id: MTIwOTE5MDIwMDAwMDEgMjYx

reference: 12091902000001

documentId: 12091902000001

connectionPointId: 261

Stillingstittel: Førsteamanuensis/universitetslektor

Stillingsbeskrivelse:
Jobbnorge ID: 163809

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Førsteamanuensis/universitetslektor

Ved Det medisinske fakultet, Eining for læring, er det ledig ei 3-årig stilling (30-50 %) som førsteamanuensis. Dersom det ikkje er søkjarar med kompetanse som førsteamanuensis, kan det vere aktuelt å tilsetje som universitetslektor. Søkjar må opplyse kva stillingsprosent ein ønskjer og uttak av arbeidstid må avklarast med fakultet og hovudarbeidsgjevar før tilsetjing. Det er ønskeleg med snarleg start i stillinga. Stillinga er finansiert av Det medisinske fakultet og strategiske midlar frå UiB.

Om Eining for læring (EFL)

Eining for læring er ei fagleg eining med vitskapleg tilsette som har oppgåver knytt til kompetanseheving av dei øvre tilsette ved fakultetet samt medisinsk- og helsefagleg pedagogisk forsking. Eining for læring held til i Armauer Hansens Hus.

https://www.uib.no/med/enhetforl%C3%A6ring

Den som blir tilsett skal delta i undervisning av dei tilsette ved fakultetet og på anna måte legge til rette for at fakultetet sine tilsette i små stillingsbrøkar kvalifiserer til pedagogisk basiskompetanse. Den som vert tilsett vil òg ta del i EFL si generelle verksemd og ha EFL som dagleg arbeidsplass.

Arbeidsoppgåver/forskingsområde:

Den som vert tilsett i stillinga vil arbeide med pedagogisk stabsutvikling tilknytt eit 3-årig prosjekt som har som mål å sikre pedagogisk basiskompetanse for tilsette i små stillingsbrøker. Fakultetet har mange tilsette i denne kategorien og store delar av undervisning og rettleiing som finn stad i våre studieprogram vert utført av denne gruppa tilsette. Prosjektet tar sikte på å utvikle ordningar som gjer at flest mogleg vert kvalifisert og får godkjent pedagogisk basiskompetanse innan 3 år.

Det vert lagt vekt på universitetspedagogisk kompetanse og evne til å formidle og demonstrere pedagogisk verksemd i tråd med forsking på det utdanningsfaglege feltet, samt evne til å leggje til rette for pedagogisk kompetanseheving blant dei tilsette.

Arbeidsoppgåver som inngår i stillinga er:

• finne fram til aktuelle kandidatar for tiltaket og identifisere deira behov for å kunne innfri krav til pedagogisk basiskompetanse
• delta i arbeidet med å utvikle vurderingskriterier og støttetiltak som kan gje godkjent pedagogisk basiskompetanse
• vere med å utvikle dokumentasjonsordningar for pedagogisk kompetanse for dei tilsette, gjerne gjennom ei digital pedagogisk mappe
• knyte nettverk til anna universitetspedagogisk verksemd og initiere samarbeid om kompetansebyggingstiltak
• medverke til at undervisarar og fagmiljø har tilgang til stabsutvikling: faste strukturar for erfaringsutveksling, kurs, rettleiing og pedagogisk teori
• undervisning og vurdering

For førsteamanuensis skal forskingsdelen av stillinga knytast opp mot det medisinsk-utdanningsfaglege feltet. For universitetslektorstilling er det forventa at heile stillinga skal brukast til prosjektarbeidet, med moglegheit for forskingsbasert evaluering av tiltaka.

Kvalifikasjonar og eigenskapar:

Den som vert tilsett må kunne arbeide tverrfagleg mot alle grupper av fagleg tilsette. Personen må ha god kjennskap til dei ulike studieprogramma som fakultetet tilbyr, og ha solid praktisk og teoretisk kunnskap om dei undervisnings- og vurderingsformer som er aktuelle for medisin- og helsefagutdanningane. Dette inkludere moderne undervisningsformer og bruk av digital læringsteknologi.

• for førsteamanuensis er det eit krav at søkjar har relevant norsk ph.d. grad eller tilsvarande kompetanse.  For universitetslektor må søkjar ha mastergrad i eit helsefag eller pedagogikk med relevans for helsefaga
• søkjar må ha dokumentert pedagogisk basiskompetanse som til dømes universitetspedagogisk basisutdanning eller tilsvarande. Den som vert tilsett vil få tilbod om opplæring dersom kravet ikkje er oppfylt før tilsetjing
• søkjar må kunne arbeide og undervise både på norsk og engelsk
• det vert lagt vekt på erfaring innan prosjektleiing, koordinering av utdanningsaktivitet og dokumenterte pedagogiske eigenskapar i praksis.
• det vert lagt vekt på dokumentert vilje og evne til samarbeid

Intervju og prøveførelesning vil bli brukt i rekrutteringsprosessen. Tilsetjinga går føre seg på grunnlag av ei totalvurdering av søkjaren sine kvalifikasjonar og evne å innfri prosjektet sitt mål.

Vi tilbyr:

• spanande og utviklande arbeidsoppgåver i eit sterkt fagmiljø
• faglege utfordringar med gode høve for personleg utvikling og kompetanseutvikling
• for førsteamanuensis løn etter lønssteg 66 (kode 1011/lønsrame 24.10), for tida kr 586 500, eller lønssteg 68 (spesialistutdanning) for tida kr 607 700, brutto for ei fulltidsstilling i lønsregulativet til staten, vidare opprykk etter tenesteansiennitet i stillinga. Universitetslektor vert lønt etter lønssteg 51-61 (kode 1009/lønsrame 25.5), for tida kr 449 400 - 534 100 brutto pr. år for ei fulltidsstilling, etter tenesteansiennitet. For særleg kvalifisert søkjar kan det verte aktuelt å vurdere høgare løn
• medlemsskap i Statens pensjonskasse
• gode velferdsordningar

Søknaden skal innehalde:

• ei kort utgreiing om søkjaren sin motivasjon for å søkje stillinga
• vitnemål/karakterutskrifter (all høgare utdanning) og relevante attestar
• fullstendig publikasjonsliste
• vedlegg som dokumenterer dine pedagogiske kvalifikasjonar samt ei liste over desse
• ei liste over vitskapelege arbeid du vil det skal takast omsyn til ved vurderinga, med opplysning om kvar dei er offentleggjorde
• vitskapelege arbeid du vil det skal takast omsyn til ved vurderinga (maks 10) i passande format (pdf) skal følgje med søknaden som vedlegg
• to referansar (namn og kontaktinformasjon)

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden.

Generell informasjon

Utfyllande opplysningar om stillinga får ein ved å kontakte leiar for Eining for læring  Monika Kvernenes, tlf. 55 58 65 99, e-post: monika.kvernenes (at) uib.no, eller Steinar Hunskår, prodekan for utdanning, tlf.: 55 58 20 85, e-post: steinar.hunskar (at) uib.no

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Kvinner vert spesielt oppmoda om å søkje. Dersom dei sakkunnige finn at fleire søkjarar har tilnærma like kvalifikasjonar, vil reglane om kjønnskvotering i Personalreglementet for vitskaplege stillingar verte følgde.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

Arbeidsgiver Navn: Universitetet i Bergen

source: NAV