id: MTIyNDE5MDcwMDAwMTEgMjYx

reference: 12241907000011

documentId: 12241907000011

connectionPointId: 261

lastModificationDate: 1562864400719

Stillingstittel:
Fastlegeheimel ved Husnes Helsesenter/sjukeheimslege

Stillingsbeskrivelse:
Omtale av stillinga

Kommunen har i mange år hatt ei god og stabil legedekning. For tida har vi 16 fastlegar i kurativ teneste, alle med private avtaleheimlar. I tillegg har kommunen ein stilling for LIS1, og kommuneoverlege i 50 % stilling kombinert med 50 % stilling som sjukeheimslege. Offentlege oppgåver ved helsestasjonar og i eldreomsorga er fordelt slik at 10 av legane har 8 - 45 % stilling til offentleg allmennlegeteneste.

Vaktordninga har vore stabil i mange år og er for tida 11-delt. Kvinnherad legevakt er bemanna med sjukepleiar på kveldstid og helgedagar.

Kvinnherad kommune er ein vidstrakt kommune. Legane er fordelt i fire geografiske områder med kvart sitt helsesenter. Det er eit godt fagleg og kollegialt fellesskap i legegruppa, god vegleiing og bakvaktordning i forhold til legevakt, godt samarbeid og samtrening med lokal ambulanseteneste. Kvinnherad legevakt ligg vegg i vegg med ambulansestasjonen.
Kommunen har etablert ein frisklivsentral og tilsett folkehelsekoordinator.

Ved Husnes helsesenter arbeider i dag sju fastlegar i eit kontorfellesskap med til saman eit listetak på 6400, innbyggjartal i området er om lag tilsvarande. Organiseringa er sjølvstendig næringsdrift i eit felles AS for drift og investering.

Ein lege har sagt opp fastlegeheimelen sin frå 01.01.2020, heimelen har listetak på 700. Det er knytt "goodwill" til heimelen. Lista har vore stort sett vore full, listelengda er 698 per 01.07.19.

Fastlegen har i dag offentlege oppgåver i 45 % stilling som sjukeheimslege ved Husnestunet. Det kan ikkje tilpliktast meir enn 20 % stilling med offentlege oppgåver til ein fastlegeheimel. Det er ope for søkjar å drøfta listetak og eventuell stillingsstorleik som sjukeheimslege, og å søkja på stilling som sjukeheimslege og/eller fastlegeheimel.

Fastlegar i Kvinnherad nyttar Infodoc Plenario journalsystem, er knytt til Norsk Helsenett og har elektronisk meldingsutveksling med pleie- og omsorgstenesta. Organisert smågruppetrening gjev teljande poeng for spesialisering og vedlikehald for spesialistar i allmennmedisin.

Alle fastlegar har økonomisk samarbeid og driftsavtale med kommunen. Dette inneber m.a. at kommunen held lokale, tilset og har arbeidsgjevaransvar for hjelpepersonell i forholdstal 1 hjelpepersonell per 1200 listepasientar. Helsesenteret har eige laboratorium og bioingeniør i 90 % stilling.

Fastlegeheimel og stilling som sjukeheimslege er ledig frå 01.01.20, og inneber deltaking i legevaktordning. Dato for oppstart kan drøftast nærare.

For stillinga søkjer vi lege som har:

• norsk autorisasjon
• fullført turnuspraksis/LIS1-praksis i allmennmedisin
• gode norskkunnskapar

Personlege eigenskapar og tidlegare arbeidserfaring vil verta vektlagt. Tilsetjing skjer på dei vilkår som går fram av gjeldande lover, reglar og tariffavtalar.
Søkjar bør ha sertifikat.

Vi tilbyr

Tilsetjing skjer etter gjeldande vilkår for kommunale arbeidstakarar i samsvar med HTA og AML.
Pensjonsordning, ulykkes- og gruppelivsforsikring gjennom KLP.
Kvinnherad kommune er ei IA-verksemd.
Gode arbeidstilhøve i eit godt arbeidsmiljø.
Dekning av flytteutgifter etter nærare reglar.

Søknad vert å senda

Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.

Innsendte vitnemål og attestar blir ikkje returnert.

Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.

Se annonse

PAM

numberOfPosts: 1

jobCategoriesCodes_0: http://data.europa.eu/esco/isco/C2211

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: HUSNES HELSESENTER

source: NAV