Ved Institutt for pedagogikk, Det psykologiske fakultet, er det ledig ei stilling som førsteamanuensis i pedagogikk. 

Institutt for pedagogikk vart etablert som eige institutt i 2010 og inkluderer lærarutdanning, utdanningsvitskap og universitetspedagogikk. Det er om lag 35 tilsette ved instituttet. Det psykologiske fakultet tilbyr profesjonsutdanning for psykologar, har ansvar for universitetspedagogisk utdanning av UiB sin eigen stab, bidreg med pedagogikkdelen av lærarutdanninga, og tilbyr grader innan eit vidt felt: barnevern, helsefremjande arbeid, pedagogikk, psykologi, arbeids- og organisasjonspsykologi og logopedi. Fakultetet sine hovudsatsingsområde innan forsking er knytt til helse, utdanning, utviklingsrelatert forsking og basalforsking i vid forstand. Om stillinga Den som vert tilsett vil ha sin arbeidsplass ved Institutt for pedagogikk og arbeidsoppgåver vil primært verte knytt til undervising og rettleiing av studentar på eittårig Praktisk Pedagogisk Utdanning (PPU) og ved den 5-årige lektorutdanninga (master). Det vil leggjast vekt på forskingsbasert undervising og aktiv deltaking i forskingsrelatert verksemd.

Kvalifikasjonar og eigenskapar

• Søkjarar må ha disputert på søknadstidspunktet innan fagområdet pedagogikk eller anna område med relevans for pedagogikk i lærarutdanning
• den som vert tilsett i stillinga vil primært bidra til vidare utvikling av pedagogikkdelen i lærarutdanninga og det er ønskjeleg at søkjarane har røynsle frå skulen og/eller lærarutdanning
• søkjar bør ha røynsle frå forsking som er relevant for pedagogikk som profesjonsfag i lærarutdanninga og vil bidra i lærarutdanningsrelatert forsking ved instituttet
• det er ønskjeleg at søkjaren har erfaring med digitale - og studentaktive læringsformer
• pedagogisk basisutdanning er eit krav for stillinga. Den som vert tilsett vil få tilbod om opplæring dersom kravet ikkje er oppfylt før tilsetjing.

Alle søkjarane som innehar dei nødvendige kvalifikasjonane vert innkalla til intervju. Det kan og verte aktuelt med prøveforelesing i tilsettingsprosessen. Den som vert tilsett må rette seg etter dei retningslinene som til kvar tid gjeld for stillinga, og vert venta å gå inn i ei av forskingsgruppene ved fakultetet. Undervisingsspråket er norsk.

Vi kan tilby

• eit godt og fagleg utfordrande arbeidsmiljø
• løn etter lønssteg 60 - 68 (kode 1011/LR 24-4) ved tilsetjing. Dette utgjer ei årsløn på kr. 510.100-591.400 brutto.Vidare opprykk skjer etter tenesteansiennitet i stillinga. For særleg kvalifiserte søkjarar kan det verte aktuelt å vurdere høgare løn
• medlemsskap i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

Slik kan du søkja

Søkjarar må nemne dei arbeida eller delane av arbeida som det skal leggjast særleg vekt på ved vurderinga. Desse bør ikkje vere fleire enn 10. Søknaden må innehalde oversyn over vedlegg som dokumenterer søkjaren sine pedagogiske kvalifikasjonar.

Du søkjer elektronisk i JobbNorge til Universitetet i Bergen via knappen på denne sida: «Søk stillingen». Søknad, CV og vedlegg skal sendast kun elektronisk i JobbNorge.

Følgjande må vere knytt til søknad

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgt. 18 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år