NHH blei etablert i 1936 og utgjer saman med SNF og AFF NHH miljøet, Noregs største senter for forsking og utdanning innen økonomi og administrasjon. NHH har som mål å være blant dei fremste handelshøgskulane i Europa.

Høgskulen har ca 3300 studentar og rundt 400 tilsette. Av desse er over 210 i vitskaplege stillingar.

NHH er blant Skandinavias leiande handelshøgskular, og er studentane sitt førsteval når dei skal ta økonomisk-administrativ utdanning i Noreg. Kommunikasjons- og marknadsavdelinga leier arbeidet med intern og ekstern kommunikasjon ved NHH. Viktige oppgåver er marknadsføring, medie- og samfunnskontakt, forskingsformidling og produksjon av innhald i NHHs kanalar. NHHs nye nettstad blei lansert i mai 2016, og skal saman med dei andre digitale kanalane drivast og vidareutviklast i tråd med målgruppenes behov og NHHs strategiske ambisjonar.  NHH har ledig ei prosjektstilling som digital rådgjevar med teknisk kompetanse. Vi søkjer ein fagleg nysgjerrig, engasjert og strukturert medarbeidar som kan kommunisere godt med leverandør, studentar, fagstab og IT- miljøet på høgskulen.Arbeidsoppgåver: Forvalting, forbetring og vidareutvikling av NHHs digitale plattformer på nhh.no, bloggar og i sosiale medium. Dette inkluderer:

• Å vere NHHs konktaktpunkt mot eksterne leverandørar
• Å leie og koordinere vidareutvikling på nhh.no
• Testing av leveransar frå leverandør
• Systematisk arbeid med analyse, innsikt og brukartesting
• Opplæring og rådgjeving til interne innhaldsforvaltarar
• Å bidra med teknisk innsikt og utviklingsarbeid i nettredaksjonen
• Ta del i det generelle kommunikasjons- og marknadsarbeidet ved avdelinga.

NHH si verksemd og organisering er i endring og utvikling. Arbeidsoppgåvene kan bli endra, i tråd med NHH sine behov og søkjarens erfaring og kompetanse. Vi ser etter deg som har:

• Relevant utdanning på minimum masternivå
• Dokumentert gjennomføringsevne innan nettarbeid
• Erfaring med leverandørkontakt og innkjøp, samt kjennskap til smidig utvikling
• Erfaring med HTML, CSS og kjennskap til EpiServer og Atlassian JIRA og .NET
• Svært gode kommunikasjonsevner
• Vist at du er kvalitetsbevisst, proaktiv, engasjert og strukturert
• God rolleforståing og evne til å sjå heilskapen i NHH sin kommunikasjon

Stillinga er midlertidig til 31.12.2017. Stillinga har kode 1434 - rådgjevar, og vert løna etter statens regulativ i ltr. 55-65 (kr. 470.000 - 567.100 per år) avhengig av kvalifikasjonar. For spesielt kvalifiserte søkjarar kan høgare løn vurderast. Pensjonsordning gjennom Statens pensjonskasse (det vert trekt 2% frå løna).

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn. Personar med innvandrarbakgrunn vert oppfordra til å søkje.Vi gjer merksam på at opplysningar om søkjarane kan bli offentleggjorde sjølv om søkjaren har bedt om å vere unnateken søkjarlista. Søkjaren vil bli orientert om det på førehand.Nærmare informasjon om stillinga kan du få ved å kontakte kommunikasjons- og marknadssjef Kristin Beate Risvand Mo, tlf 55 95 96 61/ 915 99 661.Søk stillinga innan 10.8.16.