Stillingstittel: Fast stilling som korleiar/trusopplærar

Stillingsbeskrivelse:

Sirdal sokn dekker heile Sirdal kommune, og har ein stab på totalt ti personar.  Det er fire kyrkjer i soknet, men to av dei er sjeldan i bruk. Fleire gode tiltak innan trusopplæring for barn og unge i soknet er etablert, og vi er i sluttfasen med å utabeide lokal plan for trusopplæring. I tillegg til trusopplæringstiltaka, er det eit særs godt samarbeid mellom kyrkje / skule og kyrkje / barnehage. 

Den eine av våre to dyktige kyrkjelydsarbeidarar skal slutte, og vi lyser difor ut fast stilling som korleiar/trusopplærar frå august 2016.

Sirdal er ein kraftkommune i Vest-Agder med eitt sokn, fire kyrkjer og kyrkjegardar og med vel 1800 innbyggjarar. Gode barnehage- og skuletilbod, kommunal kulturskole og vidaregåande skule med internat. Rike høve for sport, naturopplevingar og ulike kulturtilbod. På kommunesenteret Tonstad ligg Kyrkjesenteret med kontorfellesskap for sokneprest, organist, kyrkjelydsarbeidarar og dagleg leiar. Kyrkjelyden driv eit omfattande korarbeid med barnekor, jentekor og blandakor for vaksne.

Fast stilling som korleiar/trusopplærar i Sirdal kyrkjelyd

Sirdal sokneråd søkjer ein allsidig person i inntil 50 % fast stilling som korleiar/trusopplærar med mykje vekt på musikk, frå august 2016.

Kvalifikasjonskrav til søkjar: - Utdanning innan musikk, og erfaring frå korarbeid. Andre søkjarar kan bli vurdert. - Musikalsk breidde og openheit  for nyare kyrkjemusikalske uttrykksformer. - Gode evner til samarbeid og kommunikasjon, så vel som evne til å arbeide sjølvstendig - Søkjarar må snakke og skrive godt norsk - Krav om politiattest - Medlemskap i Den norske kyrkja

Aktuelle søkjarar vil bli kalla inn til intervju. Søkjar må disponere eigen bil i jobbsamanheng. Det går greitt å pendle til Tonstad frå heile Lister-regionen, Egersund/Lund og Sandnes/Stavanger-området.

Arbeidsoppgåver Om lag 15 % av stillinga er knytt til arbeid med jentekoret Cantarellene. Koret deltek fleire gonger i året på gudstenester, og syng også i andre samanhenger. Resten av stillinga er knytt opp mot babysong og andre tiltak innafor trusopplæringa, og evnt anna musikalsk arbeid i kyrkjelyden, avhengig av søkjars interesse og erfaring, samt behov i kyrkjelyden. Denne delen av stillinga kan søkjar vere med å forma sjølv i samarbeid med resten av staben og soknerådet.

Det er mogleg å søkje på delar av stillinga. Det er også mogleg å kombinere denne stillinga med det ledige vikariatet som trusopplærar i 30 %.

Vi tilbyr eit triveleg arbeidsmiljø, og løns- og arbeidsvilkår etter gjeldande lovar, regler og tariffavtala til Kyrkjeleg Arbeidsgjevar- og interesseorganisasjon (KA).

Kan dette vere aktuelt for deg? Ta kontakt med dagleg leiar Henning Huseby Jansen på tlf 38391600/97633127 eller kyrkjelydsarbeidar Ragnhild Maria Sandvik på tlf 93652713. Send ein søknad med CV innan 30.mai på e-post: post (at) sirdal.kyrkja.no . Du treng ikkje sende med attestar og vitnemål. Det bed vi deg ta med til eit eventuelt intervju. Velkomen som søkjar!

Søknad sendes: Postboks 1334441 TONSTAD

Minstelønn: 0

Maksimal lønn: 0

Arbeidsgiver Navn: SIRDAL SOKN

Arbeidsgiver adresse: Postboks 133 4441 TONSTAD

Formen for kontakt: Henning Huseby Jansen

Arbeidsgiver telefonnummer: 38371600

Job kort beskrivelse: Musicians, singers and composers

Land: Norge

Region: Vest-Agder

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år