Stillingstittel: Byggeleiar tunnel Rogfast

Stillingsbeskrivelse:
Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

E39 Rogfast prosjektet er det første store prosjektet i satsinga på ferjefri E39 på Vestlandet. Det skal byggjast ein 27 km lang to-løps tunnel under Boknafjorden som skal erstatte dagens ferjesamband. I tillegg skal det byggjast ein tunnelarm opp til Kvitsøy og veg og bruer i tilknyting til tunnelane. Vi ventar at prosjektet skal byggjast i perioden 2017 til 2024/25. E39 Rogfast prosjektet vil venteleg verte godkjend av Stortinget i byrjinga av 2017.

Vi er no i gang med å byggje opp ein slagkraftig prosjektorganisasjon for å leie utbygginga av dette gigantprosjektet.

Vi søkjer byggjeleiar for ei av dei tre store tunnelkontraktane i prosjektet. Stillinga er knytta til prosjektavdelinga og inngår i byggherrepoolen i Region Vest. Når prosjektet startar opp vil kontorstaden bli ute på anlegget i Randaberg, Kvitsøy eller Bokn kommune. Etter prosjektslutt vil stillinga bli overført til andre prosjekt eller ledig arbeidsområde i Region vest.

Arbeidsoppgåver

• Hovudansvar for oppfølging av kontrakt med entreprenør
• Leiing av byggjemøter
• Ansvar for kontakt med alle offentlege etatar, grunneigarar og andre som blir råka av anleggsarbeida
• Koordinering av kontrollingeniørane sitt arbeid
• Rapportera om kvalitet, framdrift og økonomi til prosjektleiar
• Deltaking i prosjektets leiargruppe
• Ansvar for HMS i byggjefasen

Kvalifikasjonskrav

• Utdanning frå universitet eller høgskule innan bygg og anleggsfaget
• Erfaring frå anleggs- eller byggeleiing av større tunnelanlegg
• Erfaring med kontraktarbeid
• Stillinga krev førarkort klasse B
• Den som blir tilsett må kunne beherske norsk målføre, skriftleg og munnleg

For søkjarar med teknisk fagskule eller fagbrev, sterk og allsidig praksis frå det aktuelle fagområdet, samt gode personlege føresetnader for stillinga, kan kravet til utdanning fråvikast. Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT (www.nokut.no).

Vi vektlegg

• Du er initiativrik og har evne til arbeide sjølvstendig
• Du har eit sterkt fagleg engasjement
• Du kan vise til gode resultat frå tidlegare jobbar
• Du er god på kommunikasjon både skriftleg og munnleg
• Du har gode samarbeidsevner
• Du arbeider raskt og effektivt med dataverktøy

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr &og

Minstelønn: 0

Maksimal lønn: 0

Arbeidsgiver Navn: Statens vegvesen Region vest

Arbeidsgiver adresse: Bergelandsgata 30 4012 STAVANGER

Job kort beskrivelse: Civil engineering technicians

Land: Norge

Region: Rogaland

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år