevner. Erfaring frå tilsvarande arbeid og prosessar i annan verksemd vil bli tillagt vekt. Det er krav om god fagleg innsikt, analytiske eigeskaper og god formuleringsevne skriftleg og munnleg, både på norsk og engelsk. Nyutdanna kan og søke.

Den som vert tilsett vil kunne arbeide med økonomiske problemstillingar innanfor heile avdelinga sitt arbeidsområde.

 

Vi tilbyr: 

• Lønnsspenn: kr  410 500 - 640 700 (ltr. 47-52/49-60/60-72)
• Interessante og utfordrande arbeidsoppgåver i eit aktivt og engasjert arbeidsmiljø
• Kompetanseutvikling og fagleg oppdatering
• Heimekontorløysingar og trening i arbeidstida
• Fleksibel arbeidstidsordning og betalt overtid
• God låneordning til bustad gjennom Statens pensjonskasse (SPK)
• God pensjonsordning gjennom SPK
• Moderne kontorlokale i sentrum

Kopi av attestar og vitnemål som ikkje kan sendast elektronisk, skal sendast Nærings- og fiskeridepartementet, Postboks 8090 Dep, 0032 Oslo. Søknadsdokument blir ikkje returnerte.   

Nærmare opplysningar om stillinga kan ein få ved å kontakte ekspedisjonssjef Wenche Stenberg, tlf. 92 46 88 38 eller avdelingsdirektør Raymond Jenssen, tlf. 91 82 99 18.

 

Søknadsfrist: 8. juni

Se annonsen og søk på stillingen www.jobbnorge.no

Minstelønn: 0

Maksimal lønn: 0

Arbeidsgiver Navn: Nærings- og fiskeridepartementet

Arbeidsgiver adresse: Kongensgate 8 0153 OSLO

Job kort beskrivelse: Policy administration professionals

Land: Norge

Region: Oslo

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år