id: MTIwOTE5MDQwMDA0MTMgMjYx

reference: 12091904000413

documentId: 12091904000413

connectionPointId: 261

Stillingstittel: Førsteamanuensis

Stillingsbeskrivelse:

Jobbnorge ID: 169255

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Førsteamanuensis i Arkeologi - Jernalder

Universitetsmuseet i Bergen har forsking, og formidling som kjerneoppgåver, saman med innsamling, dokumentasjon og vern. Museet har fagfelta antropologi, arkeologi, kunst- og kulturhistorie, botanikk, geologi og zoologi. Til museet ligg og ansvaret for utgravingsverksemda etter av Kulturminnelova med forskrifter, samt for to botaniske hagar. Universitetsmuseet har omfattande vitskaplege samlingar og er eit nasjonalt formidlingssentrum. Museet har om lag 120 årsverk. Nærare informasjon om museet finn ein her: http://ww.uib.no/universitetsmuseet

Ved Universitetsmuseet i Bergen, Avdeling for kulturhistorie, er det ledig ei fast stilling som førsteamanuensis i arkeologi, med spesialkompetanse innanfor dei seinare periodane i jernalderen: frå og med romartid til og med vikingtid (Jernalder ca. 0-1000 CE). Utlysinga er eit ledd i oppbygginga av eit sterkt, fleirfagleg integrert forskingsmiljø. Til saman har den kulturhistoriske verksemda ved Universitetsmuseet om lag 35 faste stillingar, med vitskapleg og forvaltingsansvar for antropologi, arkeologi, konservering, kunsthistorie og kulturvitskap.

Arbeidsoppgåver/forskingsområde:

Til stillinga ligg det vitskaplege ansvaret for forsking, forvalting og formidling som er knytt til museet sine omfattande samlingar frå og med romartid til og med vikingtid. Samlingane består i hovudsak av materiale som er samla inn over nesten 200 år frå Hordaland, Sogn og Fjordane og Sunnmøre. Arbeidsoppgåvene er knytt til å gjera jernaldersamlingane tilgjengelege for forsking, formidling og forvalting, samt til museet si sikring av vitskapleg materiale etter Kulturminnelova. Den som vert tilsett skal ha pliktarbeid knytt til den vitskaplege forvaltinga av samlingane frå jernalderen. Dette omfattar mellom anna å utvikle overordna forskingsstrategiar i samarbeid med avdelingsleiaren, utvikle og drifte forskingsprosjekt, samt ta ansvar for spørsmål knytt til vitskaplege prioriteringar i samlingsforvaltning og konservering.

Pliktarbeidet omfattar dessutan fagleg kvalitetssikring av samlingsforvaltinga, mellom anna når det gjeld katalogisering og sikring av høgt fagleg nivå, samt bidra til god formidling i museet sitt utstillings- og formidlingsarbeid. Vedkommande skal også arbeide aktivt for å tilføra institusjonen eksternt finansierte forskingsprosjekt. Det ligg også til stillinga å gje råd i fornminne- og dispensasjonssaker og å gje fagleg informasjon ved spørsmål frå studentar, forskarar og publikum. Vedkommande må samarbeida nært med Fornminneseksjonen, Seksjon for samlingsforvalting og konservering, museet si Formidlingsavdeling og med kollegaer i Forskingsseksjonen. Det ligg også administrative plikter til stillinga etter reglane som gjeld for Universitetet i Bergen. Arbeidsoppgåver og ansvarsområder kan bli endra.

Kvalifikasjonar og eigenskapar:

Kvalifikasjonskrav:

• Søkjarar må ha norsk doktorgrad eller tilsvarande kompetanse i arkeologi med spesialisering innafor perioden romertid til og med vikingtid
• God kjennskap og innsikt i det arkeologiske kjeldematerialet frå perioden i Norden og Nord Europa
• Brei kunnskap om materiell kultur, teori, metode og faghistorie
• Godt dokumentert publiseringsaktivitet
• Fagleg nettverk nasjonalt og internasjonalt
• Arbeidsspråket på avdelinga er til vanleg norsk, men søkjar må kunne uttrykke seg godt på engelsk, skriftleg og munnleg. Det blir kravd at den som blir tilsett beherskar norsk eller eit anna skandinavisk språk innan to år frå tilsetjinga
• Ut frå regelverket skal tilsette i vitskapelege stillingar ved Universitetet i Bergen ha pedagogisk basisutdanning. Den som blir tilsett vil få tilbod om opplæring dersom kravet ikkje er oppfylt før tilsetjinga

