Stillingstittel:
Faggruppeleiar operatøroppfølging (ref.nr. NO-02167)

Stillingsbeskrivelse:

Hordaland fylkeskommune har som ei av sine oppgåver å arbeide for eit best mogleg kollektivtilbod i fylket. Skyss planlegg, kjøper og marknadsfører kollektivtransporttenester for buss, bybane og båt. Vårt arbeid innverkar på kvardagen til veldig mange menneske og vi har stor respekt for oppgåva. Kontoret vårt ligg i Bergen sentrum. Skyss har ein stabil driftsorganisasjon og har skapt gode resultat over tid. Aukande krav og forventningar har skapt eit behov for vidare utvikling og det er derfor gjort endringar i organisasjonsstrukturen. På bakgrunn av dette er det oppretta ei stilling som Faggruppeleiar operatøroppfølging. Det er til saman tre faggruppeleiarar som arbeider tett med og rapporterer til Leiar avdeling Trafikktilbod.

oppfølging – leiing - koordinering

Som faggruppeleiar operatøroppfølging vil du tydelegjere koplinga mellom strategi og dagleg drift. Du vil i stor grad arbeide operativt og i tillegg sikre at faggruppa etablerer og jobbar etter gode planar, utviklar rammer, rutinar og verktøy for at arbeidsprosessane blir meir like, føreseielege og lettare kan etterprøvast. Faggruppeleiaren vil ha eit særskilt ansvar for å koordinere arbeidet i faggruppa, og å sørgje for tett samarbeid med dei andre fagmiljøa i Skyss.

Du vil vere eit viktig kontaktpunkt i Skyss mot operatørane og deira drift og ha ansvar for å leggje til rette for overordna kontrakts- og økonomioppfølging. Vår faggruppeleiar vil følje opp og måle kvalitet etter gjeldande krav, samt forvalte og følje opp insentivordningar i kontraktane. Ved planlagde midlertidige trafikkomleggingar grunna arrangement o.l. vil du ha ansvar for dagleg kontakt med operatørar, arrangørar og myndigheiter om omlegging og i tillegg etablere planer for faste omleggingar. I tillegg vil du bistå til påverking og utføring av oppgåver knytt til infrastruktur som planprosjekt og tilrettelegging for kollektivtrafikk knytt til drift og vedlikehald av vegsystem. Du vil arbeide med nye transportanbod, både med grunnlag og gjennom deltaking i tilbodsevaluering og forhandling.

Vi ønskjer søkjarar med høgare utdanning innan relevante fagområder, mellom anna logistikk, økonomi og jus . Det er ein fordel med erfaring frå logistikk og gjerne med leverandør- og kontraktsoppfølging. Erfaring frå leiing gjennom prosjekt- og eller personalleiing vil vektleggast, men vi ser og etter kandidatar med potensial for leiing. Kjennskap til offentleg forvaltning gjer det enklare å gå inn i rolla.

Gjennom gode formidlingsevner engasjerer du dine medarbeidarar til å arbeide strukturert, planmessig og resultatorientert. Du arbeider godt i team og sjølvstendig. Nærare opplysningar får du hos Mercuri Urval v/ Gro Reinertsen tlf. 975 59 058 eller Tarald Mong tlf. 975 59 054. Søk på stillinga snarast, og seinast innan 21.08.2016. All uformell kontakt med Mercuri Urval vert handsama konfidensielt, om ynskjeleg også overfor oppdragsgivar.

Sted: BergenHjemmeside: www.skyss.noFor elektronisk søknadsskjema: [Klikk her]

Minstelønn: 0

Maksimal lønn: 0

Arbeidsgiver Navn: Skyss

Arbeidsgiver adresse: 5008 BERGEN

Job kort beskrivelse: Production clerks

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år