Eigenskapar:

• Gode samarbeidsevner blir tillagt stor vekt, og evne til å jobbe i eit fleirfagleg integrert miljø
• Personleg eigna og motivert for stillinga
• Erfaring frå, og ambisjonar om, forskingsprosjekt
• Vera dugande til å levera i høve til tidsfristar og kvalitet

Vi tilbyr:

• Eit godt og fagleg utfordrande arbeidsmiljø
• Løn etter lønssteg 64 - 66 (kode 1011/lønsramme 24, alternativ 8-10 i lønsregulativet til staten ved tilsetjing. Dette utgjer ei årsløn på kr 565 500 - 586 500 brutto. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
• Medlemskap i Statens pensjonskasse??????????????
• Stilling i ei inkluderande arbeidslivsverksemd (IA-verksemd)
• Gode velferdsordningar

Søknaden skal innehalde:

Søknaden skal skrivas på engelsk og skal innehalde:

• CV
• Vitnemål
• Attestar
• Fullstendig publikasjonsliste
• Dokumentasjon på dine pedagogiske kvalifikasjonar
• Kortfatta skisse over eigne forskingsinteresser og framtidige forskingsplanar ved museet
• Liste over innsendte vedlegg

Vi søkjer ein aktiv og ambisiøs forskar med dokumentert forskingskompetanse nasjonalt og internasjonalt. Publikasjonar dei siste fem åra vil bli særleg vektlagt. Det blir lagt vekt på god kjennskap til kulturminneforvaltninga og forskingsformidling. Det er ønskjeleg med museal erfaring med evne til nytenking innanfor museumsformidling og forvaltning. Erfaring med å utvikle forskingsnettverk og forskingsprosjekt og interesse for tverrfaglege perspektiv vil også bli tillagt vekt.

Ved vurderinga av søkjarane vil profilen deira bli vurdert med vekt på korleis dei kan bidra til å oppfylle forskingsstrategien for Avdeling for kulturhistorie. Forskinga innanfor fagområda antropologi, arkeologi, konservering, kunsthistorie og kulturvitskap er definert gjennom eit felles utgangspunkt: Museumsforskinga skal ta utgangspunkt i dei kulturhistoriske gjenstandane - som materialiserte kvardagspraksisar for ei forståing av menneske, samfunn og kultur. Sjå her for omtale av Avdeling for kulturhistorie: http://www.uib.no/kulturhistorie/73639/forskningsseksjonen

Når søkjarane blir vurderte, vil det bli lagt vekt på innsendt skisse til forskingsprosjekt. Skissa bør innehalde ein kortfatta plan over eigne forskingsinteresser og framtidige forskingsplanar ved Universitetsmuseet, Avdeling for kulturhistorie. Faglege/vitskapelege arbeid skal ikkje sendast inn saman med søknaden. Som ein første lekk i vurderinga vil det bli brukt ein sorteringskomité som vurderer alle søknadene.

Dei best kvalifiserte søkjarane vil bli bedne om å sende inn eit utval vitskapelege arbeid, som vil bli vurderte av ein eigen sakkunnig evalueringskomité samen med andre relevante kvalifikasjonar. Dersom det er felles arbeid, må søkjaren legge ved ei kort utgreiing om eigen medverknad og rolle. Kandidatane vil bli bedne om å sende inn maksimum fem vitskapelege arbeid (ikkje meir enn 500 sider totalt), som søkjaren ser på som særleg relevante for stillinga.

Dei høgast rangerte kandidatane etter den sakkunnige vurderinga vil bli inviterte til intervju og eventuelt prøveforelesing.

Generell informasjon:

Utfyllande opplysningar om stillinga kan ein få ved å vende seg til: Avdelingsleiar/instituttstyrar ved Avdeling for kulturhistorie, Asbjørn Engevik, tlf. 55 58 31 20/920 23 711 (asbjorn.engevik (at) uib.no)

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: UiB, Det Samfunnsvitenskapelige Fakultet

source: NAV